Bændablaðið - 09.06.2016, Page 12

12 Bændablaðið | Fimmtudagur 9. júní 2016
Hinn 10. maí síðastliðinn var til-
kynnt um úrslit í Evrópuforkeppni
matreiðslukeppninnar Bocuse
d´Or þar sem Viktor Örn
Andrésson keppti fyrir hönd
Íslands, ásamt aðstoðarmönnum
sínum.
Íslenska liðið náði fimmta sæti
sem telst frábær árangur, en það
tryggir liðinu sæti í aðalkeppni
Bocuse d'Or, sem haldin verður í
Lyon í Frakklandi 24. og 25. janúar
2017.
Keppt var í tveimur riðlum, alls
20 lið, og fara tólf þjóðir upp úr
riðlunum og keppa í Lyon. Sérstök
aukaverðlaun voru veitt fyrir ein-
staka rétti og þar sigraði íslenski
fiskrétturinn. Svíþjóð var með besta
aðstoðarmanninn og Frakkland með
besta kjötréttinn.
Bocuse d‘Or hefur verið haldin
síðan 1987 en fyrsti íslenski kepp-
andinn tók þátt árið 1999, þegar
Sturla Birgisson náði fimmta sæti.
Síðan þá hafa Íslendingar alltaf
verið í einu af níu efstu sætunum
en bestum árangri náði Hákon Már
Örvarsson árið 2001 þegar hann vann
til bronsverðlauna. /smh
Fréttir
Upplýsingar:
893-8424 / set@velafl .is
og á 694-3700 / gk@velafl .is
www.velafl.is
Ný gúmmíbelti frá Linser til á lager
fyrir allar gerðir véla 2–5 tonn
Markaðurinn og völundar -
húsið opnað á Engi
Á föstudaginn síðastliðinn var
garðyrkjustöðin Engi, grænmet-
is- og kryddjurtamarkaðinn, opn-
aður í Laugarási, Biskupstungum.
Sömuleiðis vaknaði völundarhús-
ið til lífsins eftir vetrardvalann.
Þá verður áfram haldið með
Berfótagarðinn frá því í fyrra
þegar hann var kynntur sem nýj-
ung á Engi.
Völundarhúsið þekkja margir,
enda hefur það verið að taka á sig
mynd og draga að sér athygli síðast-
liðin sjö ár. Völundargarðurinn nær
yfir þúsund fermetra og mótast af
gulvíði sem er klipptur til, en hann
nýtur mikilla vinsælda hjá barna-
fjölskyldum.
Berfótagarðurinn er nálægt völ-
undarhúsinu og er í raun gangstígur
sem liggur inni á milli hárra trjáa og
lægri runnagróðurs. Gestir taka af sér
skó og sokka og feta sig eftir stígn-
um sem þakinn er ýmsum ólíkum
náttúrulegum efnum; sandi, stein-
völum, furukönglum og margs konar
ilmandi jurtum.
Vínviðurinn laufgast
Þau Sigrún Reynisdóttir og Ingólfur
Guðnason hafa rekið lífrænt vottaða
garðyrkjustöð á Engi frá 1996 og
hafa alltaf verið framsækin og leitandi
í því að prófa nýja hluti í krydd- og
grænmetisræktun sinni. Til að mynda
hafa þau sótt innblástur talsvert til
Asíu.
Þegar blaðamaður var á ferðinni
um Laugarás á dögunum tók Sigrún
á móti honum, en ætlunin var að
skoða hvernig Syrah-vínviðnum
vegnaði hjá þeim. Um mánaðamótin
apríl-maí heimsótti nefnilega ítalskur
vínbóndi Engi, að nafni Alessandro
Monni, en hann er frá Sardiníueyju.
Tilgangurinn var að skoða möguleika
á því að rækta vínvið undir berum
himni á Íslandi. Ingólfur og Sigrún
tóku vel á móti honum og leyfðu
honum að gera nokkrar tilraunir í
landi þeirra. Sigrún fylgdi blaða-
manni inn í kalt gróðurhús þar sem
vínviðurinn virtist vera kominn vel
af stað – og jafnvel örlaði fyrir blóm-
knöppum á nokkrum afleggjaranna.
