Morgunblaðið - 23.03.2018, Side 97

MORGUNBLAÐIÐ FIMMTUDAGUR 22. MARS 2018 13SJÓNARHÓLL
Vatnagörðum 22 | 104 Reykjavík | Sími 585 8300 | sala@postdreifing.is | postdreifing.is
FJÖLPÓSTUR
SEM VIRKAR
*könnun Zenter apríl 2016.
61% landsmanna lesa fjölpóst
70% kvenna lesa fjölpóst
58% neytenda taka eftir tilboðum á
vöru og þjónustu í gegnum fjölpóst*
Dreifum sex daga vikunnar inn á 80.000 heimili
MARKHÓPURINN ÞINN BÍÐUR
EFTIR TILBOÐI FRÁ ÞÉR
Hafðu samband og við gerum þér tilboð í þá þjónustu sem þér hentar
BÓKIN
Ný bylgja gengur yfir markaðs-
heiminn. Gömlu leiðirnar til að ná til
fólks eru orðnar úreltar og skilar
litlu að reyna að ná til neytenda með
ýtni, loforðum, grobbi
eða með því að þylja
upp tölfræði um eig-
inleika og kosti vör-
unnar. Þannig aug-
lýsingar fara inn um
annað eyrað og út um
hitt hjá fólki. Það sem
hæfir væntanlega
kaupendur í hjarta-
stað er að hafa góða
sögu að segja.
Ef búa má til
áhugaverða sögu í
kringum vöru eða
þjónustu hrífur sagan
neytendur með sér, og veldur því að
þeir falla kylliflatir fyrir því sem á að
selja þeim. Sögur geta meira að
segja dreift sér sjálfar, og borist
manna á milli á samfélagsmiðlunum,
án þess að borga þurfi fyrir dálk-
sentimetra í blöðum eða sekúndur í
sjónvarpi.
Um þetta fjalla Robert McKee og
Thomas Gerace í bókinni Story-
nomics: Story-Driven Marketing in
the Post-Advertising World.
McKee er mikil stjarna í banda-
ríska afþreyingargeiranum og hefur
um árabil haldið vinsæl námskeið
þar sem hann kennir hvernig á að
gera handrit að verð-
launakvikmynd eða
sjónvarpsþætti sem
slá í gegn. Tom Ge-
race er aftur á móti
frumkvöðull og rek-
ur fyrirtækið Sky-
word sem hjálpar
fyrirtækjum að
halda utan um mark-
aðsherferðir sínar á
árangursríkari hátt.
Saman hafa þeir
veitt mörgum
stærstu fyrirtækjum
heims ráðgjöf um
sögudrifna markaðssetningu.
En að koma sögu til skila er hæg-
ara sagt en gert, hvort sem auglýs-
andinn tekur stefnuna á prentmiðla,
sjónvarp eða netið. McKee vill
meina að auglýsendur þurfi ekki að
finna upp hjólið því nota megi sömu
aðferðir og handritshöfundar beita
til að búa til góða bíómynd eða hríf-
andi sjónvarpsefni. ai@mbl.is
Fáðu neytendur á þitt
band með góðri sögu
Tölvuský og svokölluð skýjavinnsla (e. cloudcomputing) hafa rutt sér til rúms í upplýs-ingatækni síðastliðin ár og eru í sífelldri
framþróun. Með skýjavinnslu er t.d. átt við yfir-
færslu gagna úr tækjum á borð við snjallsíma, far-
tölvur o.þ.h. yfir á gagnasvæði fjartengdra net-
þjóna, eða tölvuský, með þeim hætti að hægt er að
nálgast gögnin hvar sem er í heiminum. Þá nýta
fyrirtæki sér einnig í auknum mæli þann kost að
skýjavæða hugbúnað og vefhýsingu, enda getur
slíkt verið bæði hagkvæmara og öruggara en aðrir
kostir. Sú aukning sem orðið hefur í notkun tölvu-
skýja hjá bæði einstaklingum
og fyrirtækjum getur aftur á
móti reynst yfirvöldum tals-
verð hindrun þegar nálgast
þarf upplýsingar sem vistaðar
eru í tölvuskýjum, svo sem
vegna rannsókna sakamála.
