Morgunblaðið - 23.03.2018, Síða 90

6 MORGUNBLAÐIÐ FIMMTUDAGUR 22. MARS 2018SJÁVARÚTVEGUR
Íshúsið ehf ∑ Smiðjuvegur 4a, græn gata, 200 Kópavogur
viftur.is
-andaðuléttar
hljóðlátu baðvifturnar
Stundum þarf maður
bara smá frið
Stema kerrurCompair loftpressur
Breitt úrval atvinnutækjaBreit úrval atvinnut kja
Stema kerrurCompair loftpressur
Við græjum það
Til sjós eða lands
Opið 8:30 - 17:00 virka daga - Sími: 562 3833
asafl.is
HJALLAHRAUNI 2, 220 HAFNARFIRÐI
Margt hefur gerst síðan Viðskipta-
Mogginn tók síðast hús á Fisher-
man fyrir réttum tveimur árum. Þá
snérist starfsemin einkum um
ferðaþjónustu en Fisherman rekur
vinsælt hótel á Suðureyri og hefur
um nokkurra ára skeið boðið ferða-
mönnum upp á að skoða fisk-
vinnslur og -verkanir á svæðinu. Í
dag framleiðir Fisherman einnig
vandaða vörulínu sjávarafurða sem
seldar eru í smekklegum umbúðum,
og nú síðast að fyrirtækið opnaði
litla verslun á Hagamel þar sem
kaupa má Fisherman-vörurnar og
heita fiskrétti.
Elías Guðmundsson er fram-
kvæmdastjóri Fisherman og á sér
stóra drauma um framtíð fyrirtæk-
isins. Gæti jafnvel verið inni í
myndinni að opna Fisherman-búðir
í erlendum stórborgum.
Saga Fisherman hófst fyrir átján
árum þegar Elías og fjölskylda
hans keyptu gamalt hús á Suður-
eyri. „Það stóð til að rífa þetta hús
en við keyptum það fyrir 50.000 kr,
gerðum upp og breyttum í lítið
gistihús. Þetta var áhugamál fjöl-
skyldunnar og eitthvað sem við
sinntum meðfram annarri vinnu en
árið 2005 byrjaði ég að sinna þessu
verkefni í fullu starfi. Smám saman
stækkaði gistiheimilið og varð á
endanum að þriggja stjörnu hóteli,
auk þess að kaffihús og veitingahús
bættust við reksturinn,“ útskýrir
hann.
Elías áttaði sig á að ferðamenn-
irnir voru mjög forvitnir um mat-
vælaframleiðsluna á svæðinu og
áhugasamir um að skoða fisk-
vinnslur, harðfiskþurrkun og upp-
lifa lífið á bryggjunni. Líkir hann
ferðum Fisherman við þær sem
standa til boða í vínræktunar- og
ostahéröðum Evrópu þar sem fram-
leiðendur leyfa gestum að sjá
hvernig varan verður til. „Við
bjuggum til ferðir sem við köllum á
ensku Seafood trail, þar sem fólk
fær að kynnast sjávarútveginum á
svæðinu frá fyrstu hendi. Erum við
núna komin með sex rútur sem við
notum í þessar ferðir, með pláss
fyrir fimmtíu manns í hverri ferð og
skipta gestirnir þúsundum ár
hvert.“
Fiskur með sögu
En ferðamannatímabilið á Vest-
fjörðum er ekki langt og var Elíasi
ljóst að þörf væri á að renna fleiri
stoðum undir reksturinn. Kviknaði
þá sú hugmynd að selja vörur undir
merki Fisherman. Eftir mikla rann-
sóknar-, hugmynda- og hönnunar-
vinnu leit dagsins ljós vörulína með
gæðavörum frá framleiðendum á
svæðinu í samræmdum umbúðum.
Pakkningarnar segja frá uppruna
vörunnar og skapa áhugaverða sögu
í kringum hana. „Við viljum segja
kaupandanum að við séum stolt af
uppruna okkar og því sem við fram-
leiðum og að allir séu velkomnir að
heimsækja okkur til að sjá með eig-
in augum hvernig varan verður til,“
segir Elías. Hann notaði tækifærið
og gerði undirbúning Fisherman-
vörumerkisins að lokaverkefni sínu
í MBA-námi við Háskólann Íslands.
