Breiðfirðingur - 01.04.1987, Blaðsíða 90

BREIÐFIRÐINGUR
Árið 1930 bættist þriðji maðurinn í bílstjórahópinn, en
það var hinn kunni bílstjóri Dala-Brandur, Guðbrandur
Jörundsson frá Vatni í Haukadal. Hans fyrsti bíll var Ford-
vörubifreið. Bar hann einkennisstafina D-4. Hélt Guð-
brandur því númeri í fjölda ára, eða allt þar til hann seldi
bifreiðaflota sinn eftir langan og umfangsmikinn rekstur um
fjölda ára.
Eins og áður segir kom fyrsti bíllinn í Dalina með skipi úr
Reykjavík til Búðardals vorið 1929. Enginn bílfær vegur var
þá út úr sýslunni. Það var að vísu farið með hestvagna yfir
Laxárdalsheiði, upp úr Laxárdal til Borðeyrar við Hrúta-
fjörð, en akstur á bílum þá leið hófst ekki að ráði fyrr en
mörgum árum seinna. Undirritaðan minnir þó að fyrsti
bíllinn, sem fór yfir Laxárdalsheiði hafi verið „boddíbíll“ frá
Hvammstanga. Sumarið 1930 var árlegt héraðsmót ung-
mennafélaganna haldið að Hvítadal í Saurbæ. Pað vakti afar
mikla athygli á þeirri samkomu að hópur Húnvetninga kom
á bíl að norðan. Hefur þessi bílferð yfir Svínadal e.t.v. verið
sú fyrsta.
Sama vorið og fyrsti bíllinn kom í Dali hófst varanleg
vegagerð yfir Bröttubrekku. Heiti hins nýja vegar er að vísu
rangnefni því hin eiginlega Brattabrekka er upp úr Bjarna-
dal, en núverandi vegur liggur vestar - upp svonefndan
Miðdal.
í bókinni Skýrslur um nokkrar framkvœmdir ríkisins 1927-
1930 segir svo frá að sumarið 1929 hafi verið gerðir akfærir
3 km frá vegamótum við Dalsmynni í Norðurárdal og upp á
Bjarnadal en vegalengdin milli bæja, þ.e. að Breiðabólsstað
í Miðdölum er þá talin alls 17 km. Á árinu 1930 var stór-
aukið framlag til Bröttubrekkuvegar. Lokið var þá við brúna
yfir Bjarnadalsá ásamt smærri brúm og ræsum. Á árinu 1931
varð svo bílfært hina nýju leið yfir fjallið.
Af nógu var að taka þegar rætt var við hinn aldna bifreiðar-
stjóra. Mörg atvik hafa varðveist í huga hans frá þessum
fyrstu árum bílaaldar í héraðinu.
Óskar hefur vafalaust farið marga ferðina um sýsluna þar