Bændablaðið - 20.05.2020, Blaðsíða 6

Bændablaðið | Miðvikudagur 20. maí 20206
Þann 14. maí síðastliðinn undirrituðu bændur
og stjórnvöld endurskoðunarsamning
garðyrkjunnar. Hann er viðbót við
samning sem gerður var um starfsumhverfi
garðyrkjunnar árið 2016. Helstu atriði í
nýjum samningi er að viðbótarfjármunum
er bætt við niðurgreiðslur á flutningi á
raforku til lýsingar, aukinn stuðningur er
við útiræktun grænmetis ásamt áherslum
í loftslagsmálum og kolefnisbindingu. Eins
og stendur í markmiðunum þá er stefnt
að allt að 25% aukningu á framleiðslu
garðyrkjuafurða á næstu þremur árum.
Í samningnum eru mikil tækifæri fyrir
ræktendur.
Einnig eru veittir fjármunir til kynbóta
í garðyrkju og vegur þar mest framlag
til stofnútsæðisverkefnis í kartöflum.
Viðbótarfjármunum er bætt inn í þróunarfé
garðyrkjunnar þar sem m.a. er stutt við
ráðgjafarþjónustu, nýsköpunarverkefni
og markaðssetningu. Það er von okkar að
garðyrkjubændur nýti þau tækifæri sem felast
í nýjum samningi til framleiðsluaukningar og
nýsköpunar.
Rammasamningur
landbúnaðarins næstur á dagskrá
Strax í framhaldi undirritunar garðyrkju­
samnings var boðað til fyrsta fundar um endur­
skoðun rammasamnings í landbúnaði. Þar fóru
fulltrúar Bændasamtakanna yfir helstu atriði
sem nauðsynlegt er að taka upp í þeim samn­
ingi. Mikilvægustu atriði í þeim viðræðum
er starfsumhverfi landbúnaðar til lengri tíma
á grundvelli tolla­ og fríverslunarsamninga.
Þar er nauðsynlegt að bændur og stjórnvöld
hafi framtíðarsýn til lengri tíma um stefnu í
málefnum er lúta að tollum og tollvernd.
Horft verður til eflingar akuryrkju við
endurskoðunina en móta þarf stefnu um aukna
framleiðslu á korni, bæði til manneldis og
ekki síður til kjarnfóðurframleiðslu. Inni í
núverandi rammasamningi er kafli sem fjallar
um nýliðun í landbúnaði ásamt skilgreindum
fjármunum til hennar. Nauðsynlegt er að
endurskoða reglugerðina sem snýr að þessu
ákvæði ásamt því að ræða við ríkisvaldið um
það hvernig við tryggjum nýliðun í stéttinni.
Það þarf að gera með frekari úrræðum, hvort
heldur sem er með lánafyrirgreiðslum eða
öðrum hvötum sem gera ungu fólki kleift að
hefja búrekstur. Eins og áður sagði þá lögðu
Bændasamtökin fram á fyrsta fundi þessi
meginatriði. Boðað hefur verið til annars
fundar 26. maí næstkomandi þar sem við
ætlum að leggja fram ákveðnar útfærslur á
áðurtöldum atriðum.
Tollaskilgreiningar á reiki
Bændasamtökin eru í viðræðum við fjár­
málaráðuneytið um skilgreiningu á tollum
á innflutningi á svokölluðum jurtaosti og
hvaða innihald þurfi að vera til staðar á
magni jurtafitu í þeim tegundum sem falla
undir heimildir á núll prósent tolli. Aflað hefur
verið upplýsinga um tollflokkun þessarar vöru
hjá Evrópusambandinu í gegnum sendiskrif­
stofu ESB á Íslandi frá Directorate General
for Taxation and Customs Union (DG TAXD)
í Brussel. Þar kemur fram að tollflokkun hér á
landi er ekki í samræmi við ESB­tollflokkun.
Þetta mál verður að laga og höfum við bændur
væntingar um að ráðuneyti fjármála vinni
þetta hratt og vel.
Ferðaþjónustubændur sitja uppi
með of mikinn fastan kostnað
Annað baráttumál á okkar borði er hvernig við
stöndum vörð um hag ferðaþjónustubænda.
