Fréttabréf Öryrkjabandalags Íslands - 01.03.2001, Blaðsíða 23

Á myndinni eru Dóri og Rut (foreldrar Þórunnar), Hjörleifur (ritari),
Þórunn, Benni (fyrrv.form.), Hallur norðanmaður og Árni Þór (gjald-
keri). Á myndina vantar myndasmiðinn Bjössa formann.
öldinni þar sem þjónusta við þroska-
hefta fer fram utan stofnana og vist-
heimila og fatlaðir sem ófatlaðir búa
saman.
Sólheimar eru fyrsti staðurinn á
Norðurlöndum til að stunda lífræna
ræktun (bio-dinamics)
Sólheimar voru í apríl 1997 út-
nefiidir fyrsta vistvæna samfélagið á
íslandi og hið 14. í veröldinni af al-
þjóðasamtökunum Global Eco-vill-
age Network. í skýrslu samtakanna er
litið á Sólheima sem elsta umhverfis-
samfélagið í Evrópu.
Félagatal Málbjargar
Félagið hefur haldið félagaskrá frá
stofnun. Við höfum haft tilhneigingu
til að bæta inn á skrána en verið tregir
til að stroka út, nema fólk biðji um
það sérstaklega. Hefur þá einu gilt
hvort fólk hefur greitt félagsgjaldið
eða ekki. Nú hefur stjórnin ákveðið
að hreinsa til í félagatalinu. Verður
það gert á eftirfarandi hátt. Greiðslu-
seðlar verða sendir út á næstunni,
þeir sem greiða þá verða fullgildir fé-
lagar og fá fréttabréfið sent áfram.
Þeir sem ekki greiða detta af félaga-
skrá en geta skoðað heimasíðuna og
fylgst þannig með því sem um er að
vera.
Félagið hvetur sem flesta til að
greiða félagsgjaldið, fjölskyldur sem
stama, afa og ömmur, frænkur og
frændur, alla sem vilja félaginu og
málefnum þess vel. Þeir sem ekki fá
greiðsluseðil sendan, en vilja greiða
félagsgjald eru beðnir að hafa sam-
band við félagið með tölvupósti eða
við Björn í síma 6930113. Gjaldið er
1.000 á ári.
Við hvetjum alla, sem tök hafa á,
til að senda okkur netfang sitt. Þá
getum við sent út áminningu, þegar
nýtt efni kemur á heimasíðuna.
Hittumst
Það er mjög mikilvægt fyrir börn
sem stama, reyndar fullorðna líka, að
hitta aðra sem stama. Þess vegna
þurfa foreldrar að vera duglegir að
mæta með börn sín. Allt sem félagið
hefur gert fyrir börnin hefur tekist
það vel að við erum ákveðin í að auka
barnastarfið. Þeir sem mæta eru
ánægðir og vilja hittast aftur. Þetta er
þeim hvatning til að loka sig ekki inni
heldur tjá sig og tala. Allir stama og
allir hlusta og gefa hvert öðru sinn
tíma til að klára sínar setningar. Þór-
unn Jóna er 13 ára. Hún hefur verið í
félaginu í 2 ár og líkar henni mjög vel
að geta hitt sína jafningja og rætt
málin þar sem henni er gefinn tími til
að tala. Hún kom á norræna ráðstefnu
Málbjargar á Laugarvatni 1999 og fór
til Svíþjóðar á norrænu ráðstefnuna í
september 2000. Báðar þessar ráð-
stefnur gáfu mjög mikið sjálfstraust
og hvatningu til þátttakenda. Hér er
mynd af Þórunni Jónu ásamt fylgdar-
liði við Eyrarsundsbrúna Svíþjóðar
megin.
Stefnt er að barnahelgi 8.-10. júní þar sem foreldrar koma með börnin og skilja þau eftir í umsjá nokkurra
foreldra. Á sunnudeginum hittast svo fjölskyldurnar og ræða árangur og framhald. Áætlað er að þetta verði ein-
hvers staðar á Vesturlandi. Látið vita um áhuga ykkar.
Hlerað í hornum
Óskar Björnsson frá Neskaupstað
segir svo: Maður einn vann við að
rafsjóða. Hafði hann bannað sonum
sínum tveim að horfa í ljósið, sem
myndaðist við suðuna og sagði þeim
að það væri eins og að horfa í sólina.
Einn dag sátu synir hans úti í garði og
voru að horfa í sólina. Heyrir hann
þá að annar segir: “Bjössi, sjáðu nú
er Guð að rafsjóða”.
Tveir lögreglumenn voru á gangi og
fundu þrjár handsprengjur. “Við
tökum þær með okkur á stöðina”,
sagði sá eldri. Þá sagði sá yngri hálf-
hræddur: “En ef ein þeirra spryngi
nú í höndunum á okkur á leiðinni”.
Sá eldri öruggur með sig: “Ja, þá
segjumst við bara hafa fundið tvær”.
Ungur drengur sundreið á eina, en í
miðri ánni datt hann af baki og var
næstum drukknaður þegar nær-
staddur gekk á hljóðið og bjargaði
honum. Drengurinn þakkaði honum
lífgjöfina og sagði: “Ja, ef ég hefði
drukknað, þá hefði pabbi sko heldur
betur flengt mig”.
Reykjavíkurdaman fór upp í sveit og
lenti þar, alls óvön slíku, í útreiðartúr.
Aðspurð sagði hún ferðina hafa verið
fína en bætti svo við: “En ég fékk
ansi slæman áblástur á rassinn”.
FRÉTTABRÉF ÖRYRKJABANDALAGSINS
23