Fréttabréf Öryrkjabandalags Íslands - 01.03.2001, Qupperneq 22

Ráðstefna Málbjargar 5. maí
að Sólheimum í Grímsnesi
Málbjörg býður öllum áhugamönnum um stam,
foreldrum, kennurum og þeim sjálfum sem
stama, til ráðstefnu laugardaginn 5. maí.
Ráðstefnan verður sett klukkan 13 og slitið klukkan 19.
Megin umijöllunarefnin eru tvö, hvernig umgengst
maður börn sem stama og hvernig tekur maður á einelti
og stríðni. Jóhanna Einarsdóttir, talmeinafræðingur,
fjallar um uppeldi og umgengni. Hún ræðir hvernig
foreldrar eiga að bera sig að og fjallar einnig um sam-
skipti bæði leikskóla- og grunnskólakennara við börnin.
Þá ræðir Gylfi Jón Gylfason, sálfræðingur, sérstaklega
við börnin um stríðni og einelti og einnig við foreldra
og uppalendur um sama mál.
Eftir erindin gefst tækifæri til umræðna í smáum
hópum og/eða með öllum þátttakendum.
Hér gefst félögum Málbjargar, sem öðrum, kostur á að
ræða við fagmenn í umræddum málaflokkum og skipt-
ast á skoðunum við þá. Einnig er þetta tækifæri til að
ræða stefnu félagsins í þessum málum og öðrum.
Dagskrá fyrir börn sem stama
kl. atriði umsjón
13:00 Setning í íþróttahúsinu Arni Þór Birgisson, gjaldkeri Málbjargar.
13:15 Leikir, slökun og fleira í íþróttahúsinu eða úti. Helen nuddari og aðstoðarmaður hennar
14:45 Kaffihlé
15:00 Stríðni/einelti, hvað er til ráða. Gylfi Jón ræðir við börnin. Gylfi Jón
16:00 Sund leikir og fleira Gylfason, sálfræðingur Helen nuddari og aðstoðarmaður hennar
18:00 Nestistími
19:00 Ráðstefnuslit Björn Tryggvason formaður Málbjargar.
Dagskrá fyrir fullorðna
kl. atriði umsjón
13:00 Setning í íþróttahúsinu Árni Þór Birgisson, gjaldkeri Málbjargar.
13:20 Nýjustu rannsóknir á stami. Jóhanna Einarsdóttir talmeinafræðingur
13:40 Hvernig eiga foreldrar að taka á stami barna sinna Jóhanna Einarsdóttir talmeinafræðingur
14:30 Umræðuhópar um börn, stam og uppeldi Stjórnin og fleiri.
15:30 Kaffihlé og umræður
16:10 Stríðni/einelti, hvað er til ráða. Gylfi Jón Gylfason, sálfræðingur
17:15 Umræðuhópar - stríðni/einelti. Hvað geta foreldrar gert, skólar, krakkarnir sjálfir,
18:00 Almennar umr. um efni dagsins og framtíðardrauma Málbjörg? Stjórnin og fleiri. Stjórnin og fleiri.
19:00 Ráðstefnuslit Björn Tryggvason formaður Málbjargar.
Ráðstefnugjaldið er 1.000 krónur
á fjölskyldu félagsmanna en 2.000
fyrir utanfélagsmenn. Kaffiveiting-
ar eru innifaldar í gjaldinu. Sólheimar
bjóða upp á veitingar í Brekkukoti og
kostar venjuleg máltíð frá um 1.600.
Einnig er hægt að gista gegn hóflegu
gjaldi. Allir stjórnarmenn Málbjargar
stefna að þvi að gista að lokinni
ráðstefnunni og eiga notalega kvöld-
stund saman. Aðrir gestir eru vel-
komnir í hópinn. Reyndar hvetjum
við alla til að njóta dvalarinnar á Sól-
heimum með okkur sem lengst.
Fólk skráir sig með því að senda
tölvupóst til maIbjorg@visir.is eða
hringir í Rut (421 2786) eða Björn
(693 0113). Taka skal fram hve
margir fullorðnir mæta og barn ef
við á. Málbjörg óskar eindregið
eftir að fólk taki ekki með sér önn-
ur börn sín, en þau sem stama.
Skráningu lýkur 25. apríl. Skráið
ykkur sem fyrst.
Aðstaða á Sólheimum til ráðstefnu-
halds af þessu tagi er frábær. Þar eru
mörg hús og fjölbreytt sem hægt er að
nýta til margra hluta. íþróttahús,
sundlaug, veitingahús, verslun, garð-
yrkjuhús og ráðstefnuaðstaða ýmiss
konar.
Sólheima stofnaði Sesselja Hreindís
Sigurðardóttir 5. júlí 1930. íbúar eru
um 100. Fyrsta skipulagsskrá Sól-
heima sem sjálfseignarstofnunar var
staðfest af Kristjáni X. Danakonungi
12. janúar 1934. Síðanhafa Sólheim-
ar verið sjálfseignarstofnun en þurft
að berjast fyrir tilveru sinni og sjálf-
stæði oftast vegna misskilnings þar
sem viðkomandi líta á staðinn sem
vistheimili eða stofnun en ekki
byggðahverfi með skilgreind mark-
mið. Þetta samfélagsform er lítt þekkt
hér á landi en Sólheimar eru eina
byggðahverfið á íslandi sem fellur
undir þessa skilgreiningu.
Sólheimar er elsti staður í ver-
22