Tímarit Máls og menningar - 01.09.2010, Side 37

H ú s s k á l d s i n s á S k r i ð u k l a u s t r i o g h ö f u n d u r þ e s s
TMM 2010 · 3 37
Ekki eru til einhlítar skýringar á sögusögninni um Skriðuklaustur og
Arnarhreiðrið. Húsin eru vissulega lík, þakgerðin minnir á hefðbundinn
stíl suðurþýskra og svissneskra sveitahúsa, sem var ekki dæmigerður
fyrir verk Högers. Slík tenging hefur þó vart verið Höger ofarlega í
huga. Líklegra er að hann hafi litið á byggingarstíl Skriðuklausturs sem
norrænan og germanskan, sprottinn af þeirri mynd sem hann gerði sér
af staðháttum og menningu á Íslandi. Bent hefur verið á að grein Högers
um „hreiður“ Gunnars hafi mögulega valdið misskilningi, en óvíst er
hvort margir á Íslandi hafi vitað af henni.30
Hús Gunnars Gunnarssonar í Reykjavík
Breytt skilyrði til búrekstrar í kjölfar hernáms og versnandi heilsa
Franziscu urðu til þess að þau Gunnar ákváðu að gefa íslenska ríkinu
Skriðuklaustur og flytja til Reykjavíkur árið 1948. Gunnar festi brátt
kaup á lóð við Dyngjuveg nr. 8 efst í Kleppsholti í Reykjavík, með útsýni
til allra átta. Sem fyrr leitaði hann til Högers vinar síns um teikningar
að nýju íbúðarhúsi, sem skyldi vera öllu minna í sniðum og ódýrara
Dyngjuvegur 8.