Breiðfirðingur - 01.04.1987, Blaðsíða 151
BREIÐFIRÐINGUR
149
Sigrún Halldórsdóttir, Breiðabólsstað
Þorrakórmn - Söngferð á
Jökuldal 20.-22. júní 1986
Síðastliðið vor fór Þorrakórinn á Fellsströnd í söngferð
austur á Jökuldal dagana 20.-22. júní. Haldnar voru söng-
skemmtanir í Skjólbrekku í Mývatnssveit og Brúarási á
Jökuldal. Ég ætla að segja frá þessu ferðalagi og aðdraganda
þess.
Þorrakórinn hóf starfsemi sína á Fellsströnd í tengslum
við fyrsta þorrablótið, sem var haldið að Staðarfelli 1962 og
hefur starfað óslitið síðan. Fyrst aðallega í tengslum við
þorrablótin en hin síðari ár hefur starfsemin aukist til muna.
Félagar í kórnum eru nú úr öllum hreppum Vestursýslunnar
og einnig nokkrir burtfluttir sveitungar, sem koma alla leið
frá Reykjavík til að æfa og fara í söngferðir.
Söngstjóri okkar frá upphafi, óslitið þessi ár, hefur verið
Halldór Þórðarson, Breiðabólsstað, Fellsströnd. Það má
eiginlega segja að hann hafi verið okkur sameiningartákn,
óþreytandi við æfingar og alltaf tilbúinn að leggja fram
aðstoð sína.
í stjórn Þorrakórsins eru: Ragnar Ingi Aðalsteinsson, for-
maður, Laugum, Trausti Bjarnason, Á, Sveinn Gestsson,
Staðarfelli, Magnús Agnarsson, Efri-Múla og Þórður Hall-
dórsson, Breiðabólsstað. (Þetta er virk og dugleg stjórn,
enda voru þeir einróma endurkjörnir sl. vor).
Kórinn hefur sungið við ýmis tækifæri svo sem Jörfagleði,
Landbúnaðarsýningu og nú undanfarin ár höfum við tekið
upp þann sið að fara í söngferð að vori þegar annir sauð-
burðar eru að mestu búnar og áður en heyskapur hefst
almennt. Fyrsta ferðin var farin norður í Árnes, Stranda-