Morgunblaðið - 09.02.2017, Qupperneq 44

44 FRÉTTIRInnlent
MORGUNBLAÐIÐ FIMMTUDAGUR 9. FEBRÚAR 2017
SVIÐSLJÓS
Svanhildur Eiriksdóttir
svei@simnet.is
Björgin, Geðræktarmiðstöð Suð-
urnesja, er athvarf og endurhæf-
ingarúrræði fyrir fólk með geð-
heilsuvanda. Miðstöðin hefur skipt
sköpum fyrir þennan hóp fólks og
þegar útlit var fyrir að henni yrði
lokað um mitt ár í fyrra voru
Hollvinasamstök Bjargarinnar
stofnuð með það að markmiði að
tryggja áframhaldandi rekstur.
Tekist hefur að tryggja reksturinn
út þetta ár þó róðurinn sé vita-
skuld þungur og reiðir sig á fram-
lög sveitarfélaga, ríkisins, fyr-
irtækja, félagasamtaka og
einstaklinga.
Aðstoð til sjálfshjálpar
Blaðamaður heimsótti miðstöð-
ina og tók Díönu Hilmarsdóttur
forstöðumann tali. Díana segir að
á bilinu 25 til 45 manns komi dag-
lega í Björgina en haldið er utan
um fjöldann með skráningu í
gestabók. Hún segir flesta vera á
endurhæfingarlífeyri og örorku og
ýmist í hlutastarfi eða óvinnufæra.
„Endurhæfingin er einstaklings-
bundin og helsta markmiðið með
henni er að aðstoða einstaklinginn
til sjálfshjálpar. Einstaklingar eru
hér í endurhæfingu í skemmri eða
lengri tíma, allt eftir því hvar þeir
eru staddir. Frá okkur fara þeir
svo í nám, út á vinnumarkaðinn
eða á örorku ef heilsa þeirra er
slík. Við undirrituðum nýverið
þjónustusamning við Vinnu-
málastofnun um starfsendurhæf-
ingu fyrir fólk með geðraskanir,
sem gildir til ársloka 2017.“
Díana segir markmið samnings-
ins vera það að veita þeim, sem
vísað er til þeirra, aðstoð með sér-
tækum endurhæfingaraðgerðum
og gefa þeim þannig færi á að
komast aftur út á vinnumarkaðinn
eða skipta um starfsvettvang, til
dæmis að undangengnu frekara
námi.
Fjölbreytt starf í boði
Boðið er upp á margvísleg nám-
skeið hjá Björginni og endurhæf-
ingu fyrir þá einstaklinga sem
þurfa á þeirri þjónustu að halda.
Pétur Hauksson geðlæknir kemur
í Björgina einu sinni í viku en
hann er eini geðlæknirinn sem
starfar á Suðurnesjum og ásókn í
tíma hans því mjög mikil.
„Við bjóðum líka upp á ýmsar
tómstundir, m.a. er prjóna- og
gönguhópur starfandi, bingó,
spilastundir ásamt því að tekist er
á við fjölbreytt listform í vinnu-
stofunni okkar. Félagar í Björg-
inni eru virkir þátttakendur í alls
kyns viðburðum sem samfélagið
hér á Suðurnesjum býður upp á.
Við setjum mánaðardagskrá inn á
heimasíðuna okkar með öllum
dagskrárliðum sem fólk getur
kynnt sér,“ segir Díana en Björg-
in er opin alla virka daga frá kl.
9:30 til 15:30. Sögu Bjargarinnar
má rekja aftur til ársins 2005.
Þann 4. febrúar það ár hófst
starfsemi Bjargarinnar í húsnæði
Sjálfsbjargar við Fitjabraut sem
samstarfsverkefni Reykjanes-
bæjar, Svæðisskrifstofu málefna
fatlaðra á Reykjanesi og Sjálfs-
bjargar á Suðurnesjum.
Í byrjun árs 2008 samþykkti fé-
lags- og tryggingamálaráðuneytið,
nú velferðarráðuneytið, öll sveit-
arfélögin á Suðurnesjum og Heil-
brigðisstofnun Suðurnesja að
koma að rekstri Bjargarinnar.
Sama ár flutti Björgin einnig
starfsemi sína í stærra húsnæði
að Suðurgötu 12 og 15. Starfsem-
in óx hratt og nú eru fjórir starfs-
menn í 3,5 stöðugildum.
Í dag er Björgin rekin af
Reykjanesbæ með aðkomu ann-
arra sveitarfélaga á Suðurnesjum,
enda koma félagar í Björginni frá
öllum Suðurnesjum. Starfsemin
hefur frá upphafi notið víðtæks
stuðnings frá fyrirtækjum, fé-
lagasamtökum og einstaklingum.
