Breiðfirðingur - 01.04.1978, Blaðsíða 54

52
BREIÐFIRÐINGUR
Þessi þurra upptalning sýnir og sannar að Guðmundur
var mjög félagslyndur maður, sem naut fyllsta trausts sam-
borgara sinna og starfsfélaga.
Þann 8. desember 1923 kvæntist Guðmundur Sigríði Jó-
hannesdóttur Arasonar skipstjóra í Flatey og konu hans
Valborgar Jónsdóttur. Sigríður var hin mesta mannkosta-
kona fríð og falleg, svo sem hún átti ættir til en missti
heilsuna langt um aldur fram. Hún andaðist á Borgarspít-
alauum 11. ágúst 1971. Þau hjón eignuðust þrjú börn, sem
öll eru gi'ft og búsett hér í borginni. Eftir lát Sigríðar bjó
Guðmundur hjá börnum sínum og naut einstakrar um-
hyggju þeirra og ástúðar eftir að heilsa hans bilaði.
Heimili þeirra Sigríðar og Guðmundar var eitt hið
besta og þokkafyllsta sem ég hef þekkt. Þess nutu margir.
Margir áttu erindi við oddvitann, sóknarnefndarmanninn
og kennarann í Flatey. Sama var uppi á teningnum eftir
að þau hjón fluttu hingað suður, þótt ekki væri þá komið
til þeirra í neins konar embættiserindum, heldur til að
njóta samvistar við húsráðendur. Þar var öllum tekið af
alúð og alþýðlegri breiðfirskri gestrisni. Sama hvort ein-
•hver tíma hafði skorist í odda út af hreppsmálum, lands-
málum eða einhverju öðru í amstri dægranna. Húsbóndinn
hafði alltaf næg uinræðuefni og ræddi oftast í léttum og
gamansömum tón. Og ekki voru veitingar húsfreyjunnar
skornar við nögl. Mun hún ekki hafa átt minni þátt í gæfu
og gengi heimilisins en húsbóndinn, hvort sem heimili
þeirra stóð vestur í Flatey eða hér í höfuðborginni.
Ekkert umræðuefni var Guðmundi Jóhannessyni kær-
ara eftir að hann hætti störfum og rólegt og hljótt gerðist
kringum hann en æskustöðvarnar heima í Breiðafjarðar-