Fréttabréf Öryrkjabandalags Íslands - 01.03.2001, Blaðsíða 44

Ný dagdvöl fyrir minnissjúka
FRÍÐUHÚS VÍGT
Kankast á af kátum.
Ingibjörg Sólrún ávarpar samkomuna.
Hinn 22. febrúar síðastliðinn
var Fríðuhús, Austurbrún 31
í Reykjavík, tekið í notkun.
Þar er dagdvöl fyrir 15 minnissjúka
einstaklinga, sem FAAS, Félag
áhugafólks og aðstandenda Alzheim-
ers sjúklinga og annarra minnissjúkra
starfrækir. Við þetta tækifæri var
fjöldi fólks saman kominn í þessu
glæsilega húsi sem Pétur Símonarson
frá Vatnskoti reisti skömmu eftir
1950.
í ávarpi Maríu Th. Jónsdóttur, for-
manns félagsins, sem hún flutti við
þetta tækifæri, kom fram að Pétur
lagði gjörva hönd á margt. Hann nam
rafvirkjun í Reykjavík. Hann kallaði
sig uppfinningamann og skömmu
fyrir stríð hélt hann til Danmerkur þar
sem hann bætti við þekkingu sína.
Þar kynntist hann eiginkonu sinni,
Friðu Ólafsdóttur, en hún starfaði
sem ljósmyndari í Kaupmannahöfn.
Þau komu síðan aftur til íslands
skömmu eftir stríð og stofnuðu
fyrirtæki sem framleiddi alls konar
plastvarning. Þau reistu sér íbúðar-
húsið við Austurbrún 31 sem þótti um
margt merkilegt á sínum tíma. Þess
má geta að Pétur skilaði ekki inn
teikningum að húsinu heldur lét hann
byggingaryfirvöldum í té likan að því
og var það til sýnis við opnun þess.
Pétur smíðaði m. a. vélsleða sem
knúinn var flugvélarhreyfli. Hann átti
einnig litla flugvél sem hann flaug
sjálfur. Til þess að geta betur fylgst
með veðri og vindum reisti hann
útsýnisturn á þaki húss síns og þaðan
skyggndist hann um til allra átta í
sjónauka sem hann átti.
Árið 1997 gaf Pétur FAAS húsið til
minningar um eiginkonu sina, en hún
þjáðist af Alzheimersjúkdómi síðustu
ár sín. Hún lést árið 1985, áttatiu og
tveggja ára að aldri, og annaðist Pétur
hana á heimili þeirra hjóna. Engar
kvaðir fylgdu gjöfinni en einlæg ósk
Péturs var að þar yrði heimili fyrir
Alzheimerssjúka.
Stjórn félagsins var ljóst að mikill
skortur er á dagvistun fyrir minnis-
sjúka. Helsta ósk hvers aðstandanda
er að geta haft sína hjá sér sem lengst
og veitt þeim það besta. Dagvistun
léttir undir með að-
standendum, rýfur
einangrun hins sjúka
og þar er hægt að
veita honum líkam-
lega og vitræna þjálf-
un. Félagið ákvað að
leggja út í það stór-
virki að nota hús-
eignina til að opna
þar dagvistun minnis-
sjúkra.
Það er meira en að
segja það fyrir lítið fá-
tækt félag að leggja út
í framkvæmd sem
kostar í stofnkostnað
15-20 millj. kr. en
með frábærri hjálp og
fórnarlund ljölda
aðila hefur tekist að
koma verkinu eins
langt og nú blasir við
augum. Þrátt fyrir að
nokkrir þættir séu enn
óunnir, sumir all dýrir
eins og t.d. garðurinn
umhverfis húsið, þá
eru félagsmenn fullir
bjartsýni um að það
takist að ljúka verk-
inu með hjálp guðs og
góðra manna.
Dagvistunin tók til
starfa i byrjun janúar.
Mikil vinna fólst í
öllum undirbúningi
og drjúgur timi í að-
lögun gesta dagvist-
unarinnar. Heimild er
fyrirdvöl 15 einstakl-
inga. Tryggingastofnun ríkisins
greiðir daggjöld með gestum dagvist-
unar sem ákvörðuð eru af heilbrigðis-
ráðuneytinu. Að vísu eru þær greiðsl-
ur nokkru lægri en hjá sambærilegum
stofnunum. Það stafar af því að ekki
var gert ráð fyrir á fjárlögum jafn
mörgum gestum og heilbrigðisráðu-
neytið heimilaði. Vonandi fæst fljót-
lega bætt úr því.
María Th. Jónsdóttir, formaður
FAAS, þakkaði í ávarpi sínu einkum
Reykjavíkurborg fyrir að hafa gert fé-
laginu kleift að takast á við viðgerðir
hússins og stofnun dagdvalarinnar.
Páll Pétursson, félagsmálaráðherra
og Ingibjörg Sólrún Gísladóttir,
borgarstjóri, luku miklu lofsorði á
stofnun dagdvalarinnar og þá miklu
atorku sem stjórn félagsins hefði
sýnt. Þá greindi Jón Snædal, læknir,
frá því að talsverðar framfarir hefðu
orðið við meðferð fólks sem þjáist af
Alzheimersjúkdómnum. Hann lagði
einnig áherslu á að nauðsynlegt sé að
búa vel að minnissjúku fólki og skapa
því aðstæður til vitrænnar þjálfunar.
Arnþór Helgason.
44