Fréttabréf Öryrkjabandalags Íslands - 01.03.2001, Blaðsíða 35

Unnur Millý Georgsdóttir:
r
Avarp við útskrift
Elsku kennarar, samnemendur og starfsfólk
skólans. Þar sem við, nemendur 3ju annar, stönd-
um á tímamótum, viljum við þakka fyrir þann
ómetanlega stuðning og hvatningu, skilning og hlýhug í
okkar garð, sem við höfum orðið aðnjótandi hér síðast-
liðið eitt og hálft ár.
Það er óneitanlega svolítið undarleg tilfinning að standa
hér í síðasta sinn og á morgun tekur eitthvað alveg nýtt
við. Á sama tíma og pínulítið óöryggi kemur upp í
manni, sem gerist oftast við breytingar, þá ríkir jafnframt
eftirvænting og tilhlökkun í hjörtum okkar og hugum, því
nú forum við út í lífið til að takast á við ný og spennandi
verkefni, verkefni sem við fyrir einu og hálfu ári hefðum
ekki einu sinni látið okkur dreyma um.
Allt í einu er lífið fullt af tækifærum, og heimurinn er
orðinn svo miklu stærri en hann var í gær. Hlutir sem
áður voru okkur ofviða eru nú í hendi okkar, og draumar
okkar margra eru orðnir raunverulegir.
Það sem við höfum fengið hér er fyrst og fremst tæki-
færi til að skapa okkur nýtt og betra líf, og tækin til þess
eru menntunin sem þið hafið veitt okkur.
Það er von mín að við öll sem útskrifumst hér í dag,
berum gæfu til þess að nýta okkur þessi tækifæri.
Unnur Millý Georgsdóttir.
Höfundur flutti þetta ávarp við útskrift sína úr Hringsjá
19. des. sl.
Samningur Vinnustaða ÖBÍ við Slökkvilið
höfuðborgarsvæðisins um ræstingar
Ræstingaliðið í góðum gír.
Vinnustaðir ÖBÍ hafa
gert samning við
Slökkvilið höfuðborg-
arsvæðisins um að ráða
fólk til ræstinga á
slökkvistöðvum í
Reykjavík, Hafnarfirði
og á Reykjavíkurflug-
velli ásamt húsnæði
Neyðarlínunnar og ijar-
skiptastöð Lögreglunnar
í Reykjavík. Verkefnið
felst í daglegum ræsting-
um í starfsstöðvum
ofangreindra aðila. I
upphafi verða 5-6 fatl-
aðir starfsmenn Vinnu-
staðanna í þessu verkefni, auk leið-
beinanda, sem einnig mun sinna
afleysingum í veikindum og sumar-
fríum. Slökkviliðið leggur til starfs-
mann sem leiðir starfið, annast verk-
stjórn og flytur starfsmenn milli
starfsstöðva. Slökkviliðið leggur þar
að auki til áhöld, efni og aðra hluti
sem þarf til verksins.
Til stendur að stækka verulega hús-
næði slökkvistöðvar við Skógarhlíð
og Neyðarlínunnar auk þess sem ný
og stærri slökkvistöð er í smíðum í
Hafnarfirði. Við þessar viðbætur mun
störfum fyrir fatlaða að líkindum
fjölga.
í samningi þessum eru Vinnustaðir
ÖBÍ verktaki samkvæmt tilboði í
verkið, þar sem Vinnustaðirnir taka
að sér að útvega tiltekinn fjölda fatl-
aðra starfsmanna til verksins. Starfs-
mennirnir eru ráðnir hjá Vinnustöð-
unum og eru á ábyrgð þeirra við störf
sín. Hér er um nýmæli að ræða hjá
Vinnustöðum ÖBI og veruleg aukn-
ing á starfsemi ræstingadeildar sem
rekin hefur verið í Hátúni 10 nokkur
undanfarin ár með góðum árangri.
Það reyndist okkur auðvelt að bjóða
í þetta verk og útvega starfsmenn sem
við getum treyst til starfans, þar sem
við búum að mikilli reynslu frá
verkefninu hér í Hátúninu.
Frumkvæðið að verkefni þessu kom
frá Hrólfi Jónssyni slökkviliðsstjóra
og starfsmönnum hans. Þegar þetta er
ritað hefur verkefnið
staðið í einn mánuð og
hefur allt gengið eins og
best verður á kosið.
Þetta verkefni er mjög
mikilvægt fyrir starf-
semi Vinnustaðanna og
vinnu fatlaðra, þar sem
markmiðið er að koma
sem flestum fötluðum til
starfa á almennum
vinnumarkaði. Þetta er
mjög lofsvert framtak
hjá þeim slökkviliðs-
mönnum að gefa okkur
tækifæri til að sinna
þessu verkefni. Það er
greinilegt að verkefnið hefur verið
mjög vel kynnt á meðal starfsmanna
slökkviliðsins og hafa starfsmenn
okkar fengið frábærar viðtökur. Megi
Hrólfur og hans fólk hafa bestu
þakkir fyrir mót- tökurnar og það
tækifæri sem okkar fólk fær til at-
vinnu með þessu framtaki. Eg er
sannfærður um að starfsmenn okkar
muni sjá svo til að verkefni þetta
verði Vinnustöðunum og vinnu fatl-
aðra til sóma og til eftirbreytni fyrir
aðra til að prófa slíkt hið sama.
Þorsteinn Jóhannsson
forstöðumaður Vinnustaða ÖBI.
FRÉTTABRÉF ÖRYRKJABANDALAGSINS
35