Breiðfirðingur - 01.04.1978, Qupperneq 93

Ungmennafélagið Vísir
í Múlasveit
Á þessu ári 1978 er liðin hálf öld, síðan ungmenna-
félagið í Múlasveit var stofnað.
Undirbúningsfundur þeirrar félagsstofnunar var 28. maí
1928 í Kvígindisfirði.
En félagið var síðan formlega stofnað á Vattarnesi 12.
júní 1928.
Því miður er fyrsta gerðabók félagsins glötuð. En þeir,
sem best muna segja 14 manns hafa sótt undirbúnings-
fundinn í Kvígindisfirði og álíka margir stofnfundinn á
Vattarnesi 12. júní.
Má raunar telja þetta nokkuð góða fundarsókn. Sé mið-
að við fjölda fólksins á tvítugsaldri. En alls munu þá hafa
búið í sveitinni um 120 manns og af því um 30 æskufólk.
Þótt þessi félagsstofnun væri þarna allsérstæð má samt
geta þess, að áður nokkru eftir aldamót var efnt til slíkrar
félagsstofnunar og munu Andrés Gíslason og Selskerja-
bræður, Magnús og Þorvaldur Péturssynir og sennilega
eitthvað af Múlasystkynum, börnum Jóns Þórðarsonar hafa
átt þátt í því.
Þessi félagsstofnun dó samt í fæðingu eða því sem næst.
Þennan vetur 1927—1928 'hafði Árelíus Níelsson íKvíg-
indisfirði dvalið 12 vikna tíma við nám í Flatey hjá Magn-
úsi Andréssyni í Beykishúsi.