Breiðfirðingur - 01.04.1978, Side 110

Flókalundur 1977
Vatnsfjörður er fallegur fjörður, skógi eða kjarri vax-
inn. Vatnsdalsá liðast urn dalinn og þar má fá lax ef menn
hafa heppnina með sér. Heppnin þarf hins vegar ekki að
vera í fylgdarliðinu til að fá silung í Vatnsdalsvatni og við
það tjalda margir, Vestfirðingar sem aðrir yfir sumartím-
ann. Berjaland er gott í botni Vatnsfjarðar og fyrir þá
sem hug hafa á að fræðast um sögu landsins þá eru
Flókatóftir rétt við Brjánslæk utan við Flókalund og þar
segir arfssögnin að Flóki Vilgerðarson hafi fyrstur manna
byggt á Islandi og gefið landinu nafn. Fyrir náttúruunn-
endur er fróðlegt að skoða surtabrandsgilið fyrir ofan bæ-
inn á Brjánslæk. Vatnsfjörður var friðlýstur Iþjóðhátíðar-
árið 1974 og stóð Náttúruverndarráð fyrir því.
Segja má að Vatnsfjörður sé Þingvöllur þeirra Vest-
firðinga því fólk leggur gjarnan leið sína á sunnudögum í
Vatnsfjörðinn líikt og Reykvíkingar halda til Þingvalla. —
Árið 1974 Ihéldu Vestfirðingar sína þjóðhátíð heima í héraði
í Vatnsfirði. Þar var !þá margt um manninn og á næstu ár-
um er áætlað að reisa mikið af sumarhúsum í Vatnsfirði
og ætlar Alþýðusamband Vestfjarða t. d. að reisa þar ein
30 hús á næstu árum. Lögreglufélag Vestfjarða hefur
reyndar byggt sér laglegan sumarbústað utan og ofan við
Flókalund.
En hvernig er mögulegt að reka slíkt þægindanna hótel
á stað eins og Flókalundi í Vatnsfirði, stað sem hingað til
hefur ekki legið í þjóðbraut íslenskra ferðalanga? Það eru