Helgast það meðal annars af
því að tölvuský geta verið hýst
á mismunandi stöðum og jafn-
framt verið mismunandi úr
garði gerð, s.s. tölvuský þar
sem gögnin eru á stöðugri hreyfingu (e. data
shard) og því erfitt að henda reiður á eiginlegri
staðsetningu þeirra. Af þeim sökum hefur mik-
ilvægi samstarfs stjórnvalda yfir landamæri í þágu
rannsóknarhagsmuna aukist til muna og hafa sum
þeirra efnt til samstarfs til að auðvelda hver öðrum
aðgang að gögnum sín á milli. Eftir sem áður getur
reynst örðugt að ákvarða hvaða lög eigi að gilda
um afhendingu gagna sem hýst eru í tölvuskýjum.
Augun beinast nú að Hæstarétti Bandaríkjanna
sem hefur til meðferðar mál bandaríska ríkisins
gegn tæknirisanum Microsoft, en áfrýjunarréttur
hafnaði kröfu ríkisins á fyrri stigum þess efnis að
Microsoft, sem bandarísku fyrirtæki, væri skylt að
afhenda bandarískum yfirvöldum gögn sem hýst
voru í öðru landi, nánar tiltekið á netþjóni á Ír-
landi. Deilan snýr að því hvort bandarísk lög frá
1986 heimili þarlendum yfirvöldum að nálgast
gögn í vörslum bandarískra fyrirtækja, þrátt fyrir
að þau séu hýst utan Bandaríkjanna. Meðal
ágreiningsatriða er túlkun á aðgangsheimild
yfirvalda, þ.e. hvort hún taki til gagna sem hýst
eru í öðru ríki ef mögulegt er að nálgast þau innan
Bandaríkjanna, svo sem iðulega á við varðandi
skýjalausnir.
Athygli vekur að ekki fyrir alllöngu komst dóm-
ari ytra að gagnstæðri niðurstöðu í máli í Pennsyl-
vaníu-fylki. Þar var talið að Google væri skylt að
afhenda gögn þrátt fyrir að þau væru vistuð utan
Bandaríkjanna. Var niðurstaðan meðal annars
reist á því að þær skýjalausnir sem um ræddi voru
þess eðlis að gögnin voru á stöðugri hreyfingu og
ómögulegt að segja til um staðsetningu þeirra.
Taldi dómarinn að undir slík-
um aðstæðum væri eðlilegt
að yfirvöldum væri veittur
aðgangur, þar sem gögnin
væru aðgengileg innan
Bandaríkjanna. Sú niður-
staða er nokkuð athyglisverð
– en telja verður að fræðilega
geti sú staða alltaf verið uppi
á teningnum þegar kemur að
skýjalausnum. Af framan-
greindu virðist það geta skipt
sköpum hvort gögn séu vistuð á netþjóni í öðru til-
greindu ríki eða hvort þau séu á stöðugri hreyfingu
og því „óstaðsett í hús“ ef svo má að orði komast.
Bandarísk tæknifyrirtæki óttast að viðskipta-
vinir þeirra muni beina viðskiptum sínum annað ef
Hæstiréttur þar í landi fellst á kröfu ríkisins. Af
hálfu ríkisins eru færð rök fyrir því að málið varði
þjóðaröryggi og nauðsynlegt sé fyrir yfirvöld að
eiga möguleika á að nálgast gögn þarlendra fyrir-
tækja, þrátt fyrir að gögn séu eftir atvikum vistuð
á netþjóni annars staðar í heiminum. Hver niður-
staðan verður fyrir Hæstarétti Bandaríkjanna
skal ósagt látið en ljóst er að hún mun hafa tals-
verð áhrif á bæði framkvæmd og notkun skýja-
lausna. Hver sem málalokin verða í umræddu máli,
er ljóst að vandinn verður enn til staðar – og mun
að öllum líkindum reyna á samstarf yfirvalda yfir
landamæri í ríkari mæli þegar fram líða stundir.
Verður áhugavert að fylgjast með þeirri þróun,
sérstaklega með tilliti til þeirra umfangsmiklu
gagnavera sem starfrækt eru hér á landi.
Stormur í tölvuskýjunum
LÖGFRÆÐI
Lára Herborg Ólafsdóttir
héraðsdómslögmaður
á Juris lögmannsstofu
”
Eftir sem áður getur
reynst örðugt að
ákvarða hvaða lög
eigi að gilda um
afhendingu gagna
sem hýst eru í tölvu-
skýjum.