Tímarit Máls og menningar - 01.09.2010, Side 32

P é t u r H . Á r m a n n s s o n o g S i l j a Tr a u s t a d ó t t i r
32 TMM 2010 · 3
Höger kom aldrei til Íslands í tengslum við byggingu hússins. Jóhann
Fr. Kristjánsson var staðararkitekt Skriðuklausturs á meðan á byggingu
hússins stóð og kom það því í hans hlut að túlka teikningar Högers og
leysa úr ýmsum vafaatriðum í útfærslu hússins.
Skriðuklaustur í samhengi íslenskrar byggingarsögu
Íbúðarhúsið á Skriðuklaustri var á sínum tíma veglegasta hús sem reist
hafði verið í íslenskri sveit. Samkvæmt uppdráttum Högers áttu útihús í
sama stíl að rísa sem hliðarálmur og sjálfstæðar byggingar beggja megin
við húsið. Fullbyggt kostaði húsið um 200 þúsund krónur, sem jafngilti
verði tíu einbýlishúsa í Reykjavík.21 Það er 325 ferm. að grunnfleti, tvær
hæðir og ris, með 30 vistarverum. Þykkir útveggirnir eru úr stein­
steypu, tvöfaldir með torfeinangrun á milli. Samkvæmt tillögu Högers
áttu útveggir að vera hlaðnir úr grjóti en hentugt efni fannst ekki eins
og áður segir.22 Í staðinn voru hnullungar úr Bessastaðaá lagðir í ysta
lag steypunnar og múrinn á milli þeirra málaður hvítur. Þykk torfþekja
var á húsinu í upphafi, en þakviðir svignuðu undan þunga hennar. Var
torfið þá fjarlægt og þakið klætt bárujárni. Löngu síðar var þekjan færð
til fyrra horfs og súlnagöng hlaðin við suðurausturhorn hússins, sam­
kvæmt teikningu Högers.23
Skriðuklaustur nýtur þeirrar sérstöðu meðal íslenskra húsa, ásamt
Norræna húsi Alvars Aalto, að vera teiknað af þekktum brautryðjanda
í evrópskum arkitektúr 20. aldar. Bæði verkin tengja Ísland við
Yfirlitsteikning Högers af herragarðinum.