Breiðfirðingur - 01.04.1987, Page 23
BREIÐFIRÐINGUR
21
kirkjuviðnum „í Fellskirkju.“ Hann var metinn á 317 álnir,
en margt var fúið.38 Ekki er sjáanlegt, hvort þetta voru viðir
torfkirkju eða timburkirkju, en Guðbrandur lét „gjöra að
kirkjunni fyrir 11 hundruð,“39 trúlega um það leyti.
Einnig er getið um byggingu á kirkjunni 1666 og var
kostnaður metinn á 12 hundruð og 171/2 alin og eru þetta
elstu ártöl kirkjubygginga á Staðarfelli.40
Guðbrandur getur þess að hann hafi goldið kirkjunni
kaleik forgylltan fyrir 8 hundruð. Einnig segist hann hafa
goldið kirkjunni m.a. biblíu með summarijs fyrir 3
hundruð.41 Kaleikur er til í Þjóðminjasafni, sem gæti verið
sá sami og Guðbrandur lét. Hann var smíðaður í Hamborg
í byrjun 16 aldar.42 Ef þetta er sami kaleikurinn, hefur
Guðbrandur fengið hann gamlan. Biblía sú sem Guð-
brandur lét hingað hefur ekki orðið hér langlíf, því að 1650 er
talað um biblíu lasna. Þorlákur Arason hefur látið aðra
biblíu, sem enn er til í Þjóðminjasafni með áletrun hans frá
árinu 1633, þar sem segir, að Kristín Guðbrandsdóttir hafi
gefið honum hana.43 - Frá tímum Guðbrands og niðja hans
hljóta að vera fleiri gripir, sem enn eru varðveittir og er þá
fyrst að nefna predikunarstól, sem Gísli Guðbrandsson pró-
fastur í Hvammi (d. 1620) á að hafa smíðað. Stóllinn er með
útskornum myndum af postulunum og er fyrsti stóri gripur-
inn, sem Þjóðminjasafni íslands barst og um hann má lesa í
bók Kristjáns Eldjárns: Hundrað ár í Þjóðminjasafni.44 Með
hendi Gísla þessa er einnig Péturslíkneski í Þjóðminjasafni,
sem komið er úr Staðarfellskirkju.45
11. sept. 1650 vísiterar Brynjólfur biskup Sveinsson og er
þar nákvæmasta lýsing á eignum kirkjunnar til þess tíma.
Eftir það eru miklar heimildir. Brynjólfnr telur upp alla
sóknarbæi - þar er elsta heimild um Valþúfu - og er harður
í kröfum á eignum.