Fréttabréf Öryrkjabandalags Íslands - 01.03.2001, Blaðsíða 42

CHRISSIE WOOLCOCK
COLLINS - IN MEMORIAM
1.
Látin er í Turlock í Bandaríkjunum
Chrissie Woolcock Collins, annar
stofnenda MedicAIert. Hún lést þann
8. janúar s.l. níutíu og ijögurra ára að
aldri.
Tilgangur MedicAlert er að starf-
rækja aðvörunarkerfi fyrir sjúklinga
með alvarlega sjúkdóma, sem af ein-
hverjum ástæðum geta veikst þannig
að þeir eru ófærir um að gera grein
fyrir veikindum sínum og eiga þar af
leiðandi á hættu að fá ranga meðferð
með alvarlegum afleiðingum eða að
rétt meðferð dregst úr hömlu.
MedicAlert stofnunin er í farar-
broddi á sviði neyðarupplýsinga fyrir
einstaklinga á alþjóðavettvangi og eru
félagar sem þjónustu stofnunarinnar
njóta um það bil 4 milljónir. Stofnunin
er ein af stærstu samtökum heims sem
ekki eru rekin í hagnaðarskyni og hef-
ur starfsemin styrkt lífsbjargarmögu-
leika félaga í nærri 45 ár en stór hluti
þeirra sem merkið bera er með þess
háttar sjúkdóma að upp geta komið til-
vik þar sem þeir eru ófærir um að tjá
sig sökum meðvitundarleysis.
MedicAIert á íslandi er sjálfseign-
arstofnun stofnuð í janúar 1985 til
þess að stuðla að bættu öryggi í með-
ferð sjúklinga í neyðartilfellum.
Aðildarfélög að stofnuninni eru nú
Blæðingasjúkdómafélag Islands,
Gigtarfélag íslands, Hjarta- og æða-
verndarfélag Reykjavíkur, Landssam-
tök hjartasjúklinga, Lionshreyfingin á
íslandi, Migrenisamtökin, Samband
íslenskra brjóstholssjúklinga SÍBS,
Samtök sykursjúkra, Sjálfsbjörg,
landssamband fatlaðra., Félag að-
standenda alzheimerssjúklinga og
Laufið, félag flogaveikra. Félagar eru
á þriðja þúsund.
Umsjón með daglegum rekstri
MedicAlert á Islandi hefur Lions-
skrifstofan í Reykjavík. Hún tekur við
umsóknum um merki og annast skrán-
ingu á grundvelli upplýsinga sem
merkisberi og læknir hans hefur látið í
té á sérstöku umsóknareyðublaði.
2.
Þeir sem gerast félagar í MedicAlert
ganga með smá skjöld eða merki á sér,
ýmist um úlnlið eða háls. A merkið er
grafið símanúmer vaktstöðvar á slysa-
deild Landspítalans í Fossvogi þar sem
samstundis eru í neyðartilfellum gefn-
ar upplýsingar um nafn, sjúkdóm, lyf,
aðstandendur og lækna merkisbera á
grundvelli númers sjúklings í skrá
vaktstöðvarinnar sem einnig er grafið
á merkið. Einnig fær merkisberinn
Chrissie Woolcock Collins.
spjald í bankakortsstærð, með hluta
fyrrnefndra upplýsinga, til að hafa í
veski sínu.
Chrissie Collins fæddist 30. júlí,
1906 á Isle of Man. Fjölskyldan flutti
til Turlock í Kaliforníu 1912 þar sem
Chrissie stundaði meðal annars tónlist-
arnám við University of the Pacific en
þaðan útskrifaðist hún 1928. Arið eftir
giftist hún Marion Carter Collins, sem
hún hafði kynnst í skóla. En hann varð
síðan starfandi læknir í Turlock.
Það var svo árið 1953, þegar Chrissie
og Marion voru í fríi, að Linda dóttir
þeirra skar sig í fingur. Það var farið
með hana á Lillian Collins spítalann í
Turlock þar sem frændi hennar, Dr.
James Collins, skoðaði sárið og gaf
henni stífkrampasprautu sem í ljós
kom að hún var með ofnæmi fyrir.
Mátti litlu muna að illa færi og varð að
gera sérstakar ráðstafanir til að hún
héldi lífi.
Foreldrarnir létu þetta sér að kenn-
ingu verða og hófu grundvöllinn að
fyrstu stofnuninni og þeirri sem öðlast
hefur mesta viðurkenningu neyðar-
upplýsingaþjónustustofnana, Medic-
Alert Foundation. Þau gerðu sér
grein fyrir því hversu nauðsynlegt það
væri fyrir svo ótal marga að þeir hefðu
á sér neyðarupplýsingar um sjúkdóm
sinn.
Eftir miklar vangaveltur útbjuggu
hjónin saman armbandsmerki sem ver-
ið hefur svo til óbreytt frá upphafi -
með alþjóðamerki læknavísindanna á
annarri hlið ásamt orðunum “MEDIC
ALERT” en á hinni hliðinni upp-
lýsingar um ofnæmi Lindu. Þetta
fyrsta armband er nú á Smithsonian
safninu í Washington og er það viður-
kenning á starfi Collins hjónanna.
3.
Chrissie Collins hefur hlotið margs
konar viðurkenningar í áranna rás og
meðal þeirra sem heiðrað hafa
Chrissie eru University of Pacific,
1999, The World Wins Corporation of
Beverly Hills and Geneva Switzerland
og The American Hospital Associ-
ation, 1998, The University of
Pacific's Alumni Association, 1997 og
1996 var hún heiðruð af The American
Medical Association (AMA) og sama
ár hlaut hún viðurkenningu Emerg-
ency Nurses Association Board.
Chrissie Collins sat í stjórn Med-
icAlert frá 1960 til dauðadags. Lífs-
tíðarstarf hennar í þágu MedicAlert
sannar gildi handbærra sjúkraupplýs-
inga í neyðartilvikum. Chrissie Collins
var einstök kona og persónuleiki sem
tók þátt í draumsýn eiginmanns sins og
studdi hann með ráðum og dáð í því að
gera draumsýn sína að veruleika. Hún
fylgdist með stækkun MedicAlert úr
bílskúrnum heirna upp í skrifstofuhald
sem í dag þjónar 4 miljónum merkis-
bera. Hvort sem var í mótlæti eða
meðbyr á fjörtíu og fjögurra ára starfs-
ferli lét hún aldrei deigan síga og starf-
aði ætíð í fullvissu þess að þörfin fyrir
þjónustuna væri ekki síðri nú en þegar
hún hófst í bílskúrnum árið 1956.
Chrissie Colins lætur eftir sig 4 börn,
8 barnabörn og 12 barnabarnaböm.
Eiginmaður Chrissie, Marion Collins,
lést 1977.
Stjórn MedicAlert hefur sent að-
standendum Chrissie Collins samúðar-
kveðjur fyrir hönd MedicAlert félaga á
Islandi.
Ólafur Briem.
42