Bændablaðið - 05.10.2017, Qupperneq 49

49Bændablaðið | Fimmtudagur 5. október 2017
Á FAGLEGUM NÓTUM
Framleiðnisjóður landbúnaðarins:
Stuðningur við nýsköpun
og þróun
Í hálfa öld hefur Framleiðnisjóður
landbúnaðarins verið nýsköp-
unar- og þróunarsjóður landbún-
aðarins. Mörg störf hafa orðið
til í sveitum fyrir tilstuðlan
fjárfestingastuðnings frá sjóðnum
og ný tækifæri skapast vegna
afraksturs rannsóknastarfs sem
notið hefur stuðnings sjóðsins.
Framleiðnisjóður starfar
eftir Lögum um Framleiðnisjóð
landbúnaðarins nr. 89 frá
1966 með síðari breytingum.
Samkvæmt fyrstu grein laganna er
hlutverk sjóðsins „að veita styrki
og lán til framleiðniaukningar
og hagræðingar í landbúnaði
og atvinnurekstrar á bújörðum
... styrki úr sjóðnum má meðal
annars veita til einstakra bænda,
vinnslustöðva, ræktunarsambanda
og vísindastofnana“. Eins og starfi
sjóðsins er háttað í dag hefur verið
horfið frá lánveitingum, en veittir
eru styrkir til margvíslegra verkefna
sem eiga það sammerkt að stuðla
að nýsköpun og þróun í greininni
og þannig styrkja búsetu í sveitum
landsins til framtíðar.
Grunnurinn lagður í
Búnaðarlagasamningi
Í Búnaðarlagasamningi eru mark-
aðar áherslur fyrir starf sjóðsins á
hverju samningstímabili. Grunnur
fjárframlaga og áherslur sjóðsins
eru því hluti af samningi bænda við
hið opinbera. Í rammasamningi um
almenn starfsskilyrði landbúnaðar-
ins fyrir 2017-2026 er gert ráð fyrir
að endurskoðun laga um sjóðinn og
að samhliða því verði starfsáherslur
endurskoðaðar. Þessi vinna er ekki
hafin og hefur því starf sjóðsins á
árinu 2017 í stórum dráttum tekið
mið af áherslum fyrri ára og er stefnt
að því að starf sjóðsins 2018 muni
einnig taka mið af þeim áherslum.
Fyrirkomulag næstu úthlutana
Undirbúningur úthlutana ársins
2018 er nú þegar hafinn. Líkt og
fyrri ár verður aðeins ein úthlutun á
árinu í hverjum málaflokki og hafa
stjórnendur sjóðsins tekið ákvörðun
um að að skipta úthlutunarferlinu
í tvennt. Nú í októberbyrjun er
auglýst eftir styrkumsóknum frá
aðilum innan rannsókna- og þró-
unargeirans, sem og frá félögum
bænda, þ.e. umsóknir í A-flokki
(sjá auglýsingu í þessu blaði).
Umsóknarfrestur fyrir þennan
flokk umsókna er til og með 17.
nóvember. Styrkir til atvinnuupp-
byggingar á lögbýlum á vegum
einstakra bænda (B-flokkur), sem
og námsstyrkir, verða auglýstir
síðar í haust og verður umsóknar-
frestur til 29. Janúar 2018. Stefnt
er að afgreiðslu úthlutana í A flokki
snemma árs 2018, en að afgreiðslu
B umsókna og námsstyrkjaum-
sókna í aprílmánuði. Með þessu
fyrirkomulagi er vonast til að
umsóknir fái skjótari afgreiðslu og
að umsýsla sjóðsins verði skilvirk-
ari. Vert er að geta þess að styrkir
Framleiðnisjóðs fyrir árið 2018 eru
auglýstir með fyrirvara um fjár-
heimildir Alþingis til sjóðsins fyrir
árið 2018.
Umsóknir og ráðgjöf
Umsóknareyðublöð Framleiðni-
sjóðs hafa verið uppfærð og ein-
földuð og munu ný umsóknar-
eyðublöð taka gildi nú þegar.
Umsækjendur eru hvattir til að
sækja ný eyðublöð inn á heima-
síðu sjóðsins (www.fl.is), en ekki
verður tekið við umsóknum á
eldri eyðublöðunum vegna ársins
2018. Frekari upplýsingar um
gerð umsókna má einnig nálgast
á heimasíðu sjóðsins, sem og í
gegnum síma til skrifstofu sjóðs-
ins. Umsækjendur eru hvattir til að
leita sér aðstoðar hjá til þess bærum
ráðgjöfum varðandi umsókna-
vinnuna, sem og áætlanagerð henni
tengdri, s.s. hjá ráðunautum RML
og atvinnuráðgjöfum.
Þórhildur Þorsteinsdóttir er framkvæmdastjóri Framleiðnisjóðs landbún-
aðarins.
Rannsóknir á sviði byggkynbóta eru eitt þeirra sviða sem FL hefur stutt við.
Mynd / BJ
Styrkir til rannsókna-
og þróunarverkefna
2018 ( A-flokkur)
Framleiðnisjóður landbúnaðarins
Hvanneyri – 311 Borgarnes
Sími 430-4300
Framleiðnisjóður landbúnaðarins er leiðandi stuðningsaðili við
þróunar- og nýsköpunarstarf landbúnaðarins og kallar eftir
umsóknum um styrki til verkefna á sviði hagnýtra rannsókna,
þróunar og þekkingarsköpunar.
