Bændablaðið - 09.06.2016, Síða 37

37
Mótorhjóla- og fjórhjóladekk
590 2045 | BENNI.IS
Fáðu aðstoð við val á mótorhjóla - og fjórhjóladekkjum
hjá söluaðilum okkar um land allt
Bændablaðið
Góður auglýsingakostur
fyrir hrossaræktendur
Erla Björk Örnólfsdóttir, rektor Háskólans á Hólum:
Landsmót er stórviðburður á bæjarhlaðinu
„Umfram allt óskum við þess að
Landsmót á Hólum 2016 verði
Íslandshestamennskunni til
framdráttar,“ segir Erla Björk
Örnólfsdóttir, rektor Háskólans á
Hólum. Hún segir háskólann hafa
tekið mjög jákvætt í hugmyndina
um að landsmót yrði haldið á
Hólum þegar hún kviknaði síðla
árs 2014 og hafi þá þegar boðið
fram þá aðstöðu sem skólinn hefur
yfir að ráða, m.a. reiðhallir og tún
undir tjaldstæði.
„Við hlökkum til að njóta sam-
veru við landsmótsgesti nú í lok
júnímánaðar. Starfsfólk skólans
hefur veitt faglega ráðgjöf vegna
undirbúnings mótsins þegar eftir
hefur verið leitað, en við komum að
öðru leyti ekki að skipulagningu eða
framkvæmd þessa viðburðar,“ segir
Erla Björk. Hún segir að starfsfólk
háskólans verði vel sýnilegt á svæð-
inu yfir landsmótsdagana sem og
skólinn sjálfur. Gera megi ráð fyrir að
margir fyrrverandi nemendur skólans
verði meðal þátttakenda á mótinu
og þá munu starfsmenn ferðamála-
deildar vinna að rannsókn á þessum
viðburði. „Okkar fólk verður sýni-
legt hér á svæðinu og möguleikar á
persónulegri fræðslu um starf skólans
verða miklir. Þá verður aðalbygging
skólans opin og öllum aðgengileg
yfir landsmótsdagana, líkt og aðra
daga yfir sumarið.“
Njótum lífsins á Hólum
Erla Björk væntir þess að sem flestir
finni hve gott sé að njóta lífsins í kyrrð
náttúrunnar og þeirri veðursæld
sem einkennir Hjaltadalinn, „og
bera umgjörð skólans og staðnum
góða sögu. Það er ekki einfalt að
segja fyrir um hver ávinningur af
stórviðburði af þeirri stærðargráðu
sem Landsmót er hér á okkar bæj-
arhlaði verður, líklega er hann
nátengdur upplifun hvers og eins.
En það er auðvitað morgunljóst að
fyrir alla þá sem stefna að námi í
reiðmennsku- og kennslu á Hólum
í framtíðinni er afar dýrmætt að fá
nasasjón af starfs- og námsumgjörð
skólans,“ segir hún.
Vaxandi ásókn í hestafræði
Nemendur við hestafræðideild
Háskólans á Hólum eru um 60 tals-
ins og koma þeir alls staðar af á
landinu, auk þess sem um þriðjung-
ur nemenda er með erlent ríkisfang.
Erla Björk segir vaxandi ásókn í
námið, umsóknum fjölgi ár frá ári
og það megi þakka því góða orð-
spori sem af náminu fer. Þó svo að
umsóknum um skólavist fjölgi beri
þó að geta þess að eingöngu sé hægt
að innrita ákveðinn fjölda nýnema
á hverju ári.
/MÞÞ
„Skagfirðingar eru fullir eft-
irvæntingar yfir komandi
Landsmóti hestamanna á Hólum
í Hjaltadal. Það er mikil til-
hlökkun og spenna yfir því að
fá tækifæri til að halda mót á
borð við Landsmót hestamanna
og fyrir hönd Sveitarfélagsins
Skagafjarðar þakka ég þann
mikla sóma sem okkur er sýnd-
ur,“ segir Ásta Björg Pálmadóttir,
sveitarstjóri Sveitarfélagsins
Skagafjarðar.
Kærkominn vettvangur fyrir
samveru
Ásta segir Landsmót hestamanna
stóran viðburð þar sem landsins
bestu knapar, kynbótahross og gæð-
ingar etja kappi en einnig sé í boði
fjölbreytt skemmtidagskrá fyrir alla
aldurshópa.
„Þetta verður gleðihátíð, kær-
kominn vettvangur fyrir samveru
góðra vina sem skemmta sér í snarpri
keppni. Landsmótin eru líka mikið
fyrir augað, því íslenski hesturinn
er vitanlega mikið náttúrunnar lista-
verk, ekki síst þegar glæstur knapi
situr gæðinginn.“
Ásta segir Landsmót ekki verða
til af sjálfu sér heldur með miklu og
sameiginlegu átaki fjölda manna.
Þeir sem að mótinu standa hafi lagt
á sig mikla vinnu. „Undirbúningur
fyrir svo stóran viðburð stendur
mánuðum saman og rétt er að þakka
öllum þeim sem leggja hönd á plóg,
þessi vinna er ekki sjálfgefin. Öllum
sem taka þátt í að undirbúa mótið er
mikið kappsmál að gera vel þannig
að öllum landsmótsgestum verði
dvölin í Skagafirði ógleymanleg,“
segir Ásta.
OG
Austurvegur 69 - 800 Selfoss Lónsbakki - 601 Akureyri Sólvangi 5 - 700 Egilsstaðir
Sími 480 0400 jotunn@jotunn.is www.jotunn.is
Erla Björk Örnólfsdóttir, rektor Háskólans á Hólum, segir að það sé dýrmætt
fyrir þá sem stefna að námi í reiðmennsku- og kennslu á Hólum í framtíðinni
að fá nasasjón af starfs- og námsumgjörð skólans. Mynd / MÞÞ
Ásta Björg Pálmadóttir, sveitarstjóri Sveitarfélagsins Skagafjarðar:
Vonum að dvölin í Skagafirði verði
landsmótsgestum ógleymanleg
Ásta Björg Pálmadóttir, sveitarstjóri
Sveitarfélagsins Skagafjarðar.