Breiðfirðingur - 01.04.1997, Síða 91

MINNINGAR ÚR SAURBÆ
89
var framundan brött og löng. Það tók okkur mestallan birtu-
tíma dagsins að komast upp á háheiði þar sem brattinn var svo
mikill og harðfenni svo mikið að við urðum að höggva okkur
holur með broddstöfum þeim, sem við allir vorum með, til að
ná fótfestu, og tveir að færa sig í einu og hinir að halda við á
meðan, þannig að birtu var brugðið er við fórum að geta dreg-
ið viðstöðulaust og urðum þó að hvíla okkur öðruhvoru.
Þannig komustum við yfir heiðina og niður á efsta hjallann að
sunnanverðu, þar grófum við með stöfunum gröf þar sem við
settum sleðann fastan og gengum frá honum. Síðan gengum
við að fremsta bænum í dalnum sem heitir Valshamar og
fengu tveir af okkur gistingu þar, en við bræðurnir Kristinn og
ég fórum að næsta bæ sem er Gautsdalur. Þar bjuggu þá Helgi
Helgason og kona hans Ingibjörg Friðriksdóttir. Þessi hjón
höfðu flust frá Kverngrjóti í Saurbæjarhreppi þarna vestur og
keypt jörðina. Þetta voru einmitt hjónin sem ég hafði unnið
hjá þegar ég fór fyrst í lausamennsku frá Miklagarði.
Eftir góða nótt og hvíld fórum við næsta morgun og feng-
um okkur lánaða nokkuð svera keðju sem við settum þversum
undir meiðana fremst og gátum síðan dregið sleðann viðstöðu-
laust niður hlíðina og þegar niður kom var keðjan tekin og
skilað og haldið niður dalinn og út á Króksfjörð út fyrir eyjar
og tekin stefna yfir Gilsfjörð að Salthómavík en þá var komið
myrkur. Þegar eftir var um það bil einn fjórði hluti leiðarinnar
yfir Gilsfjörð hrundi sleðinn í sundur í íshröngli og urðum við
að yfirgefa hann þar, tókum sinn 5 lítra brúsann hver og
héldum að Tjaldanesi þar sem tendruð voru ljós og við bless-
aðir fyrir birtuna. Næsta morgun fórum við með það sem við
þurftum til að gera við sleðann og koma olíunni heim. Síðan
sótti hver sitt til okkar því allir brúsar voru vel merktir. Þar
með var þessari eftirminnilegu ferð lokið.
Fleiri sögurfrá vetrinum 1918
Nokkru eftir ferð þá sem ég hef hér að framan lýst, fór ég með
stúlku sem þurfti læknisskoðunar við vestur yfir Breiðafjörð