Forgangs njóta þau verkefni sem fela í sér verulega nýbreytni
og sem líkleg eru til að leiða af sér þekkingu, tækni eða aðrar
afurðir sem hægt er að hagnýta í náinni framtíð í íslenskum
landbúnaði.
Styrkir til atvinnuuppbyggingar á lögbýlum á vegum
einstakra bænda (B-flokkur) sem og námsstyrkir verða
auglýstir síðar í haust.
Umsóknum skal skilað á sérstöku umsóknareyðublaði sem er
að finna á heimasíðu sjóðsins, www.fl.is. Umsóknareyðublöð
sjóðsins hafa nýlega verið uppfærð og ekki verður tekið við
umsóknum á eldri eyðublöðum. Mikilvægt er að vanda til
gerðar umsókna og gera grein fyrir öllum efnisatriðum
sem farið er fram á í umsóknarforminu.
Umsóknarfrestur er til 17. nóvember (póststimpill gildir).
Umsóknum skal skilað til Framleiðnisjóðs landbúnaðarins,
Hvanneyrargötu 3, 311 Borgarnes.
Nánari upplýsingar eru veittar á skrifstofu Framleiðnisjóðs land-
búnaðarins, Hvanneyri. Sími 430-4300 / netfang fl@fl.is.
Styrkir þessir eru auglýstir með fyrirvara um fjárheimildir Al-
þingis til sjóðsins fyrir árið 2018.
Bylting í
hreinlæti!
Sími 480-0040 sala@buska.is www.i-teamglobal.com
Hafðu samband og pantaðu kynningu fyrir þitt fyrirtæki
Auðveldari og betri þrif,
sparar tíma og léttir lífið
Buska
LESENDABÁS
Fyrir tveimur árum samþykkti
Vinstrihreyfingin - grænt framboð
metnaðarfulla landbúnaðarstefnu.
Hún byggist á því að innlendur
landbúnaður sé grunnþáttur í
því að byggja sjálfbært samfélag
á Íslandi, að þjóðin verði sjálfri
sér næg um matvæli eins og
aðstæður leyfa og að Íslendingar
verði áfram í fararbroddi þegar
kemur að matvælaframleiðslu.
Innlendur landbúnaður snýst um
að auka lífsgæði allra landsmanna
og tryggja fjölbreytt búsetuskil-
yrði fyrir alla enda myndu fæstir
vilja vera án íslenskra landbúnað-
arafurða. Besta leiðin til að efla
byggðahlutverk landbúnaðarins er
að styrkja nýsköpun og skapa ný
verðmæti og fjölbreytt störf um land
allt. Þar skipta menntun og rann-
sóknir lykilmáli.
Mikilvægt er að landbúnaðurinn
og önnur landnýting þróist í sátt við
umhverfið á grundvelli sjálfbærrar
þróunar í búskaparháttum og
góður aðbúnaður búfjár verði
ávallt í öndvegi. Meðal annars þess
vegan höfum við Vinstri-græn lýst
stuðningi við þau markmið sem t.d.
sauðfjárbændur hafa sett fram um að
stefna að kolefnishlutleysi.
Að undanförnu hafa málefni
sauðfjárbænda verið til umræðu en
staðan þar er slík að hún kallar á
tafarlausar aðgerðir. Þar verður að
hafa í huga að sá vandi snýr ekki
einungis að sauðfjárbændum eða
afurðastöðvunum heldur beinist
hann einnig að samfélaginu sem
heild og getur haft bæði slæm
félagsleg áhrif
og byggða -
röskun í för
með sér.
Kjara skerð-
ing in sem
nú blasir við
sauðfjár bændum getur haft víðtækar
neikvæðar afleiðingar og vandséð
að þær aðgerðir sem kynntar voru
af fráfarandi sjávarútvegs- og
landbúnaðarráðherra myndu verða
til að renna hér stoðum undir
stöðugan og sjálfbæran landbúnað.
Þannig miðast aðgerðirnar einkum
við fækkun sauðfjárbænda sem
væntanlega munu hafa áhrif fyrst og
fremst á unga bændur. Aðgerðirnar
miðast ekki við að ná markmiðum
í umhverfismálum og áhrif þeirra
á hinar dreifðu byggðir hafa ekki
verið greind með fullnægjandi hætti.
Við Vinstri-græn höfum kynnt
okkur þær tillögur sem forysta
sauðfjárbænda hefur lagt fram
til lausnar vandanum sem og
þau markmið að stefna bera að
kolefnishlutleysi sauðfjárræktar.
Þar má finna ágætan grundvööll
fyrir aðgerðum. Þannig
viljum við horfa á innlendan
landbúnað: Sóknartækifæri fyrir
innlenda matvælaframleiðslu,
byggðir landsins og árangur í
umhverfismálum. Þar fer hagur alls
almennings og bænda saman.
Katrín Jakobsdóttir
Höfundur er formaður
Vinstrihreyfingarinnar –
græns framboðs
Öflugur landbúnaður
er allra hagur
Katrín
Jakobsdóttir.