Morgunblaðið - 23.03.2018, Side 34

VIÐTAL
Stefán E. Stefánsson
ses@mbl.is
„Við höfum ríka ástæðu til þess að
koma saman og fagna þessum tíma-
mótum. Starf kórsins hefur eflst með
hverju árinu og nú erum við með um
60 frímúrarabræður sem skráðir eru í
hann,“ segir Jónas Þórir, stjórnandi
Frímúrarakórsins, glaður í bragði
þegar blaðamaður nær á hann milli
æfinga. Á laugardaginn kemur heldur
kórinn tvenna tónleika í tilefni af 25
ára sínu og stendur nú undirbúningur
vegna þeirra sem hæst. Verða tón-
leikarnir haldnir í glæsilegum hátíð-
arsal Frímúrarareglunnar á Íslandi í
húsakynnum hennar við Bríetartún.
„Þetta er mikilvægur hluti starfs-
ins á vettvangi Frímúrarareglunnar á
Íslandi og við hittumst alla laug-
ardagsmorgna og æfum þau lög sem
við syngjum á vettvangi reglustarfs-
ins í bland við þau lög sem okkur ein-
faldlega langar til að syngja,“ segir
Jónas.
Tvö ný verk frumflutt
Hann segir að á margan hátt verði
dagskrá tónleikanna nú sérstök en
það helgist af tilefninu.
„Það má kannski nefna tvennt sem
er sérstakt við þessa tónleika. Annars
vegar það að allir þeir stjórnendur
kórsins í gegnum tíðina sem á lífi eru
stíga á stokk og stjórna honum á tón-
leikunum. Við báðum þessar gömlu
kempur um að velja eitt lag sem þeir
vildu sérstaklega að kórinn tæki á
tónleikunum og svo var þeim falið að
stjórna kórnum í gegnum það. Þetta
eru þeir Friðrik S. Kristinsson, Jón
Kristinn Cortez, Garðar Cortes, Gylfi
Gunnarsson og Helgi Bragason,
ásamt mér.“
Hins vegar nefnir Jónas þá stað-
reynd að á tónleikunum verða tvö
tónverk frumflutt sem sérstaklega
eru samin fyrir tilefnið.
„Fyrra verkið sem við frumflytjum
er eftir þá Gunnlaug V. Snævarr og
Helga Bragason. Það nefnist Látum
hljóma sönginn sveinar og er afar
skemmtilegt. Þá flytur kórinn einnig
nýtt verk sem ég hef samið við texta
sem sóttur er í Hávamál. Það er svíta
nr. 2 því nú þegar hefur kórinn flutt
svítu nr. 1 sem ég samdi einnig fyrir
kórinn. Það verk hefur kórinn raunar
sungið margoft og raunar víða um
heim.“
Öllu tjaldað til að þessu sinni
Jónas segir að kórinn hafi ákveðið
að tjalda öllu til nú í ár enda sé til-
efnið ærið.
„Það er mikill kraftur í þessu starfi
og það gefur okkur öllum sem að því
komum mjög mikið. Við eigum líka
marga velunnara sem leggja okkur
lið. Þannig verðum við með mjög öfl-
uga tónlistarmenn með okkur. Hjör-
leifur Valsson kemur frá Noregi og
leikur á fiðlu, þá leikur Matthías Stef-
ánsson einnig á fiðlu, Örnólfur Krist-
jánsson leikur á selló, Bjarni Svein-
björnsson á bassa, Ólafur Flosason á
óbó og Sigurður Hafsteinsson á saxó-
fón. Þá fáum við einnig til liðs við
okkur einsöngvara og þeir eru ekki
af verri endanum. Kristján Jóhanns-
son tekur lagið, Jóhann Sigurðarson,
Ásgeir Páll Ágústsson og Björn
Björnsson, þannig að þetta verður í
raun algjör flugeldasýning.“
Löng og mikil saga rakin
Í tilefni afmælis kórsins stendur
hann fyrir útgáfu afmælisrits sem
rekur sögu hans aftur til stofnársins
1993. Er ritið ríkulega skreytt mynd-
um sem segja sína sögu um gróskuna
í þessu samfélagi.
