Fréttabréf Öryrkjabandalags Íslands - 01.03.2001, Blaðsíða 34

Útskrift nemenda í
Hringsjá 19. des.
2000. Unnur Millý
Georgsdóttir flytur
ávarp fyrir hönd
nemenda.
Utskrift frá Hringsjá
Eins og alltaf áður var það hin
hátíðlegasta stund er útskrift
fór fram frá Hringsjá 19. des.
sl. Er einstaklega ánægjulegt að sjá
hverju sinni fyrrum nemendur skól-
ans mæta til slíkrar athafnar.
Það var Guðrún Hannesdóttir skóla-
stjóri sem flutti útskriftarræðuna,
hugnæma og þrungna hlýju eins og
alltaf. Hún minnti á það að þótt milt
hefði verið og stillt tíðarfarið þá hefði
engin lognmolla ríkt í Hringsjá og nú
komin uppskeruhátíð mitt í svartasta
skammdeginu. Allt hefði með
hefðbundnum hætti verið en bað
menn líta á nýja merkingu hússins
svo og sagði hún frá bættri aðstöðu í
bókasafni sem hefði sannarlega kom-
ið nemendum til góða.
Nú luku 36 nemendur haustönninni,
átjándi hópurinn frá Hringsjá væri nú
að útskrifast. Alls hefðu þá 188 út-
skrifast eftir tilskilið nám og 258
lokið a.m.k. einni önn. En biðlistinn
væri langur, 60 umsækjendur nú og
gífurleg ásókn í námskeiðin. Samt
hefðu 16 námskeiðshópar verið
teknir inn á árinu þar af tveir í sérlegri
samvinnu við Blindrafélagið - alls
100 nemendur. Það eru þjónustu-
samningar við félagsmálaráðuneyti
og Tryggingastofnun ríkisins sem
gjörðu þetta umfang starfseminnar
kleift og einnig kæmi til styrkur
Öryrkjabandalagsins sem hefði gjört
3 námskeið möguleg. Guðrún gat um
þá staðreynd að æ fleiri nýttu sér
Hringsjá sem væru á endurhæfingar-
lífeyri.
Hún vitnaði í nýja bók Péturs
Gunnarssonar um drauma og
veruleika, hér yrðu draumar að veru-
leika. Mikilvægt væri að bera ábyrgð
á eigin lífi - þá ábyrgð hefðu nem-
endur axlað, yrðu stöðugt færari,
efldu anda sinn, en erfiðislaust væri
það ekki.
Minnti á boðskap jólanna um frelsi,
von og trú - trú á framtíðina, trú á
draumana. “Látið bjartsýni ráða ferð,
draumana vísa ykkur veg”.
Afhenti svo nemum l.annar skír-
teini sín, þau hefðu verið ákaflega
dugleg og vinnusöm og sótt vel í sig
veðrið, aðalatriðið væri í öllu námi
fullvissa þess að hafa lagt sig fram.
Alls luku 12 fyrstu önn.
Þá var komið að nemendum ann-
arrar annar, sem nú verða leiðtogar á
næstu önn. Þau hefðu aldrei gefist
upp heldur haldið vondjörf áfram, 10
luku önninni og svo tveir í hlutanámi.
Útskriftaraðalinn ávarpaði Guðrún
svo síðast, sundurleitur og hæfileika-
ríkur hópur sem gengi nú á vit
draums og veruleika til hinna ýmsu
verka. Margs konar myndir liðu um
hug: vinnusemi, dugnaður, þroski,
afrakstur myndlistarnáms á veggjum,
Fréttaþjálfinn væri kominn á netið
o.s.frv. Nú leystu þau landfestar,
tækjust á við allt þetta ótrúlega sem
ættað væri úr draumi. Hugheilar
framtíðaróskir þeim fluttar. Alls
útskrifuðust 12 nú og Guðrún kvaddi
þau með orðunum: Þið eigið okkur
áfram að.
Stjórnarformaður Hringsjár, Ólafur
H. Sigurjónsson, flutti ávarp og
heillaóskir Öryrkjabandalags íslands
og færði útskriftarnemum að gjöf
vandaða bók. Unnur Millý Georgs-
dóttir flutti svo ávarp f.h. útskriftar-
aðals sem birt er hér í blaðinu.
Axel Björnsson þakkaði fyrir hönd
fyrstu annar nema og færði ásamt fé-
lögum sínum útskriftaraðli öllum hin
fegurstu blóm.
Hörður Hólm Ólafsson sem var á
annarri önn færði kennurum gjöf og
Halldóra færði þeim blómvönd. Þá
kallaði Guðrún Hannesdóttir Helga
Seljan upp, þakkaði honum gott sam-
starf sem liðsinni og færði honum
fagra skreytingu í þakkarskyni.
Helgi árnaði Hringsjá allra heilla.
Guðrún sleit svo þessari athöfn með
heillaóskum hlýjum og þökkum fyrir
vermandi samstarf. Fólk gæddi sér
svo á gómsætum veitingum og gladd-
ist yfir áföngum góðum.
Helgi Seljan.
34