Þeir sitja uppi með mikinn fastakostnað og
nær engar tekjur af eignum sem byggðar
hafa verið upp í tengslum við þeirra rekstur.
Bændasamtökin hafa verið í viðræðum við
Samtök ferðaþjónustunnar og einnig Samband
íslenskra sveitarfélaga en þetta er málefni sem
verður að leysa með framtíðarsýn og úrlausn
sem skilar sér til lengri tíma. Þessi mál verða
ekki leyst á einu rekstrarári.
Enn og aftur skiptir samstaðan máli hvar
sem við stöndum í rekstri. Það er því vel við
hæfi að enda þennan pistil á hvatningarorðum
til bænda um að skrá sig á Bændatorgið vegna
félagsaðildar að Bændasamtökum Íslands.
Bændablaðið kemur út 24 sinnum á ári. Því er dreift ókeypis á yfir 400 stöðum
á landinu og á öll lögbýli landsins.
Lesendur geta einnig gerst áskrifendur að blaðinu og fengið það sent heim í pósti
gegn greiðslu. Árgangurinn kostar þá kr. 11.200 með vsk. (innheimt í tvennu lagi).
Ársáskrift fyrir eldri borgara og öryrkja kostar 7.200 með vsk.
Heimilisfang: Bændablaðið, Bændahöll við Hagatorg, 107 Reykjavík.
Sími: 563 0300 – Fax: 562 3058 – Kt: 631294–2279
Bændablaðið er í eigu Bændasamtaka Íslands. − Málgagn bænda og landsbyggðar −
SKOÐUN
Í heimsfaraldri sem orsakast hefur af
útbreiðslu kórónavírus hefur daglegt líf
fólks um allan heim gengið úr skorðum.
Hefur því þurft að upphugsa nýjar leiðir
til að framkvæma margt af því sem áður
var gert án umhugsunar. Allt þetta hefur
haft margvísleg áhrif á íslenskt þjóðfélag
sem bæði valda skaða en geta líka orðið
til góðs.
Fréttamiðlar hafa ekki farið varhluta
af þessu ástandi og öll höfum við heyrt
af prentmiðlum sem bera sig illa vegna
minnkandi auglýsingatekna. Þetta hefur
víða leitt til samdráttar í útgáfu sem aftur
hefur áhrif á prentiðnaðinn með tilheyrandi
uppsögnum. Eðlilega hafa mörg fyrirtæki
sem hafa þurft að loka sinni starfsemi vegna
COVID­19 gripið til þess ráðs að skrúfa
fyrir allan kostnað eins og kostur er og
lokun á birtingu auglýsinga verður þá gjarn­
an eitt af úrræðunum. Í þessu fári hefur hins
vegar komið í ljós að Bændablaðið nýtur
sérstöðu sinnar á markaðnum. Þar hefur
ekkert lát orðið á útgáfunni. Greinilegt er
að góð dreifing og einstök tryggð lesenda
og auglýsenda við blaðið er að fleyta
þessum miðli í gegnum COVID ólgu­
sjóinn á undraverðan hátt. Fyrir það eru
útgefendur, blaðamenn og annað starfsfólk
Bændablaðsins afar þakklátt.
Bændablaðið hefur haldið uppi útgáfu
í 32 þúsund eintökum allan tímann í
þessum faraldri með góðri dreifingu á
höfuðborgarsvæðinu og um land allt.
Eigi að síður hefur þurft að gera ýmsar
tilhliðranir vegna lokana fyrirtækja og
stofnana. Þar má t.d. nefna sundlaugar,
einkum á höfuðborgarsvæðinu. Við lokun
þeirra vegna COVID­19 var gripið til
þess ráðs að flytja þá mikilvægu dreifingu
Bændablaðsins og bæta við upplag í
matvöruverslunum. Nú þegar búið er að
opna sundlaugarnar á ný fyrir gestum mun
Bændablaðið fylgja tryggum lesendum
sínum eftir og hefja á ný dreifingu á
sundstöðum og íþróttahúsum. Sama má
segja um aðra staði sem dottið hafa út úr
dreifingarkerfinu vegna lokunar og eru
smám saman að opna aftur. Ekki er hægt
að útiloka að einhverjir hnökrar kunni að
verða á meðan þjóðfélagið er að jafna sig,
en við reynum að gera okkar besta.
