Breiðfirðingur - 01.04.1987, Page 14

12
BREIÐFIRÐINGUR
var kominn af Snorra goða, en þó var Þórður öllu frægari af
afkomendum sínum en ætt, því að sonur hans var Hvamm-
Sturla, ættfaðir Sturlunga, áhrifamestu ættar sinnar tíðar. I
sögu Hvamm-Sturlu er sagt, að „húskarl undir Felli . . .
græddi fé, þar til er hann keypti land og gerði bú í Flekku-
dal.“14 Hjá honum var Hvamm-Sturla uppfóstraður. Gjarnan
vildum við vita, hvað kotið var nefnt, sem virðist hafa verið
nýbýli eða hjáleiga.
Næstu nafnkunnu kirkjueigendur hafa sennilega verið
bræðurnir, Snorri og Guðmundur, sem fyrr voru nefndir, en
á þeirra árum um miðja 13. öld var algengt að höfðingjar
væru jafnframt prestar. Annars er ekki ljóst hverjir hafa
búið hér á Staðarfelli um 1300. Árið 1336 þykja það annáls-
verð tíðindi, að bæ lagði niður undir Staðarfelli vegna
snjóa.15
3. Elsti máldagi og bœnhús í sókninni
Þegar elsti varðveitti máldagi Staðarfellskirkju er gerður
hefur svo verið skilið, að Skarðverjar hafi haft Staðarfell, en
svo hefur ekki haldist lengi. Rétt er að staldra nokkuð við
þennan elsta máldaga, sem er talinn frá 1327 eins og fyrr gat.
Þar er þess getið að hér skuli vera heimilisprestur og var fyrr
um það talað. Kirkjan var helguð Pétri postula. í kaþólskum
sið voru kirkjur vanalega helgaðar einhverjum dýrlingi. Á
messudegi þeirra var oft meira um dýrðir en vanalega og
fjölmenntu menn þá mjög til kirkju.
Oft átti kirkjan sögu dýrlings þess sem hún var helguð og
var gjarnan úr henni lesið á messudegi hans. Ekki þekkist nú
svo kunnugt sé nein Péturs saga postula frá Staðarfelli.
Aftur á móti var vel fyrir því séð, að Fellsstrendingar svikj-
ust ekki um að sækja kirkju þann dag, því að í máldaganum
stendur: „Allir þeir menn sem málnytu hafa í Staðarfells-
þingum eiga að lúka þangað málsmjólk á Pétursmessudag.“
Pétursmessa var 22. febr.
Um eignir kirkjunnar segir í fyrrnefndum máldaga, að
hún eigi „14 kúgildi og 10 hundruð í landi. 13 hundruð vöru