Fréttabréf Öryrkjabandalags Íslands - 01.03.2001, Blaðsíða 41

Hvaða breytinga er þörf
í hverfisskólum?
Kannað var hvað þyrfti að breytast í
hverfisskóla barns til að það geti
stundað nám þar. Foreldrar töldu að
til þess að börn gætu stundað nám í
heimaskóla væri nauðsynlegt að auka
sérhæfða þekkingu kennara og starfs-
fólks, breyta þyrfti viðhorfum til fatl-
aðra innan skólanna jafnframt því
sem efla þyrfti tilboð um skóladag-
vist til barnanna. Athygli vekur að
um 20 foreldrar af þeim 68 sem tóku
þátt í könnuninni eða tæp 30% höfðu
óskað sérstaklega eftir því að börn
þeirra fengju skólatilboð í heima-
skóla en ekki fengið.
Almenn
ánægja
Foreldrar sem svöruðu könnuninni
voru almennt ánægðir með þá þjón-
ustu sem sérskólarnir veittu og töldu
að börnunum liði vel í skólanum.
Meirihluti foreldra sagði jafnframt að
þeir myndu velja sérskóla ef þeir ættu
að velja skólaúrræði í dag. Það er því
mikilvægt að sérskólar séu fyrir
hendi og veiti þá þjónustu sem þeir
gera.
Of fá
skólaúrræði
Ljóst er af niðurstöðum þessarar
könnunar að foreldrar voru óánægðir
með hversu fá skólaúrræði voru í
boði þó svo að þeir hafi verið
ánægðir með það úrræði sem valið
var að lokum. Flestir foreldrar töldu
sig ekki hafa fengið kynningu á mis-
munandi skólaúrræðum og yfirleitt
var aðeins eitt skólaúrræði í boði.
Þetta bendir til að styrkja þurfi fleiri
úrræði og kynna þau vel fyrir for-
eldrum.
Niðurstöður benda til að ráðlegg-
ingar sérfræðinga hafi mikil áhrif
þegar kemur að vali foreldra á skóla-
úrræði. Samkvæmt 37. grein grunn-
skólalaga eiga foreldrar rétt á því að
geta valið milli heimaskóla og sér-
skóla og það er ótvírætt að barni
verður ekki gert að sækja sérskóla
nema með samþykki og vilja for-
eldra/forráðamanna. Mikilvægt er
því að sérfræðingar reyni að veita
foreldrum hlutlausa ráðgjöf út frá
rétti þeirra til að velja milli sérskóla
og heimaskóla og virði þennan rétt.
Helgi Hróðmarsson
Jórunn Sörensen:
ÞRJÚ LJÓÐ -
DEILD 13b
rólegt á deildinni
manneskjur
undir rauðum og bláum teppum
blóðið streymir
eftir slöngunum
inn í gervinýrað
til baka inn í líkamann
aftur
og aftur
manneskjur
sofa
lesa
eða stara sljóum augum
á þöglan sjónvarpsskjá
það er rólegt á deildinni
það er búið að tengja
hjúkkurnar standa í hnapp
og blaðra
um kjörin
og vaktaskiptin
fá lánuð kjaftablöðin
með nýjustu myndunum af Dorrit og Ólafí
af borðum þeirra
sem liggja með nálar í æðum
ég lifi í tveimur heimum
góðum heimi
og vondum heimi
í þeim góða er ég frjáls
örugg
þar skipta óskir mínar máli
stend jafnfætis samferðamönnum mínum
í þeim vonda er ég bundin
hrædd
ofurseld fræðum og tækni
þar sem ég ligg horfa samferðamenn mínir niður á
mig
en þar er lífi mínu bjargað
Jórunn Sörensen hefur gefið út eina ljóðabók Janus2
Ljóð eftir hana hafa einnig birst í tímaritum og safn-
ritum.
FRÉTTABRÉF ÖRYRKJABANDALAGSINS
41