Sá stuðningur er afar mikilvægur
í starfsemi Bjargarinnar að sögn
Díönu og sérstaklega núna þar
sem til stóð að loka Björginni þar
sem hún er ekki lögbundið úr-
ræði.
Styrkirnir skipta höfuðmáli
Nú er búið að tryggja rekstur
Bjargarinnar út þetta ár. Það
tókst með samstilltu átaki ein-
staklinga, félagasamtaka, sveitar-
félaga á Suðurnesjum og ríkisins
en þar fremst í flokki fóru Holl-
vinasamtök Bjargarinnar, undir
forsvari Hannesar Friðrikssonar.
„Myndarlegur styrkur kom frá
Rauða krossinum í september á
síðasta ári. Hluti af styrknum
verður notaður í minningarsjóð
Hafdísar Guðmundsdóttur, fyrr-
verandi forstöðumanns, sem lést í
júní 2016 og við munum í sam-
starfi við Rauða krossinn útfæra
hvernig úthlutun úr honum verð-
ur háttað. Hann er hugsaður sem
menntasjóður sem félagar úr
Björginni geta sótt um í. Vonandi
höldum við áfram að fá framlög í
hann svo við getum stutt við bak-
ið á fólkinu okkar,“ segir Díana.
Hafdís Guðmundsdóttir var for-
stöðumaður frá 2011 þar til hún
lést og tók Díana við starfi henn-
ar.
Styrkir stórir sem smáir skipta
höfuðmáli í rekstri Bjargarinnar
og segist Díana vonast til þess að
fyrirtæki, félagasamtök og ein-
staklingar haldi áfram að styðja
við bakið á rekstrinum.
„Kvenfélag Keflavíkur hefur
stutt okkur með framlagi ár
hvert, Fjölbrautaskóli Suðurnesja
styrkti okkur með framlagi sem
var afrakstur þemadaga ársins
2016 sem voru haldnir undir kjör-
orðinu „Sælla er að gefa en
þiggja“. Soroptimistaklúbbur
Keflavíkur horfði til okkar á ár-
legu fjáröflunarkvöldi klúbbsins,
Vinkonukvöldi og erum við þeim
mjög þakklátar fyrir það. Odd-
fellow-stúkan Njörður hér á Suð-
urnesjum styrkti okkur einnig
núna í lok árs 2016 á 40 ára af-
mælisári sínu með veglegri pen-
ingagjöf. Þessir styrkir hafa gert
okkur í Björginni kleift að end-
urnýja innanstokksmuni og tæki
og tól sem voru komin til ára
sinna.
Þeir komu einnig og buðu fram
krafta sína með því að mála fyrir
okkur húsnæðið í Björginni laug-
ardaginn 4. febrúar síðastliðinn, á
afmælisdegi Bjargarinnar. Það
eru margir sem hafa veitt okkur
lið undanfarið og erum við mjög
þakklátar fyrir það,“ segir Díana
að lokum.
Styrkir skipta sköpum í starfinu
 Björgin, Geðræktarmiðstöð Suðurnesja, hefur verið starfandi í bráðum 12 ár  Áhersla lögð á að
rjúfa félagslega einangrun og efla sjálfstæði þeirra sem þangað leita  Margvísleg námskeið í boði
Morgunblaðið/Svanhildur Eiríksdóttir
Forstöðumaður Díana Hilmarsdóttir veitir Björginni, Geðræktarmiðstöð Suðurnesja, forstöðu og er hér í vistlegu rými miðstöðvarinnar.
Ljósmynd/Írena Guðlaugsdóttir
Styrkir Díana Hilmarsdóttir tekur hér á móti styrk frá Soroptimistaklúbbi
Keflavíkur úr hendi Kristínar Geirmundsdóttur, formanns klúbbsins.
HIN FAGRA OG FORNA ALBANÍA
8. – 19. apríl
ALBANÍA
WWW.TRANSATLANTIC.IS SÍMI: 588 8900
Albanía hefur nú loksins opnast
fyrir erlendum ferðamönnum.
Enn hefur alþjóðavæðingin ekki
náð að festa þar rætur og er lítt
sjáanleg. Þar má sjá ævaforna
menningu, söguna á hverju horni,
gríðar fallega náttúru og fagrar
strendur og kynnast einstakri
gestrisni heimamanna þar sem
gömul gildi eru í hávegum höfð.
VERÐ 299.950.-
per mann í 2ja manna herbergi. Innifalið: Flug, hótel
í London, hótel með hálfu fæði í Albaníu, öll keyrsla
í Albaníu, allar skoðunarferðir, ísl. fararstjóri,
skattar og aðgangur þar sem við á.
PÁSKA-
FERÐ