Breiðfirðingur - 01.04.1987, Page 128

126
BREIÐFIRÐINGUR
komum við niður á stórt bjarg, sem var mörg tonn að þyngd.
Nú voru góð ráð dýr. Verkstjórinn var í standandi vandræð-
um. Heyrði ég að þeir voru að tala um að setja upp gálga yfir
holunni og reyna að hífa bjargið upp með talíu. „Mikið eru
þeir nú vitlausir, þessir menn. Vita þeir ekki að það er til
dýnamít," sagði Jóhann. Hann sagðist vera alvanur að
höndla dýnamít. Sagði ég nú formanninum frá þessu og
þóttist hann nú heldur en ekki hafa orðið fyrir happi. „Er
það mögulegt að það væri hægt að trúa „grænhorni“ frá
Noregi fyrir því að sprengja þetta bjarg með alla þessa menn
hér í kring?“ „Jú,“ svaraði ég. „Það er engin hætta á ferðum,
því Jóhann hefur sprengt göng í gegnum fjöll í Noregi og
aldrei orðið slys af.“ Keyrði formaðurinn nú í fleing til
bæjarins eftir dýnamíti. Kom hann fljótt til baka með a.m.k.
tuttugu stauta af sprengiefni og heila rúllu af kveikjuþræði.
Nú brosti Jóhann: „Mikið eru þessir menn vitlausir. Það
væri hægt að sprengja í loft upp heila borg með öllu þessu
dýnamíti.“ Lagði hann einn staut ofan á bjargið, tengdi
kveikjuþráðinn við og setti þakjárnsplötu ofan yfir. Skipaði
hann svo fyrir að moka nú nóg af mold ofan á. Lét formað-
urinn í ljósi vantrú sína á þessum vinnubrögðum. Jóhann leit
mjög valdsmannslega til hans og sagði á norsku: „Nú ræð ég
fyrir verkum.“ Þjóðvegurinn, sem lá í nokkur hundruð
metra fjarlægð, var nú sperraður frá báðum hliðum. Heyrð-
ist nú brátt mikið bílaflaut ásamt hrópum og köllum og spurt
var, hver hefði vald til að stöðva alla umferð á sjálfum þjóð-
veginum. Var nú sagt frá því hve mikil hætta væri hér á
ferðum, þar sem sprengja ætti stórt bjarg. Leið nú stutt
stund meðan kveikjan var að brenna, en svo kom spreng-
ingin, líkt og þegar hleypt er af rjúpnaskoti. Komu nú allir
hlaupandi að skoða undrið, sem skeð hafði. Og kom þá í
ljós, að bjargið mikla var í molum. Litu nú allir á Jóhann og
hafði hann þegar vaxið í augum allra.
Sumarið leið og veturinn kom með kulda og frosti, það
verður oft mjög kalt í miðríkjum Bandaríkjanna, frost fer
oft niður í 20 stig á celsíus.