Breiðfirðingur - 01.04.1997, Qupperneq 122

120
BREIÐFIRÐINGUR
Bohéme með vini mínum Höskuldi Skarphéðinssyni skip-
herra. Fyrir utan sal í miðju hléi var mér klappað á hægri öxl,
og var þar kominn ráðuneytisstjóri samgöngumála. Hann
spjallaði við mig um óperuna hinn ljúfasti; en þegar hringt var
inn hvessti hann á mig augun og hálfskipaði mér að mæta hjá
sér daginn eftir. Satt að segja létti mér við þetta, því ég ætlaði
hvort sem var að ganga hreint til verks og tala við hann.
Þegar ég kom svo á skrifstofuna til hans, voru þar fyrir tveir
menn, auk hans: aðstoðarmaður hans og svo lögfræðingur. Og
nú átti aldeilis að taka mig í karphúsið vegna ummæla minna í
skeytinu. Skv. því varð ég ekki aðeins að halda vel á spöðun-
um fyrir sjálfan mig, heldur og tala eins og stjóri vissi ekkert
um málið; smeygði svörum mínum milli spuminga þeirra eins
og ég hafði vit og klókindi til, undarlega rólegur. Eftir árang-
urslaust þóf stóð ég upp og horfði framaní stjóra og sagði: Þú
skalt bara kæra mig. Ég skal standa fyrir mínu máli. Fyrst var
hálfvandræðaleg þögn. Svo bað hann mig að bíða, sagði svo
félögum sínum, að þeir mættu fara. Svo kallaði hann í stúlkur
í kaffikrók og bað um kaffi fyrir okkur tvo.
Góða stund röbbuðum við saman í bróðemi, án þess að
minnst væri orði á skeytið, og áður en ég fór bauð hann mér í
kaffi heim til sín um kvöldið. Þar sat ég í góðu yfirlæti hjá
þeim hjónum yfir koníaksstaupum fram yfir miðnætti. Það
voru ánægjulegar stundir.
Hvað sem valda kunni, reyndist þessi maður mér drýgstur
allra með framgang réttindamála og launa. Það var óviðkom-
andi þessu máli, því við lausn alls er unnist hafði í þessari bar-
áttu frá upphafi, var það hann er ávallt leysti síðasta hnút hvers
þáttar málsins. Hann vissi einnig og skildi, að ég hafði frá
upphafi unnið af óeigingirni og fyllstu trúmennsku að þessum
málum. Þótt nokkur launahækkun fengist eftir þetta, þá var
þetta síðasti átakaþátturinn. Síðasta ár mitt á Horni 1985 voru
laun okkar hjóna samtals orðin nokkuð á þriðju milljón, auk
viðhaldsvinnu og tveggja mánaða orlofs á fullu kaupi.