Bændablaðið - 20.05.2020, Blaðsíða 54

Bændablaðið | Miðvikudagur 20. maí 202054
Á síðasta ári tók Askja við
umboðssölu Honda á Íslandi og
flutti Honda þá á Fossháls eftir
að hafa verið á Vatnagörðum í um
fjörutíu ár. Honda Civic kom fyrst
á markað um 1972 og hefur Civic
verið einn söluhæsti bíll frá Honda
um árabil.
Ég prófaði nýjasta Civic bílinn
fyrir skömmu sem kom mér á óvart
fyrir þægilegheit og öryggi.
Kraftmikill þótt vélin sé
ekki stór og sparneytinn
Bíllinn sem ég prófaði heitir Honda
Civic Elegance og er með 998cc.
VTEC turbo bensínvél sem á að
skila 129 hestöflum, sjálfskiptur
með sex gíra skiptingu og er
með fimm ára ábyrgð. Uppgefin
eyðsla í blönduðum akstri er
6,1 lítri á hundraðið. Ég byrjaði
að keyra bílinn fyrstu 30 km í
innanbæjarakstri og mældist mín
eyðsla þá 10,1 lítri á hundraðið.
Næstu 30 km voru langkeyrsla
og var eyðslan þá ekki nema 4,7
lítrar. Í lokin eftir rúma 100 km
var meðaleyðsla mín ekki nema
8,1 lítri á hundraðið sem ég vil
meina að sé mjög gott miðað við
aksturslag og aðstæður.
Öryggisbúnaðurinn
til fyrirmyndar
Í bílnum er mikið af öryggisbúnaði
eins og í flestum nýjum bílum s.s.
radartengd árekstrarvörn, akreina-
lesari, radartengdur skriðstillir,
umferðarmerkjalesari o.fl. Mér
hefur alltaf verið í nöp við flókinn
tölvubúnað í bílum og óttalegur
klaufi að læra á hvernig á að lesa og
virkja tölvubúnað í mörgum bílum,
en í þessum bíl var þetta tiltölulega
auðlært og auðvelt í notkun.
Flestir akreinalesarar gefa frá
sér hljóð eða að stýrið titrar, en
í Civic er tilfinningin eins og
annað framdekkið sé loftlaust
þegar ekið er óvart yfir miðlínu.
Hraðastillirinn (cruse control)
heldur bilinu í næsta bíl jöfnu.
Sé maður með stillt á 90 og bíllinn
fyrir framan hægir á niður í 70,
þá gerir Civic það líka. Í mörg-
um bílum virkar þessi fjarlægðar-
búnaður ekki á gatnamótum eða
í hringtorgum, en eftir að hafa
tvíprófað þá sá ég hver virknin
var. Bíllinn hjá mér var stilltur
á 70 og elti bílinn á undan mér
í gegnum hringtorg og beygjur
eins og skugginn. Þegar ég keyrði
Mosfellsdalinn kom ég að hópi
hjólreiðamanna sem hjóluðu í
kantinum hlið við hlið, bíllinn
hægði sjálfur á sér og þegar ég
ætlaði að skjótast fram úr þeim
tók bíllinn af mér völdin. Ég var
of nálægt þeim, það var ekki
fyrr en að ég var kominn um tvo
metra frá þeim að bíllinn gaf mér
„leyfi“ (kraft) til að skjótast fram
úr reiðhjólunum.
Alltaf fundist Honda-bílar vera
með betra fótapláss en aðrir
Að keyra bílinn er þægilegt,
hann einfaldlega líður áfram,
krafturinn góður og að keyra hann
á malarvegi er óvenju gott miðað
við sambærilega bíla. Var svo gott
að ég fór í tvígang malarkaflann
við Hafravatn til að fullvissa mig
um ágæti bílsins á möl, en fyrir
vikið var þessi svarti fíni bíll
svolítið mikið rykugur þegar ég
skilaði honum.
Eins og margir nýir bílar
eru útbúnir þá er ljósabúnaður-
inn þannig að ef maður er með
ljósatakkann stilltan á AUTO þá
koma engin afturljós í dagsbirtu.
Í þessum bíl er best að stilla bara
takkann strax á full ljós og hreyfa
hann aldrei aftur, þá er maður
alltaf með rétt ljós í umferðinni.
Farangursrýmið er gott, sæti
ágæt, hliðarspeglar góðir og
útsýni fram fyrir bílinn er gott.
Fótarými hefur mér alltaf fundist
vera til fyrirmyndar í öllum bílum
frá Honda.
Aðeins eitt atriði fann ég að
bílnum, en það vantar varadekkið,
tjakk og felgulykil í bílinn. Ekki
gott fyrir svona ónýta og holótta
vegi eins og við búum við.
Flott verð á góðum fólksbíl
Honda Civic er nú á sértilboði,
verð frá 4.190.000 og fæst með
vél frá 129 hestöflum upp í 182.
Ég var mjög sáttur við bílinn fyrir
utan að mér fannst sárlega vanta í
hann varadekk.
Eftir að ég prófaði bílinn skoð-
aði ég aðeins heimasíðu Öskju um
Honda bíla og er ekki hægt annað
en að hæla framsetningu á vefsíð-
unni um góðar og aðgengilegar
upplýsingar á www.honda.is.
VÉLABÁSINN
Hjörtur L. Jónsson
liklegur@internet.is
Lely Center Ísland
Reykjavík: Krókháls 5f – Sími 414 0000 – www.vbl.is
Akureyri: Óðinsnes 2 – Sími 464 8600
KÚPLINGAR í flestar
gerðir dráttarvéla
Honda Civic. Myndir / HLJ
Þyngd 1.275 kg
Hæð 1.421 mm
Breidd 1.800 mm
Lengd 4.497 mm
Helstu mál og upplýsingar
Akreinalesarinn virkar eins og það
sé sprungið framdekk og maður
hrekkur vel við þegar þetta ljós kem-
ur í mælaborðið.
Mjög sáttur við eyðsluna í lok
prufuaksturs.
Hér tók bíllinn sjálfur af mér völdin og neitaði mér að taka fram úr hjólreiða-
mönnunum þar sem bilið væri of lítið.
Civic er með leiðsögukerfi.
Hávaði inni í bílnum er í hærri
kantinum, en innan marka.
Ljósatakkann er best að stilla svona og hreyfa hann aldrei aftur.
Flottu svörtu felgurnar voru rykugar eftir mölina, en þrátt fyrir lágan prófíl
dekkjanna var bíllinn góður á möl.