Í ritinu kemur m.a. fram að nú,
aldarfjórðungi eftir stofnun kórsins,
eru enn 14 stofnfélagar virkir í starf-
inu.
Þar lýsir einnig Gunnlaugur V.
Snævarr, fyrsti formaður kórsins,
hversu mikið verk var fyrir höndum
þegar starfi kórsins var ýtt úr vör.
„Á fyrstu æfingu féllust mér hend-
ur. Kórinn var eiginlega algerlega
ósyngjandi þótt mjög góðir menn
væru þar innan um. Ég sá að bregð-
ast varð við. Að eignast góðan kór er
eins og eignast gott íþróttalið, æfa og
keppa eða fara í keppnisferðir og
stefna hærra.“
Víða komið við
Á þeim aldarfjórðungi sem kórinn
hefur starfað hefur hann ferðast víða
um lönd. Ein eftirminnilegasta ferðin
mun vera sú sem farin var aldamóta-
árið 2000 en þá lá leiðin um Egypta-
land og Ísrael. Þá hefur kórinn einn-
ig sótt heim frændþjóðir okkar í
austri, Dani, Norðmenn og Finna. Þá
segir Jónas Þórir að margar ferðir
kórsins innanlands hafi verið eft-
irminnilegar og þær séu orðnar ótal-
margar.
„Kórinn hefur skírskotun víða og
hefur komið með virkum hætti að
reglustarfinu víða um land. Og teng-
ingarnar liggja víða, m.a. í gegnum
þá frímúrarabræður sem í gegnum
aldirnar hafa lagt okkur til efniviðinn
með snilligáfu sinni. Þar má nefna
meistara á borð við Wolfgang Ama-
deus Mozart og Íslendingana Sigfús
Halldórsson, Þorkel Sigurbjörnsson
og Þórarin Guðmundsson, svo nokkr-
ir séu nefndir.“
Tvö ný kórverk á afmælishátíð
& Frímúrarakórinn fagnar 25 ára afmæli með tónleikum á laugardag & „Gamlar kempur“ taka í sprotann
Ljósmynd/Jón Svavarsson
Á æfingu Kórinn hefur æft stíft að undanförnu undir styrkri forystu stjórnandans Jónasar Þóris Þórissonar.
Morgunblaðið/Hari
Fjör Slegið var á létta strengi á árlegum vortónleikum kórsins í fyrra.
34 FRÉTTIRInnlent
MORGUNBLAÐIÐ FIMMTUDAGUR 22. MARS 2018
Á síðasta fundi Hverfisráðs Vest-
urbæjar var lögð fram ályktun um að
lækka hámarkshraða í Gamla Vest-
urbænum. Afgreiðslu hennar var
frestað.
Ályktunin var svohljóðandi:
„Hverfisráð Vesturbæjar skorar á
borgarstjórn að skoðað verði í sam-
vinnu við íbúa hvort breyta megi
Gamla Vesturbænum, sem afmarkast
af Hringbraut, Suðurgötu, Mýr-
argötu og Ánanaustum, í vistgötu-
hverfi þar sem hraði takmarkist við
15 km/klst. Einnig að kannaður verði
hugur íbúa til aukinnar stýringar á
bílastæðum vestan Ægisgötu með
gjaldtöku.“ Hins vegar samþykkti
ráðið ályktun þar sem tekið var undir
þau sjónarmið sem íbúar hverfisins
hafa látið í ljós síðustu daga á sam-
félagsmiðlum og á íbúafundi borg-
arstjóra á dögunum að hröð og mikil
umferð um Hringbraut sé ógn við
lífsgæði í hverfinu og skeri hverfið
sundur.
Brýnt sé að auka öryggi á Hring-
braut og minnka áhrif umferðarinnar
í næsta nágrenni. Að lágmarki beri að
framfylgja þeim hraðatakmörkunum
sem nú gilda á götunni. Skoraði
Hverfisráðið á borgarstjórn að grípa
til aðgerða. sisi@mbl.is
Morgunblaðið/Árni Sæberg
Hringbraut Vesturbæingar hafa áhyggjur af mikilli og hraðri umferð.
Hámarkshraði verði
15 km. í Vesturbæ
FERMINGARGJAFIR
Laugavegur 61 I Kringlan I Smáralind I sími 552 4910 I www.jonogoskar.is