Breiðfirðingur - 01.04.1997, Blaðsíða 14
12
BREIÐFIRÐINGUR
nóg hugsað um eftirkomenduma, að veiði mætti viðhaldast
fyrir þá. Nefndin áleit því nauðsynlegt að nýtt lagaboð kæmi
út um meiri friðun á laxi en verið hefði, byggt á grundvallar-
reglum Jónsbókar og Grágásar og athugasemdum sem hún
gerði. Uppkast gerði nefndin að nýjum lögum og hafði til
hliðsjónar lög Norðmanna frá 1863 og ensk lög frá 1861.
Nefndarálitið er dagsett í Reykjavík 7. ágúst 1867 og undirrit-
að af nefndarmönnum. Jón Sigurðsson á Gautlöndum skrifaði
undir með skírskotun til sérálits, sem fólst í því að honum
fannst nefndin ætti að hafa að leiðarljósi: 1. að raska sem
minnst grundvelli hinnar eldri löggjafar; 2. „að þröngva eigi
um of rétti hins einstaka vegna ímyndaðra hagsmuna hins
opinbera eður almenna.” Hann taldi meðnefndarmenn sína
hafa gerst seka um þetta hvort tveggja og útskýrir síðan með
hvaða hætti að hans dómi, og er það aðallega varðandi atriði í
7. grein nefndarálitsins.
Nefndin gerði frumvarp til tilskipunar um friðun á laxi á
íslandi í 13 greinum, og skýrir frá ástæðunum fyrir þeim.
1. greinin fjallar um það að ekki megi veiða lax frá 1.
september ár hvert til 1. júní næsta ár.
2. grein: Aðra árstíma megi veiða með vissum takmörkunum.
3. grein m.a.: Enginn megi hafa eða leggja veiðivél fyrir lax
frá náttmálum á laugardegi til miðnættis á sunnudagskvöldi.
4. grein: Hvergi þar sem lax gengur megi hafa lóðir eða
veiðarfæri sem smáfiski megi ná með.
Næstu greinarnar fjalla um möskvastærðir og „veiðivélar”.
í 7. grein segir m.a. „Enginn má hafa lagnet, né nokkra aðra
fasta veiðivél, né garða í ám, árkvíslum árósum eður öðrum
straumvötnum, sem lax gengur í, er nái lengra út, en yfir einn
þriðjung vatnsfarvegarins, þegar vatn er sem minnst í honum,
og skal vatnið fyrir utan endann eigi vera grynnra, en þar sem
netið, veiðivélin eða garðurinn er.”6)
Framsögumaður nefndarinnar gat þess að ágreiningur hefði
orðið í henni um 7. greinina.
Konungsfulltrúinn, Hilmar Finsen (1824-1886) stiftamt-