Breiðfirðingur - 01.04.1997, Blaðsíða 89

MINNINGAR ÚR SAURBÆ
87
Starfsemi okkar var að stofna leikflokk og sýna sjónleiki.
Við sýndum Skugga-Svein, Tengdamömmu og Tinsteyparann
og mörg fleiri stykki. Ég lék í öllum þeim stykkjum sem sýnd
voru, til dæmis Harald í Skugga-Sveini, og faðir minn Grasa-
Guddu. Svo stofnuðum við söngkór sem Markús Torfason
stjórnaði og vorum við fengnir nokkuð víða til þess að syngja
og þótti takast vel.
Síðan var Ungmennasamband Dalamanna stofnað og þar
með haldin héraðsmót á hveiju vori og þar með unnið að bygg-
ingunni að Sælingsdalslaug sem ég vann við ásamt fleiri fé-
lögum, enda þá formaður Ungmennasambandsins og varð að
vera það tvö tímabil vegna áskorana. Þetta var talsvert starf
aukalega með búskapnum vegna ýmsra útréttinga, sérstaklega
eftir að byggingin var komin upp. Þá fórum við strax að halda
sundnámskeið og þar kom til minna kasta að útvega sund-
kennara og sjá svo um að allt væri í lagi, enda þarna heimavist
og þar með þurfti ráðskonu og margt í sambandi við þessa
starfsemi, enda alltaf full aðsókn. Svona gekk þetta til og
auðvitað kom þetta mest niður á þeim sem formannsstöðu
gegndi hverju sinni. Síðan þessir hlutir gerðust hefur fyrir
löngu risið skóli að Sælingdalslaug sem starfar alla vetur.
Minnistœð ferð frostaveturinn 1918
Við vorum fjórir sem fórum þessa ferð, Torfi Sigurðsson bróð-
ir Stefáns skálds frá Hvítadal og Jón Guðmundsson frá Kvern-
grjóti sem sfðar varð kaupmaður í Reykjavík og rak verslun-
ina Fell að mig minnir við Njálsgötu heldur en Grettisgötu,
gekk alltaf undir nafninu Jón í Felli. Síðan var Kristinn bróðir
minn og ég sem þessar línur rita. Ferðin var farin frá Tjalda-
nesi í Saurbæjarhreppi norður til Hólmavíkur við Steingríms-
fjörð og lagt út á ísinn frá Salthólmavík þar sem Kaupfélag
Saurbæinga var og farið þvert yfir Gilsfjörð fyrir utan Nes-
eyjar sem kallaðar voru og síðan inn allan Króksfjörð og
Geiradal fram að bæ sem heitir Valshamar og stendur næstur
Tröllatunguheiði sem við ætluðum og fórum.