Breiðfirðingur - 01.05.2015, Blaðsíða 109

BREIÐFIRÐINGUR 109SAGNFRÆÐINGAR SKRIFA UM BREIÐAFJÖRÐ
Alls ekki er öruggt að átökin hafi verið þar vegna þess að Englendingar
kölluðu Rif Gamalvík svo átökin geta hafa verið á höfninni að Rifi.
Ekki virðist verslun hafa verið regluleg á Grundarfirði. Til eru
heimildir um að þar hafi komið til átakr milli Englendinga, Hamborgara
og Brimara. Skjöl af þessum atburðum eru einstaklega illa farin og erfitt
að átta sig nánar á atburðarásinni. Eftirtektarvert er að Grundarfjörður
var ein af þeim höfnum sem konungur lét taka frá til eigin nota árið
1563. Enn fremur vitum við að skip frá Hamborg var á Grundarfirði
árið 1600 en að öðru leyti er litið vitað um verslun Þjóðverja þar. Ekki
er ólíklegt að nálægðin við Kumbaravog hafi valdið því að ekki var siglt
mikið á Grundarfjörð.
Kumbaravogur er lítil náttúruleg höfn nálægt Bjarnarhöfn. Við höfum
óvenjulega góðar heimildir um verslun Þjóðverja í Kumbaravogi þar
sem varðveist hefur skuldakladdi frá árinu 1588 þegar kaupmenn frá
Brimum versluðu þar. Enn fremur hefur varðveist viðskiptamannabók
frá árinu 1585 þegar kaupmenn frá Aldinborg stunduðu verslun þar.
Leggja verður áherslu á að ekki eru óyggjandi sannanir fyrir því að
þessar heimildir séu um verslun í Kumbaravogi en líkurnar fyrir því að
svo sé eru mjög miklar.
Kaupmenn frá Brimum virðast löngum hafa verslað í Kumbaravogi.
Í bréfi sem ráð og borgarstjórar í Brimum skrifa Danakonungi í
febrúarmánuði 1564 rita þeir að kaupmenn frá Brimum hafi verslað
þar nærri 70 ár. Á síðasta ári hafi nokkrir kaupmenn frá Hamborg
þröngvað sér með valdi inn á höfnina. Þar sem Brimarar hafi leyfið fyrir
Kumbaravogi og einnig ávallt greitt tilskilin gjöld, biðja þeir þess að
konungur banni Hamborgurum að sigla á þessa höfn. Konungur brást
við án tafar og bannaði Hamborgurum með bréfi frá marsmánuði sama
árs alla siglingu og verslun á Kumbaravogi.
Þó að Brimarar hafi orðið ofan á í þessari deilu við Hamborgara biðu
þeirra von bráðar nýir örðugleikar þegar konungur gaf Birger Trolle
leyfi fyrir Kumbaravogi. Brimarar svöruðu með mikilli stjórnmálalegri
gagnsókn til þess að endurheimta leyfið fyrir höfninni. Þótt ótrúlegt
megi virðast tókst þeim að endurheimta leyfið í október 1567, þegar
konungur gaf út leyfi fyrir Johann Musterman frá Brimum að versla