Breiðfirðingur - 01.05.2015, Blaðsíða 114

BREIÐFIRÐINGUR114
versla á Patreksfirði. Hann hafði mikil samskipti við Hamborgara og
að líkindum flutti hann skreið út til Hamborgar meðan hann undirbjó
búslóðarflutninga sína til borgarinnar. Hans van Cleuen frá Hamborg
og sonur hans Claus höfðu leyfi fyrir Patreksfirði líklega síðustu tvo
áratugi 16. aldarinnar.
Augljóst er að erlendir kaupmenn hafa talið að eftir töluverðu væri
að slægjast með því að eiga viðskipti við Breiðfirðinga. Fram til um
1530 voru það einkum Englendingar og Hamborgarar sem áttust við
og veitti ýmsum betur. Hamborgarar virðast snemma hafa náð góðri
fótfestu á Rifi og Patreksfirði. Það er áberandi hvað Brimarar ná góðu
tangarhaldi á Búðum og Kumbaravogi. Tekst þeim að verjast allri ásælni
Hamborgara, þannig að Hamborgarar ná aldrei langvarandi fótfestu á
þeim höfnum. Brimarar eiga einnig ramman slag við nágranna sína frá
Aldinborg sem líklega hafa notið frændsemi sinnar við Danakonung.
Að lokum urðu þó allir þýsku kaupmennirnir að láta undan síga fyrir
Kristjáni konungi IV.
Eftirmælin um verslun Þjóðverja hér á landi á 15. og 16. öld hafa
almennt verið jákvæð. Einkum má til þess taka hve mikill trúnaður og
traust hefur verið í viðskiptum þeirra við landsmenn. Allar heimildir
benda til að þeir hafi sýnt Íslendingum mikið traust í viðskiptum og
vitna um hvað þeir hafa verið liðlegir að láta menn taka út vörur upp á
krít. Gat þó brugðið til beggja vona hve góðar innheimtur yrðu á næsta
ári. Vera má að þeir hafi líka notið þess í minningu Íslendinga að nokkru
leyti vegna þess hve hörmulega Dönum tókst upp með verslunarstefnu
sína.
Pétur Eiríksson, fæddur 21. október 1937 í Dresden í Þýska­
landi. Stundaði nám í þjóð hagfræði í Göttingen og Berlín frá
1957–1963. Diplom Volks wirt frá Freie Universität Berlin
1963. Fulltrúi og síðar deildarstjóri áætlunardeildar Efna­
hags stofnunar 1963­1970. Skrifstofustjóri Álafoss h.f. 1970.
For stjóri sama fyrirtækis 1973–1985. Framkvæmdastjóri
M.A. Eiríksson h.f. 1986–2006. BA í sagnfræði frá HÍ 2006,
MA í sagnfræði frá HÍ 2014.