Breiðfirðingur - 01.05.2015, Blaðsíða 165

BREIÐFIRÐINGUR 165
Ef þú verður svo góð að skrifa mér línu þá er adressa mín í sumar:
Aðalsteinn Kristmundsson
Fagradal pr. Stórholt,
Dölum.
Til skýringar
Árið sem Gylfi Gröndal var að rita sögu Steins Steinarr kom hann á
heimili foreldra minna og fékk að sjá tvö bréf frá Steini. Annað var
ofanritað bréf en hitt var bréf sem hann hafði sent foreldrum móður
minnar. Það var einfaldlega bónorðsbréf og er því miður glatað. Við
bræðurnir fimm höfðum allir fengið að sjá bréf þetta enda þótti móður
okkar nokkuð til þess koma. Hvernig það glataðist er engin vissa fyrir.
Bréfi þessu mun ekki hafa verið svarað og má líklegt vera að biðillinn,
sem var öryrki og auk þess kommúnisti, hafi ekki þótt æskilegur
eiginmaður ungrar og efnilegrar dóttur við Breiðafjörð en ekkert er
hægt að fullyrða um það.
Í fullháum sokkum sjóleiðina
Steinunn Þórðardóttir Víðinesi skrifar bréf 2. 7. 1939 til Þórhildar H.
Snæland í Reykjavík.
Elsku Tóta mín.
Jég skrifa þessar fáu línur bara til að kveðja þig elskan mín og óska þér
góðrar ferðar og þér gangi nú allt í hag elsku vina mín eins ætlaði jég
að áminna þig um að passa þig með að klæða Didda litla vel sérstaklega
sjóleiðina bæði úr Hólminum vestur og eins úr Flatey í land. Þetta er
svoddan ógurlegur kuldi núna þegar eitthvað hvessir, eins sjálfa þig þú
skalt gæta þess vel að láta þér ekki verða kalt. Fáðu þér prjóna hosur í
Geisir við skóna frá Mæju. Það er ullar skirtu bolur hjá Ellu Egils síðan
í haust. Náðu í hann og vertu í honum vestur, og hafðu svo bláu peysuna
uppi við svo þú getir farið í hana, helst ættir þú strax að fara í hana.
Hafðu Didda í full háum sokkum sjóleiðina og ekki veitti ykkur báðum
af því að vera í regnkápu. Jeg bið svo mikið vel að heilsa fólkinu sem ég