Breiðfirðingur - 01.04.1997, Blaðsíða 95

MINNINGAR ÚR SAURBÆ
93
komin alveg alger ófæra og við erum þarna í bekníf við land,
Eldey á annan bóginn og land á hinn. Þessu fylgdi svarta-
bleytuhríð svo skyggni var ekki nema nokkrir metrar. Og þá
fór stýrimaður niður til skipstjóra og leitaði ráða hans. Hann
kom strax upp og sagði að við yrðum að ná innfyrir nesið
aftur, skipaði mér og öðrum til uppí vant og við áttum að
reyna að sjá ljósið á vitanum og það tókst okkur og gátum
gefið merki svo innfyrir náðum við.
Þegar hér var komið sagði skipstjóri stýrimanni að leggja
skipi strax vestur um, en í þess stað sér stýrimaður að það er
slitinn rifskenkill á messaninum og lætur skipið rúlla undan á
meðan, og það skiptir engum togum að ég er að setja niður-
halarann fastan aftast á hekkinu, þegar ríður brotsjór yfir skut-
inn og kastar mér á káetuhurðina sem var aftan á stýrishúsinu,
og hrökk hún upp, og ég með sjógusunni niður á káetugólf.
Kjartan skipstjóri stökk framúr kojunni og spurði hvað væri
um að vera og svaraði ég að ég héldi að við værum að fara
upp í klettana. Hann skipaði mér að fylgja sér eftir upp í
stýrishús sem og ég gerði og þegar að þar kom blöstu við
svartir klettarnir. Við brotsjóinn hafði skútan tekið niðri í hæl-
inn en það reið undir okkur hæg, rismikil alda og við það losnaði
skútan í hælinn og sló flatri meðfram berginu og þá kallaði
skipstjóri til mannskaparins sem þvældist hver um annan á
dekkinu og skipaði að hífa klífir og fokku.
Þegar það hafði verið framkvæmt fékk skipið skriðu áfram
meðfram berginu sem þarna stefnir í norðaustur og þannig
liggur bergið nokkurn veg þar til að það beygir til suðausturs.
Þá vorum við lausir ef við næðum þessa leið og það tókst með
því að frákastið frá berginu hjálpaði mikið til. Þegar þessu lauk
og við sáum von vakna um björgun þá var farið að athuga
ásigkomulag skipsins. Átti að fara að setja vél í gang en þá var
kominn sjór uppfyrir ventla og þá var gripið til dekkdælunnar
og eftir stund brotnuðu af henni eyrun svo hún var ónýt, sjór
kominn í lest og lúkar og fór ört vaxandi. Nú raðaði skipstjóri
mannskapnum í að ausa upp um lestarlúgu og lúkar og upp úr
vélarhúsi og mér skipaði hann að stýra á skipsljós sem við sá-