Það hefur verið afskaplega sérstakt
að fylgjast með hvernig háttarlag fólks
breytist þegar áföll dynja yfir. Það hefur
sannarlega átt við í þessu COVID­19
fári. Við slíkar aðstæður virðist leysast úr
læðingi náungakærleikur sem einhvern
veginn gleymist þegar hjól atvinnulífsins
eru á fullu og allir uppteknir við að taka
þátt í gæðakapphlaupinu á harðahlaupum
á eftir Mammoni.
Íslendingar hafa upplifað alvarleg áföll
nokkrum sinnum á liðnum áratugum og þar
hafa verið mest áberandi áföll vegna snjó­
flóða sem valdið hafa gríðarlegu manntjóni
sem og vegna eldgosa og sjóslysa. Þá hefur
þjóðin staðið saman eins og einn maður og
notið einstakrar góðvildar nágrannaþjóða.
Þar er ein lítil þjóð sem staðið hefur upp úr
og sýnt okkur Íslendingum síendurtekna
vináttu af ótrúlegri rausn og gæsku. Þetta
eru Færeyingar. Þessir einstöku frændur
okkar hafa reynst okkur betur en nokkur
önnur þjóð í veröldinni. Þetta mættum við
Íslendingar hafa í huga þegar hugsað er um
allan þann vanda sem skapast hefur vegna
COVID­19. – Það væri því ekki úr vegi, að
um leið og Íslendingar eru hvattir til ferða­
laga um eigið land í sumar að setja Færeyjar
á blað sem fyrsta kost þegar opnast á ný
fyrir ferðalög út fyrir landsteinana. Þannig
gætum við sýnt þakklæti okkar í verki og
nýtt tækifærið um leið til að kynnast betur
þessum frábæru nágrönnum okkar og þeirra
fallega landi. /HKr.
Nýendurskoðaður samningur garðyrkjubænda
Ritstjóri: Hörður Kristjánsson (ábm.) hk@bondi.is – Sími: 563 0339 − Rekstur og markaðsmál: Tjörvi Bjarnason tjorvi@bondi.is – Blaðamenn: Margrét Þ. Þórsdóttir mth@bondi.is – Sigurður Már Harðarson
smh@bondi.is – Vilmundur Hansen vilmundur@bondi.is – Auglýsingastjóri: Guðrún Hulda Pálsdóttir ghp@bondi.is – Sími: 563 0303 – Netfang auglýsinga: augl@bondi.is − Vefur blaðsins:
www.bbl.is − Netfang blaðsins: (fréttir og annað efni) er bbl@bondi.is
Frágangur fyrir prentun:Ágústa Kristín Bjarnadóttir – Prentun: Landsprent ehf. – Upplag: sjá forsíðu – Dreifing: Landsprent og Íslandspóstur. ISSN 1025-5621
Gunnar Þorgeirsson
formaður Bændasamtaka Íslands
gunnar@bondi.is
Reykhólar eru þekktir fyrir jarðhita svæðisins og hefur hann m.a. verið nýttur til hitaveitu og þurrkunar á þangi. Þar er líka að finna mikið og
fjölskrúðugt lífríki. Jörðin Reykhólar var eitt af höfuðbólum Íslands og mikil hlunnindajörð vegna sjávarfangs og æðavarps. Margar eyjar fylgdu
jörðinni. Þorgils Arason, goðorðsmaður á Vestfjörðum, varð fyrstur að byggja sér bæ á Reykhólum en hann var uppi á 11. öldinni. Reykhólar
koma við sögu í mörgum fornsögunum og er ein þeirra frægustu um Grettir Ásmundsson og er hægt að finna mörg örnefni sem minna á veru
hans á Reykhólum. En hann lét nú ekki vel af vistinni á Reykhólum. Sonur Björns ríka á Skarði, Þorleifur Björnsson hirðstjóri, bjó á Reykhólum
á 15. öld. Það er upp úr 1970 að þorp myndast á Reykhólum. Kirkja hefur lengi verið á Reykhólum og þar hefur verið prestssetur síðan 1941.
Mynd / Hörður Kristjánsson.
ÍSLAND ER LAND ÞITT
Landið lifnar
Frá undirritun endurskoðaðs garðyrkjusamnings á dögunum. Mynd / TB