Morgunblaðið - 09.02.2017, Síða 78

78
MORGUNBLAÐIÐ FIMMTUDAGUR 9. FEBRÚAR 2017
HEIMILIÐ
Hafsteinn Árnason, sölu- og mark-
aðsstjóri hjá flísaversluninni Vídd,
er manna fróðastur um allt sem
við kemur flísum. Hann segir
tískuna í flísum halda áfram að
þróast í þá átt að fólk velji stærri
flísar, og stundum svo stórar að
þær eru orðnar tveggja manna
tak. Stóru flísarnar gefa gólfinu
stílhreinna yfirbragð og um leið og
flísarnar stækka hafa fúgurnar
minnkað, og helst að fúgan má
varla sjást.
„Flísarnar verða stærri og
stærri. Fyrir tíu eða fimmtán ár-
um voru vinsælustu flísarnar
30x60 cm og þær stærstu 60x60,
en í dag þættu þetta frekar litlar
flísar og algengt að sjá 80x80 og
jafnvel allt upp í 120x120 cm flís-
ar. Eru framleiðendurnir meira að
segja farnir að gera flísar sem eru
allt að 240 cm á lengdina.“
Velja dýrari flísar en áður
Að sögn Hafsteins hefur salan
gengið ágætlega undanfarin ár.
Eftir því sem hagur landans
vænkast á ný eftir bankahrun láta
fleiri eftir sér að flísaleggja her-
bergi á heimilinu upp á nýtt og
einnig að uppgangur er í húsbygg-
ingageira. „Við verðum vör við það
að viðskiptavinirnir eru farnir að
leita í dýrari og fínni flísar en áð-
ur,“ segir hann en bætir við að
framfarir í framleiðslu flísa hafi
skapað möguleika á að búa til sér-
deilis falleg gólf sem þurfa ekki að
kosta mikið. „Það sem framleið-
endurnir gera er að taka myndir
af flísum úr náttúrusteini og
prenta á verksmiðjuframleiddar
flísar. Útkoman er mjög raunveru-
leg og fæstir geta greint mun á
t.d. ekta marmara og flísum gerð-
um með þessari aðferð. Hafa þess-
ar marmaraflísar eða kalksteins-
flísar þó þann kost að vera ekki
eins gjarnar á að rispast eða
brotna, eða draga í sig raka. Er
óhætt að sulla rauðvíni á þessar
flísar, á meðan hætt væri við að
húsráðandi fengi hjartaáfall ef
óvænt helltist úr rauðvínsglasi á
náttúrulegan marmara.“
Engar endurtekningar
Er ekki nóg með að verk-
smiðjuframleiddu flísarnar séu
sterkari og ódýrari en náttúrulegi
steinninn heldur er hægt að flísa-
leggja stóra fleti án þess að tvær
flísar líti eins út. „Það var einn
gallinn við framleiðsluna áður fyrr
að ekki var mikil fjölbreytni í
munstrinu á prentuðu flísunum.
Nú hefur þetta breyst og erfitt
fyrir heimilismeðlimi að finna tvær
flísar sem eru alveg eins.“
Flísarnar stækka og stækka
 Tækniframfarir þýða að verksmiðjufram-
leiddar flísar geta litið út alveg eins og nátt-
úrusteinn en eru sterkari og þola betur slit
og vökva  Parketflísar henta vel í opnum
eldhúsum þar sem umgangur er mikill
Morgunblaðið/Árni Sæberg
Notagildi Hafsteinn segir erfitt að sjá muninn á alvöru marmaraflís og verksmiðjuframleiddri flís sem prentuð hef-
ur verið með marmarayfirborði. Síðarnefnda flísin er þó ódýrari og sterkari og þolir það þó rauðvín hellist niður.
Gaman er að skoða hvernig ólík-
ar þjóðir velja mismunandi gólf-
efni. Hafsteinn segir Íslendinga
t.d. sjaldan flísaleggja svefn-
herbergið en undantekningalítið
setja flísar á bað, eldhús og and-
dyri. Bandaríkjamenn eru þekktir
fyrir að teppaleggja heimili sín á
meðan Ítalir eru hrifnir af flís-
unum. „Þar er allt flísalagt; bæði
stofur og svefnherbergi, og
skemmtilegt að veita þessu at-
hygli, t.d. á ítölsku hótelunum
þar sem flísar eru á gólfum allra
herbergja.“
Sinn er flísa-
siður í landi
hverju
SJÓNMÆLINGAR
Tímapantanir:
Optical Studio í Leifsstöð, 4250500
Optical Studio í Smáralind, 5288500
Optical Studio í Keflavík, 4213811