Tímarit Máls og menningar - 01.09.2010, Síða 28

P é t u r H . Á r m a n n s s o n o g S i l j a Tr a u s t a d ó t t i r
28 TMM 2010 · 3
Fritz Höger og Gunnar Gunnarsson
Fritz Höger hafði mikinn áhuga á ljóðlist og orti sjálfur á lágþýsku. Hann
var félagi í Norræna félaginu þýska („Nordische Gesellschaft“) og tíður
gestur á samkomum Eutiner skáldahópsins („Eutiner Dichterkreis“).
Þar kynntist hann Gunnari Gunnarssyni, sem var strax sérlega vinsam­
legur í hans garð. Varð það upphafið af ævilangri vináttu. Höger fann
fyrir samkennd með þessum íslenska rithöfundi sem líkt og hann var
kominn af fátæku sveitafólki en hafði brotist til frægðar og metorða í
sinni listgrein með dugnaði og ósérhlífni.13 Um vináttu þeirrar Högers
og Gunnars er nánar fjallað í bók Halldórs Guðmundssonar, Skáldalíf,
sem út kom árið 2006. Þar er m.a. vitnað í sögu sem Birgir Thorlacius
skráði eftir skáldinu eftir að hann flutti frá Skriðuklaustri. Er þar haft
eftir Gunnari að „arkitektinn þýski hefði einu sinni sagt við sig: Herra
Gunnarsson, ég hef aðeins einu sinni unnið fyrir mann, sem verra var
að vinna fyrir en yður. Gunnar hló mikið að þessu og bætti við: Það var
Hitler.“14
Í kjölfar hernáms Danmerkur og Íslands árið 1940 rofnuðu tengsl
Gunnars Gunnarssonar við Þýskaland og þar með Höger. Í stríðslok
Frá vinstri: Gunnar Gunnarsson, Fritz Höger og Jóhann Fr. Kristjánsson í
Hamborg. Myndin tekin í aprílmánuði 1939.