Morgunblaðið - 23.03.2018, Page 10

10 FRÉTTIRInnlent
MORGUNBLAÐIÐ FIMMTUDAGUR 22. MARS 2018
Smart föt, fyrir smart konur
Holtasmári 1
201 Kópavogur
sími 571 5464
Str. 38-52
Magnús Heimir Jónasson
mhj@mbl.is
Allsherjar- og menntmálanefnd Al-
þingis hafa borist fjölmargar um-
sagnir frá erlendum samtökum og
einstaklingum vegna frumvarps um
bann við umskurði drengja. Samtök
gyðinga allt frá Belgíu til Bandaríkj-
anna gagnrýna frumvarpið harðlega
á meðan svissnesk barnaréttarsam-
tök og danskir læknar styðja það.
Jonathan A. Greenblatt, forstjóri
Anti-Defamation League (ADL),
samtaka gegn gyðingahatri í Banda-
ríkjunum, ritar Alþingi umsögn þar
sem hann bendir Íslendingum á
mögulegar efnahagslegar afleiðing-
ar fyrir land og þjóð verði frumvarp-
ið samþykkt. Greenblatt rekur í um-
sögn sinni öfluga tengingu
samtakanna við fjölmiðla vestanhafs
og staðhæfir að ímynd Íslands yrði
óhjákvæmilega tengd nasisma sem
myndi hafa neikvæð áhrif á ferða-
mennsku.
„Við hvetjum ykkur til að íhuga
þýðingarmiklu fjölmiðlaathyglina
sem ADL fær í Bandaríkjunum og á
heimsvísu. Á síðustu sex mánuðum
hafa rannsóknir okkar og sérfræð-
ingar verið á CNN og öðrum kap-
alsjónvarpsstöðvum, NBC og sjón-
varpstöðvum, í fréttaskýringaþætt-
inum 60 Minutes og í leiðandi
dagblöðum eins og The New York
Times og The Washington Post. Þar
sem 28% ferðamanna á Íslandi komu
frá Bandaríkjunum árið 2016, ætti
ímynd Íslands í Bandaríkjunum að
valda áhyggjum, frá efnahagslegum
sjónarmiðum. Við erum sannfærð
um að meirihluti bandarískra ferða-
manna myndi forðast land sem er
með orðstír tengdan við nasisma,
jafnvel þótt sú tenging væri ekki
réttmæt,“ ritar Jonathan í umsögn
sinni til Alþingis sem erfitt er að
túlka öðruvísi en óbeina hótun.
Læknar styðja frumvarpið
Læknasamfélagið virðist hins veg-
ar einróma í stuðningi sínum við
frumvarpið. Alls rita 1.325 íslenskir
hjúkrunarfræðingar og ljósmæður
undir stuðning við frumvarpið,
ásamt því hefur á fimmta hundrað ís-
lenskra lækna undirritað stuðnings-
yfirlýsingu. Danskir læknar virðast
einnig samhljóða og rita mörg
hundruð læknar undir bréf sem seg-
ir að siðlaust sé að framkvæma um-
skurð nema af læknisfræðilegri
nauðsyn. „Umskurður, eins og hver
önnur aðgerð, veldur sársauka,
óþægindum og áhættu á minniháttar
eða varanlegum vandkvæðum fyrir
sjúklinginn. Umskurður sem er ekki
framkvæmdur í læknisfræðilegu
meðferðarskyni hefur engan ávinn-
ing. Óafturkræft brottnám heil-
brigðra og mjög viðkvæmra vefja frá
einhverjum, sérstaklega börnum
sem eru ekki hæf til að taka upplýsta
ákvörðum um samþykki, er mjög
siðlaust,“ rita dönsku læknarnir sem
hvetja íslenska þingmenn til að sam-
þykkja frumvarpið. Christoph
Geissbuhler, framkvæmdastjóri
svissnesku barnaréttarsamtakanna,
Pro Kinderrechte Schweiz, sendi
einnig umsögn til að vekja athygli ís-
lenskra þingmanna á neikvæðum
áhrifum umskurðar á drengi.
Þrýstu á íslenskan sendiherra
Í umsögn frá samtökum evr-
ópskra gyðinga hefur Alex Benjam-
in, fjölmiðlafulltrúi samtakanna,
miklar áhyggjur af uppruna frum-
varpsins og segir populista-lykt af
því. Hann og formaður samtakanna,
rabbíin Menachem Margolin, segj-
ast hafa fundað með Bergdísi Ell-
ertsdóttur, sendiherra Íslands í
Belgíu, í síðustu viku vegna málsins.
Ætla Benjamin og Margolin að
ferðast til Íslands til þess að efla
talsmenn gegn frumvarpinu.
Alþjóðleg samtök þrýsta á Alþingi
& Fjölmargir erlendir aðilar hafa sent Alþingi umsagnir vegna frumvarps um bann við umskurði
& Læknar og barnaréttarsamtök styðja frumvarpið & Trúarleg samtök mótmæla því harðlega
Morgunblaðið/Kristinn Magnússon
Í nefnd Páll Magnússon segir að nefndin muni skoða allar umsagnir vel.
Verð á minkaskinnum lækkaði um
nálægt 5% fyrstu fjóra dagana á
marsuppboði danska uppboðshúss-
ins Kopenhagen Fur en þar selja ís-
lenskir minkabændur afurðir búa
sinna.
Eftirspurn er heldur dræmari en
verið hefur, 97% framboðinna skinna
hafa selst.
Hækkun gengur til baka
Á síðasta uppboði, í febrúar, varð
um 5% verðhækkun í dollurum
reiknað. Skinnaverð virtist þá komið
á uppleið eftir mikinn öldudal und-
anfarin ár. Sú hækkun virðist vera
að ganga til baka, miðað við fyrstu
dagana á yfirstandandi uppboði.
Á vef danska uppboðshússins er
varkárni kaupenda rakin til þess að
enn eru miklar birgðir af skinnavör-
um úti á mörkuðunum. helgi@mbl.is
Verð á minkaskinnum
lækkar aftur á uppboðum
& Eftirspurn
minni en vænst var
Morgunblaðið/Helgi Bjarnason
Skoðun Gæði skinna eru margprófuð fyrir sölu í uppboðshúsinu.
Sendiherra Ísraels á Íslandi, sem hefur aðsetur í Noregi, óskaði eftir því
að koma á fund allsherjar- og menntamálanefndar vegna frumvarpsins.
Því var hafnað að sögn Páls Magnússonar, formanns nefndarinnar, í ljósi
hefðar um hvernig þingnefndir taka óskum erindreka erlendra ríkja. Páll
Magnússon og Guðmundur Andri Thorsson, varaformaður nefndarinnar,
munu hins vegar hitta sendiherrann og veita honum áheyrn en áhyggjur
sendiherrans snúa m.a. að því að hér á landi sé ekki formlegt eða skipu-
lagt samfélag gyðinga.
Umsagnarfrestur við frumvarpið rennur út 28. mars og segir Páll að
allar umsagnirnar verði teknar saman þegar fresturinn er liðinn og farið
yfir þær. Í kjölfarið verður ákveðið hverjum verður boðið á fund nefnd-
arinnar. „Við förum yfir allt sem varðar málið,“ segir Páll sem bætir við
að málið sé margslungið og því verði að vanda til verka. „Þetta er ekki
bara heilbrigðismál heldur trúarlegt mál, tilfinningamál og menningar-
sögulegt mál sem snertir svo óskaplega marga strengi.“
Sendiherra Ísraels fær áheyrn
ERLENDIR ERINDREKAR SÝNA FRUMVARPINU ÁHUGA