Breiðfirðingur - 01.04.1987, Side 67

BREIÐFIRÐINGUR
65
annað íþróttaafrek mótsins, hástígvélasund í straumi, setti
ég þar glæsilegt heimsmet og náði landi. En þar sem þessi
grein íþrótta hafði þá ekki verið viðurkennd keppnisgrein
fékkst metið heldur eigi viðurkennt á heimsvísu en var því
betur fagnað af áhorfendum. Hafi nú skáldfákurinn dregið
mér taum úr hendi og frýsað nokkuð fast á örkina bið ég við-
komandi afláts.
Við eigum eftir að heimsækja höfuðbólið Skarð, því má
ekki gleyma. Kristinn bóndi er hreppstjóri, póst-, síma- og
útibússtjóri. Hann fer með okkur niður í Skarðsstöð og selur
okkur rikling og reyktóbak meðan Elinborg frú sýður egg og
malar á könnuna. Skarðsfólk er ríkasta fólk í heimi, a.m.k.
að langri, stórbrotinni ættarsögu, eyjum og fugli - kannske
að löndum og lausu fé en vissulega að gestrisni og elskuleg-
heitum.
Sama ætt hefur búið hér frá því á elleftu öld - máske frá
byrjun og hefur ætíð komið mjög við sögu. Hugstæðust
verður þó Ólöf ríka er húsmóðir var hér á Skarði á fimmt-
ándu öld. Enskir drápu bónda hennar Björn Þorleifsson.
(Hafa sennilega verið þeirra tíma landhelgisbrjótar). En hún
mælti þá hin frægu orð: Eigi skal gráta Björn bónda heldur
safna liði. Lét hún síðan smala saman Englendingum vestur
um alla firði og færa að Skarði og hafði þá að þrælum þann
vetur. Má enn sjá mannvirki þeirra í tröðum og túngörðum.
Búa lét hún þá á koti ofan túnsins og heitir þar síðan að
Manheimum. Um vorið eftir lét hún færa þá út fyrir landa-
mörk Skarðs og höggva alla á einum stokki - þar heitir síðan
Öxarhóll og lá öxin þar lengi síðan. Eigi þótti henni hefnd
þessi nógu stór því er hún hafði lokið dauðastríði sínu í hárri
elli og andi hennar varð frjáls í förum æsti hún veður stór og
sjóa á Atlantshafi og stefndi þeim að strönd fjandmanna
sinna. Tók þá af fjölda bæja og sjávarþorpa á ströndum Eng-
lands og er veður þetta síðan enn við hana kennt í annálum
- Ólafarbylur. Þá var enn móður og hetjulund í landi voru
hinu kalda. Ólöf gaf Skarðskirkju altaristöflu þá hina fögru
sem enn prýðir stafn guðshúss þessa. Skarðskirkja er vel rík