Ingólfur segir að græðlingarnir séu
flestallir lifandi, en ekki votti enn
fyrir rótarmyndun. „Ég veit ekki
hvers vegna, kannski tekur það bara
svona langan tíma. Veðrið í maí hefur
reyndar verið óheppilegt fyrir vín-
viðinn, heitt á daginn en allt of oft
hefur verið næturfrost – sem dregur
úr vaxtarkraftinum. Sem sagt miklar
hitasveiflur, kannski 25 gráðu hiti á
daginn en -1 gráða seinni part nætur.
Utanhúss er frost nýfarið úr jörð
og nokkrir græðlingar bíða úti eftir að
komast í nýtætta jörð. Ef plönturnar
sem eru inni lifa þá mun ég skilja
eftir plöntur inni en set afganginn út
á beð. En það á allt eftir að koma í
ljós,“ segir Ingólfur um framvindu
þessarar tilraunar.
Gott grænmetis- og kryddúrval í
byrjun sumars
Ingólfur segir að grænmetis- og
kryddjurtaúvalið sé bara gott miðað
við árstíma. Við verðum með salat,
kirsuberjatómata, gulrætur og fleira
grænmeti auk allra kryddjurtanna.
Við erum líka með hindberja- og
jarðarberjaplöntur til sölu og jafnvel
trjáplöntur.
Við höfum tekið á móti hópum
ef þeir óska þess með nægum fyr-
irvara, nemendahópar, leikskólar,
starfsmannafélög, kvenfélög og þess
háttar. Þar kemur völundarhúsið sterkt
inn og líka nýi berfótagarðurinn, sem
er enn í mótun. Sýnisgarðurinn með
margs konar nytjajurtum er líka að
taka á sig mynd eftir veturinn.
Við erum alltaf að reyna nýjar
tegundir, til dæmis er hægt að fá hjá
okkur hundasúruplöntur og íslenskt
blóðberg. Í júnílok verðum við von-
andi með bæði melónur og maís úr
eigin ræktun. Sem sagt, allt að ger-
ast,“ segir Ingólfur. /smh
Sigrún er hér í óupphituðu gróðurhúsi þar sem vínviðarsprotunum var stungið niður. Vínviðurinn frá Sardiníueyju
deilir húsi með jarðarberjaplöntum en nýtínd jarðar- og hindber verða í boði á markaðnum í sumar. Mynd / smh
Berfótastígurinn.
Frá markaðnum á Engi.
Ísland tryggði sér þátttökurétt í Bocuse d'Or:
Viktor Örn náði 5. sæti
í Evrópuforkeppninni
Nýr framkvæmdastjóri Landssambands kúabænda:
Margrét Gísladóttir verður
framkvæmdastjóri LK
Stjórn Landssambands kúa-
bænda hefur gengið frá ráðn-
ingu Margrétar Gísladóttur sem
framkvæmdastjóra LK frá og
með næstu mánaðamótum, en þá
mun Baldur Helgi Benjamínsson
láta af störfum eftir 10 ár.
Margrét er menntaður almanna-
tengill og markþjálfi og hefur víð-
tæka reynslu í stjórnun og ráðgjöf
á sviði upplýsinga- og kynningar-
mála. Hún hefur undanfarið starfað
sem ráðgjafi hjá KOM ráðgjöf og
rak áður eigið ráðgjafarfyrirtæki,
Taktík ehf. Árin 2013 til 2015
starfaði hún sem aðstoðarmaður
utanríkisráðherra og sem sérstak-
ur ráðgjafi ráðherra í forsætis-
ráðuneytinu. Áður starfaði hún
við kynningar- og markaðsmál
hjá Árnasonum auglýsingastofu.
Einnig hefur hún setið sem vara-
maður í stjórn Íslandsstofu og
Iceland Naturally.
„Við vorum sammála um það
að hugsa aðeins út fyrir kassann
og fara nýjar leiðir þegar kom
að ráðningu framkvæmdastjóra.
Margrét býr yfir fjölbreyttri
reynslu sem mun koma sér vel
fyrir næstu verk efni sem liggja
fyrir hjá okkur.
Fyrst og fremst erum við að
horfa til búvörusamninganna og
eftirfylgni þeirra breytinga sem
þeim fylgja, ásamt því að leggja
aukna áherslu á markaðs- og kynn-
ingarmálin hjá okkur.
Á sama tíma og við bjóðum
Margréti velkomna til starfa vil
ég nýta tækifærið og þakka fráfar-
andi framkvæmdastjóra fyrir vel
unnin störf,“ segir Arnar Árnason,
formaður LK.
Margrét Gísladóttir.