Skessuhorn - 16.12.2015, Síða 87

MIÐVIKUDAGUR 16. DESEMBER 2015 87
fólk sér hvað landið okkar er ein-
staklega fallegt á sinn hátt. Þetta
spyrst hratt út og Ísland er kom-
ið til að vera sem ferðamannaland.
Enda eru fjölmargir kostir fyrir
hendi. Ég sem fararstjóri bendi til
dæmis á að hér á landi er stutt á milli
margra fallegra og sérstakra staða.
Þetta gerir landið mjög hentugt til
ferðaþjónustu. Það er líka mjög rík
þjónustulund á Íslandi og við búum
að góðum mannauð. Reyndar er
það svo varðandi þjónustuna að í
þeim efnum er árstíðamunur. Á vet-
urna hefur fólk betri tíma og svig-
rúm til að sinna gestunum heldur en
á álagstímanum á sumrin. Ég vinn
við fararstjórnina allt árið um kring
og sé þetta mjög vel. En heilt yfir
þá erum við með mjög gott og hæft
fólk í ferðaþjónustu á Íslandi. Ég vil
sérstaklega nefna bílstjórana. Ferðir
með þeim byggja mikið á samvinnu
fararstjóra og bílstjóra. Íslenskir bíl-
stjórar eru oftast alveg frábærir, búa
yfir mikilli þekkingu og eru mjög
liprir í samskiptum, enda hafa þeir
fengið bestu meðmæli hjá farþegum
Explore af öllum.“
Ágúst segir að þó Ísland geti vel
haldið áfram að taka við svona mörg-
um ferðamönnum, og jafnvel enn
fleiri en nú er, þá séu nokkrir stað-
ir vissulega undir miklu álagi. „Það
er þó verið að laga mikið af þessu og
búa betur í haginn fyrir ferðamann-
aumferðina. Ég sé það bara á ferð-
um mínum. Svo má líka benda á að
við mættum nýta þessi svæði betur.
Í landi þar sem bjart er nánast all-
an sólarhringinn um sumartímann
mætti alveg nýta vinsælustu staðina
betur yfir mesta álagstímann.“
Vantar sárlega hótel
á Akranesi
Af spjalli við Ágúst er greinilegt að
hann hefur bæði þekkingu og skoð-
anir þegar kemur að starfsgreininni
sem er að verða ein sú mikilvæg-
asta á Íslandi. Við beinum talinu að
heimabænum Akranesi. Ágúst við-
urkennir að þar megi bæta úr ýmsu.
Þar nefnir hann fyrst og fremst
skortinn á hóteli í bænum. „Til þess
að það verði einhverjar tekjur eftir af
ferðamönnum á Akranesi sem máli
skipta, þá verður að vera hótel. Þeg-
ar ég kem með ferðamenn á Skag-
ann þá förum við alltaf í vitann á
Breiðinni til hans Hilmars sem allt-
af er boðinn og búinn að opna fyrir
okkur og hefur unnið frábært starf.“
Fararstjórinn segir að Akranes hafi
vissulega upp á ýmislegt að bjóða en
það skorti á að nýta möguleikana
betur. „Ég get nefnt Safnasvæðið á
Görðum sem dæmi. Á Skógum und-
ir Eyjafjöllum er byggðasafn sem ég
heimsæki oft með hópa í ferðum um
Suðurland. Þar er alltaf starfsfólk
sem getur leiðbeint fólki um safn-
ið og segir því frá hvað þar er að sjá
í svona 20 mínútna fyrirlestri. Það
skiptir öllu. Safnasvæðið í Görðum
hefur alla burði, þar er feikna yfir-
gripsmikið safn. Ferðafólkið þarf að
fá að heyra aðeins um lífið á Íslandi
fyrrum þó ekki sé nema í stuttu
máli. Þegar það hefur fengið slíka
fræðslu þá sér það landið í nýju ljósi.
Það væri líka mjög gott fyrir ferða-
þjónustu á Akranesi ef teknar yrðu
upp beinar siglingar hingað á sumr-
in úr Reykjavík. En megin vandinn
nú að mínu mati er sá að hér er ekki
hægt að bjóða fólki upp á gistingu í
hóteli sem reist yrði á fallegum stað
með fögru útsýni. Það er þegar fólk
stoppar til að gista að það fær sér að
borða, skoða í verslanir og þar fram
eftir götunum og eyðir fé.“
Missir aldrei af
smölun á haustin
Þrátt fyrir staðgóða menntun í garð-
yrkju og umhverfishönnun þá sér
Ágúst fyrir sér að starfa áfram í ferða-
þjónustunnni. „Ég tek því sem býðst
í fararstjórninni. Á þessu ári hef ég
bara farið fyrir Explore á þessu ári
en það má alltaf bæta á sig blóm-
um. Nú er nýtt fyrirtæki, Exploring
Iceland að taka við Explore sem ég
hef unnið fyrir á þessu ári. Steinunn
Guðbjörnsdóttir sem kom mér í far-
arstjórnina fyrst hefur stofnað það
fyrirtæki. Hún verður með umboð
fyrir Explore og ég mun fyrst og
fremst vinna fyrir hana.“
Þau Ágúst og Svenja ætla að búa
áfram á Akranesi þar sem þau kunna
vel við sig. „Það kennir mér margt
að vera kvæntur konu sem er fædd
og uppalin erlendis. Hún sér Ísland
í öðru ljósi en ég. Síðan koma ætt-
ingjar hennar og vinir í heimsókn.
Þær heimsóknir opna líka augu
mín fyrir því að það sem okkur Ís-
lendingum finnst sjálfsagt og hvers-
dagslegt þykir útlendingum kannski
stórmerkilegt. Við sem borin og
barnfædd hér á Íslandi sjáum ekki
alltaf það sem gestir okkar sjá. Okk-
ar gildismat er öðruvísi. Þetta hef-
ur nýst mér þegar ég tek svo á móti
erlendum hópum og kannski hjálpar
það til að fólki virðist hafa fallið vel
það sem ég hef verið að sýna þeim
sem fararstjóri.“
Ágúst segir að hugur þeirra
Svenju leiti þó oft vestur í Dali þar
sem þau kynntust fyrst þegar hún
kom fyrst til Íslands fyrir tæpum
fimmtán árum til að temja hesta.
„Bróðir minn og foreldrar búa enn á
Sauðafelli. Við förum alltaf vestur í
leitir á haustin. Ég myndi frekar fara
í hópferðir með erlenda túrista um
jólin heldur en að missa af leitun-
um heima. Það er ómissandi að fara
í smalamennskuna.“
mþh
Sendum íbúum Borgarbyggðar,
svo og Vestlendingum öllum,
okkar bestu óskir um gleðileg jól
og farsæld á komandi ári.
Þökkum samskiptin á árinu
sem er að líða.
Sveitarstjórn og starfsfólk
Borgarbyggðar
Jólakveðja
S
K
E
S
S
U
H
O
R
N
2
01
5
Í hestaferð. Áð í hestaferð.
Óskum íbúum Hvalfjarðarsveitar
og landsmönnum öllum
gleðilegra jóla og farsældar á nýju ári
Þökkum ánægjulegt samstarf á árinu
sem er að líða

SK
ES
SU
H
O
R
N
2
01
4