Orð og tunga - 26.04.2018, Síða 159

148 Orð og tunga
og hvers konar upplýsingar þar er að finna áður en vikið verður að
flettuvali, tæknilegri útfærslu og notkunarmöguleikum.
2 Orð og orðasambönd í flettulista
Íslenskt orðanet er fyrst og fremst hugsað sem málbeitingarorðabók,
þ.e. orðabók sem fólk sem er að skrifa texta getur leitað í til að fá hug-
myndir að hentugu orðalagi. Orðanetið birtir því ekki skil grein ing ar
á orðum og orðasamböndum eins og finna má í hefðbundnum orða-
bókum. Þess í stað fær notandinn upplýsingar um vensl flett unn ar
við önnur orð og orðasambönd (sjá umfjöllun um Orðastað og Orða-
heim hjá Jóhannesi Gísla Jónssyni 2005:122).
Þegar notendur opna orðanetið birtist þeim mjög einföld síða. Á
miðjum skjánum er spurt „hvernig er þetta orðað?“ og þar fyrir neðan
er reitur þar sem skrifa má inn leitarorð. Hér er notendum boðið að
leita að „samstæðum orðum og orðasamböndum og tengja þau við
hugtök og merkingarflokka“ eins og segir á síðunni. Í leitargluggann
geta notendur slegið inn eitt eða fleiri orð til að finna orð í flettulista
orðanetsins en hann hefur að geyma rösklega 215.000 flettur. Hver
fletta er merkingarlega einræð sem þýðir að orð eins og vatn, sem
getur haft tvær ólíkar merkingar, skiptist í tvær flettur (‘rennandi
vatn’ og ‘stöðuvatn’).
Á Mynd 1 sést það sem birtist þegar notandinn hefur slegið inn
leitarorðið sjálfsagi. Hann fær þá fjórar flettur.
Mynd 1. Flettulisti fyrir nafnorðið sjálfsagi.
tunga_20.indb 148 12.4.2018 11:50:57