Breiðfirðingur - 01.04.1978, Page 13

BREIÐFIRSINGUR
11
tíðinni og eignast sitt bergmál undir hömrum fjallanna í
eyðisveitum átthaganna við Breiðafjörð.
Megi svo verða sem fyrst.
Ferðanefnd
hefur jafnan unnið að undirbúningi hópferða á sumr-
um.
Upphaflega var áætlað, að minnsta kosti yrði ein ferð
í átthagana árlega.
Helst skyldi þessum heimsóknum skipt sem skipulegast
milli sýslna og héraða svo ekkert yrði útundan og merkis-
staðir að fegurð og sagn-minjum skoðaðir til að viðhalda
átthagaást og ræktarsemi félagsmanna, gagnvart átthög-
um sínum, sögu þeirra og helgi og þá ekki síður lífi fólks-
ins þar á hverjum tíma.
Auk þess yrði kynningu og tryggð fólksins hér og heima
vináttu þess og minningum ekki betur borgið.
Ferðalög þessi eða sumarferðir Breiðfirðingafélagsins
hafa samt ekki verið árlega. Breyttir starfshættir, fleiri
einkabílar, meiri ferðalög út um allan heim og umhverfis
landið hafa mjög dregið úr almennum áhuga og þátttöku í
hópferðum félagsmanna.
Samt hafa sumarferðir verið undirhúnar og framkvæmd-
ar á þessum síðasta áratug til óblandinnar ánægju og af
miklum myndarskap. Stundum hafa þó verið heimsótt önn-
ur héruð en heimalönd Breiðfirðinga.
Jóhannes Ólafsson hefur jafnan verið fyrsti maður og
fararstjóri í þessum ferðalögum Breiðfirðinga.
Málfundadeildin „Breiðafjörður“
var ein fyrsta og helsta starfsdeild félagsins fyrstu árin.