Breiðfirðingur - 01.05.2015, Blaðsíða 118

BREIÐFIRÐINGUR118
því að hefja nýtingu þörunga úr firðinum. Fullyrt er að vinna megi úr
þangi og þara mikilvæg efni með því að nýta líftæknina og þá orku sem
við höfum aðgang að. Það er talin fullvissa fyrir því að vinna megi úr
þörungum efni sem nýtist bæði til áburðar á akra, sem fæðubótarefni,
í hvers konar húðvörur og til lyfjagerðar. Það er því björt framtíðin
sem við okkur blasir ef við kunnum að nýta þetta mikla auðlindasvæði
sem Breiðafjörðurinn er. En til þess verðum við að kunna fótum okkar
forráð. Að lokum er vert að minnast þess að rannsóknir standa yfir
vegna virkjunar sjávarfalla í Breiðafirði, en margar þjóðir hafa þróað
búnað til raforkuvinnslu frá sjávarföllum, sem við þurfum að tileinka
okkur, enda verði þess gætt að öll orkuvinnsla í Breiðafirði taki mið af
sjálfbærri nýtingu á umhverfisvottuðu svæði, sem ekki má raska. Það
er einlæg von mín að Snæfellingar, Dalamenn og Barðstrendingar megi
byggja upp og skapa ný og fjölbreytt atvinnutækifæri og mannlíf megi
blómgast í lundum nýrra skóga, svo vitnað sé í ljóðið Aldamótin eftir
Hannes Hafstein sem minnir okkur á sambúð lands og lýðs.
Sú kemur tíð, er sárin foldar gróa,
sveitirnar fyllast, akrar hylja móa,
brauð veitir sonum móðurmoldin frjóa,
menningin vex í lundi nýrra skóga.
Sturla Böðvarsson er Vestlendingur í húð og hár. Lauk
nám í byggingatæknifræði 1973, varð árið eftir sveitarstjóri
í Stykkishólmi. Gegndi því starfi til 1994. Tók aftur við starfi
bæjarstjóra þar í fyrra 2014. Sat á alþingi 1991­2009 sem
kjörinn þingmaður en hafði áður margoft komið inn á þing
sem varamaður. Hann var samgönguráðherra 1999­2003.
Hann var forseti Alþingis 2007­2009. Hann sat á þingi fyrir
Sjálfstæðisflokkinn og hefur gegnt fjölda trúnaðarstarfa fyrir
þann flokk og byggðarlag sitt.