Ljóstrar Elías því upp að ein
ástæðan fyrir því hve vel tókst til
við þróunina er að hann gat nýtt sér
þekkingu góðs fólks í háskólasam-
félaginu.
Ekki var erfitt að fá aðra mat-
vælaframleiðendur á Vestfjörðum
til að taka þátt en í vörulínu Fisher-
man má t.d. finna nokkrar gerðir af
þurrkuðum fiski, sósur, söl og
niðursoðna þorsklifur. „Um er að
ræða vörur frá fyrirtækjum sem
framleiða aðallega fyrir erlenda
markaði, en höfðu áhuga á að vera
líka hluti af þessu sjálfstæða vöru-
merki. Með því að vera hluti af
Fisherman fá þau aðgang að góðu
dreifineti og njóta góðs af þeim
styrk sem felst í að vera hluti af
stærra vörumerki. Eins og oft hefur
verið notað sem kjörorð okkar hér
fyrir vestan þá gerir maður ekki
rassgat einn,“ segir Elías og hlær.
Agnarsmá útgáfa af Bakkavör
Þróunin í smásölu á fiski hefur
verið í þá átt að bjóða neytendum
upp á æ smærri pakkningar af
snotrum fiskbitum sem auðvelt er
að elda og taka sig vel út í hillum
stórmarkaðanna. Þegar blaðamaður
spyr hvort Fisherman sé ekki að
beita gömlu viðskiptamódeli með
því að opna fiskbúð þá er Elías
fljótur að leiðrétta þann misskiln-
ing. Hann segir fiskbúðinni á Haga-
mel betur lýst sem n.k. „street
food“-stað. Þar er má fá allar
Fisherman-vörurnar, s.s. vinsæla
bakka með fiskbollum, plokkfiski
eða ýsu í raspi sem skella má beint
í ofninn heima, en líka fiskrétti sem
eru afgreiddir heitir beint yfir búð-
arborðið:
„Neytendur gera æ minna af því
að kaupa fisk á gamla mátann, þar
sem þeir fá flök og bita yfir búðar-
borðið og elda heima. Það sem fólk
vill fá eru tilbúnar og eldaðar vörur
sem má helst leggja á borð um leið
og heim er komið, frekar en kíló af
ýsu eða þorski sem önnum kafinn
kaupandinn þarf að hafa fyrir að
elda sjálfur.“
Ef vel gengur er stefnt að því að
opna fleiri Fisherman-verslanir inn-
anlands, og síðan freista gæfunnar
erlendis. Þar sér Elías fyrir sér að
fiskbúðirnar gætu verið n.k. örverk-
smiðjur þar sem fiski og fiskréttum
væri pakkað í neytendaumbúðir og
dreift til stórmarkaða í næsta ná-
grenni. Grínast hann með að hver
fiskbúð væri eins og agnarsmá út-
gáfa af skyndiréttaverksmiðjum
Bakkavarar. „Til að varan sé sem
ferskust þarf að búa hana til sem
næst versluninni þar sem hún er
seld,“ útskýrir hann. „Við eigum
þegar í samstarfi við fyrirtæki sem
dreifa vörum sínum inn á þá mark-
aði sem við höfum augastað á, og
gætum við sent okkar vörur í sam-
floti. Vöruflutningabílar leggja af
stað frá Suðureyri stundvíslega kl.
4 hvern einasta dag, fiskurinn er
kominn upp á flugvöll síðar um
kvöldið, á áfangastað úti í heimi
næsta morgun og gæti verið kom-
inn í Fisherman-verslun nánast
hvar sem er á hádegi. Þetta er ekki
flóknara en það.“
Hagamelur væri
bara byrjunin
Morgunblaðið/Eggert
„Til að varan sé sem ferskust þarf að búa hana til sem næst versluninni þar sem hún er seld,“ segir Elías.
Ásgeir Ingvarsson
ai@mbl.is
Elías hjá Fisherman sér fyrir
sér að opna fiskbúðir úti í
heimi, nokkurs konar ör-
framleiðslu þar sem útbúnir
yrðu ferskir fiskbakkar og
-réttir fyrir stórmarkaði í ná-
grenninu. Umbúðir Fisherman eru samræmd-
ar og hampa uppruna vörunnar.