Fréttabréf Öryrkjabandalags Íslands - 01.03.2001, Blaðsíða 37

jónsdóttir þakkaði Helga fyrir hönd
Sjálfsbjargar vel unnin störf. Júlía G.
Hreinsdóttir minnti á að bandalagið
þyrfti alltaf og ævinlega að vera á
vakt með að tryggja hvarvetna á
sínum vettvangi táknmálstúlkun.
Nefndi átaksfundinn sem dæmi um
túlkaleysi, en Garðar svaraði því að
sá fundur hefði ekki verið á vegum
bandalagsins sjálfs. Kvartaði Júlía
einnig yfir hve fámennt hefði verið á
ráðstefnu norrænni - PNC - en
Garðar svaraði því til að Emil vara-
formaður hefði mætt og ávarpað
þingið að beiðni Félags heyrnar-
lausra. Júlía kvað okkur hér á landi
vera langt á eftir Norðurlöndunum
þegar kæmi að þjónustu við ijölfatl-
aða heyrnarlausa og þroskahefta
heyrnarlausa. Fá yrði fram könnun á
högum þessa fólks og hversu mætti
úr bæta. Var því vel tekið að styðja
það verkefni. Arnþór Helgason sagði
umræðuna vera hér 20 árum á eftir
tímanum, mynda þyrfti starfshóp um
þessi mál öll m.a. daufblinda ein-
staklinga.
Gísli Helgason þakkaði Helga og
minnti á að Ásgerður Ingimars-
dóttir og Helgi hefðu lesið Fréttabréf
ÖBÍ inn á hljóðbækur frá upphafi eða
í 13 ár og væri óskandi að á yrði
framhald. Friðrik Alexandersson
greindi frá nefndarskipan um full-
orðinsfræðsluna fyrrnefndu, nefndin
hygðist skila áliti í janúarlok, en í
henni eru auk hans fulltrúar ráðu-
neytis og Þroskahjálpar. Friðrik lýsti
svo nánar í hverju fullorðinsfræðslan
væri fólgin, þetta væri í raun sí-
menntun og spannaði mörg svið m.a.
bóklegt nám sem verklegt, líkams-
þjálfún, tónlist og tölvunám. Starfið
færi fram i Reykjavík, á Akureyri og
á Selfossi. Friðrik fagnaði viljayfir-
lýsingu um húsnæðismál milli Hús-
sjóðs og félagsmálaráðuneytis, en
lýsti áhyggjum af leigugjöldum ef
ekki kæmu til aðgerðir s.s. hækkun
húsaleigubóta. Undir þetta tóku
Garðar og Emil sem lýsti ánægju með
nýjan framkvæmdastjóra og færði
Helga þakkir fyrir störfin. Fundi slit-
ið kl. 19.20 og þá gengið til jólahlað-
borðs ásamt starfsfólki skrifstofu og
skyldra og tengdra stofnana. Var
gnótt veislufanga og vel notið i hvi-
vetna af öllum.
Helgi Seljan.
Bæklingur FAAS
FAAS eða Félag áhugafólks og aðstandenda Alzheimersjúklinga
og annarra minnissjúkra, eins og það heitir víst fullu nafni, hefur
gefið út hinn myndarlegasta bækling sem heitir því einfalda heiti:
Alzheimersjúkdómurinn en efnið hreint ekki einfalt og enn síður sjúk-
dómurinn.
Undirheiti bæklingsins: Ráðleggingar til aðstandenda. Bæklingurinn
er þýddur úr dönsku af G. Gerði Sæmundsdóttur hjúkrunarfræðingi, en
staðfærður einnig. Hér verður aðeins á stiklað einstökum atriðum í
annars afar fróðlegum og læsilegum bæklingi.
Minnissjúkdómar - en Alzheimers - sjúkdómurinn einn þeirra - eru
samheiti sjúkdóma í heila sem valda skertu minni og versnandi vitrænni
getu. Orsök Alzheimers er ókunn, fjöldinn með sjúkdóminn eykst með
árunum, en í sjaldgæfum tilfellum greinist hann hjá fólki á fimmtugs-
aldri. Fyrstu einkenni eru rakin og sem dæmi: Erfiðleikar við að rata,
læra og skilja nýja hluti, hafa stjórn á tilfinningum, muna orð og nota
einföld orð. Sem dæmi um svo umtalsverðar breytingar má nefna:
málið hverfur, áttunarleysi, svefntruflanir, tortryggni og ranghugmyndir.
Engin lækning enn fundin.
Spurt er hvaða áhrif sjúkdómurinn hafi á Iíf fjölskyldunnar og það
glögglega rakið hve mikil og alvarleg þau geta verið. Mest er álag-
ið á maka sem sér lífsförunautinn hverfa inn í framandi heim, breytingar
verða á hjónalifi og tilfinningum, þar sem samveran við hinn sjúka getur
verið mjög erfið. Fjölskylda og vinir íjarlægjast, hegðunarmynstur þess
sjúka verður afbrigðilegt, persónuleikabreytingin veldur mikilli sorg -
þar er eins og um ákveðinn ástvinamissi sé að ræða.
Svo koma hin góðu ráð - úrræðin og þau eru mörg upp talin en
áreiðanlega ekki auðveld. M.a. eiga rétt á eigin áhugamálum og frítíma,
beita kímnigáfunni eins og hægt er, meta getu hins sjúka af raunsæi, láta
hverjum degi nægja sínar þjáningar o.s.frv. - allt örugglega hægar sagt
en gjört.
Næsti kafli bæklingsins nefnist: Bjargráð og er um þau úrræði sem
fyrir hendi eru fyrir aðstandandann. Vísað er til heilsugæslu og
heimilislæknis, félagsþjónustunnar og svo til FAAS. Þá er minnt á
stuðningshópa leidda af fagfólki og nærhópa FAAS leidda af djákna.
Alveg sér í lagi er minnt á Minnismóttökuna á Landakoti en þar er
síminn 525 1914.
Að lokum eru svo ýmsar hagnýtar upplýsingar um FAAS - félagið
sem stofnað var 1985 til að gæta hagsmuna skjólstæðinga sinna. Á
Akureyri eru systursamtök FAAS - AN.
Minnt er á fræðslufundi félagsins, heimastuðning þess, upplýsingar
og ráðgjöf. Þá er vikið að starfi djákna sem stjórnar nærhópum,
veitir einkaviðtöl, fer í heimsóknir og sinnir sálgæslu, en það er Guðrún
Kristín Þórsdóttir, djákninn okkar, er þessu stjórnar. Sagt er frá bækl-
ingum og bókum sem félagið hefur gefið út - 5 talsins og gjöri aðrir
betur.
Félagið á húseignina að Austurbrún 31 - gjöfin góða - Fríðuhús heitir
það, en Fríða er nafn konunnar sem húsið var gefið til minningar um.
Þar er nú dagvistun fyrir minnissjúka efst á baugi auk alls annars starfs
sem er hið blómlegasta. Myndarlegt er þetta framtak allt og félaginu til
hins besta sóma.
Helgi Seljan.
FRÉTTABRÉF ÖRYRKJABANDALAGSINS
37