Bændablaðið - 20.05.2020, Page 32

Bændablaðið | Miðvikudagur 20. maí 202032
LÍF&STARF
Hótel Breiðavík er kjörinn áningarstaður á leiðinni út á Látrabjarg:
„Vonum bara að við fáum gott veður í sumar“
– segir Keran ST. Ólafsson ferðaþjónustubóndi en hvetur fólk samt til að fara mjög varlega vegna COVID-19 því bakslag megi ekki verða
Hjá Hótel Breiðavík í Vesturbyggð
á norðvesturhorni landsins hafa
hjónin Keran ST. Ólason ferða-
þjónustubóndi og Birna Mjöll
Atladóttir hótelstjóri rekið ferða-
þjónustu síðan 1999. Þau vonast
til að sumarið fram undan verði
gott en hvetja fólk samt til að fara
mjög varlega vegna COVID-19.
Keran og Birna Mjöll keyptu
Breiðavík árið 1999 og ráku þar
myndarlegt sauðfjárbú um árabil
með mest um 1.000 fjár á fóðrum.
Árið 2011 ákváðu þau svo að hætta
fjárbúskapnum og snúa sér alfarið að
ferðaþjónustunni. Breiðavík liggur
mjög vel við fyrir ferðamenn sem
eiga leið á Látrabjarg. Þar er því
kjörinn áningarstaður.
„Hjá okkur hefur verið lokað frá
því í endaðan september ár hvert
og fram yfir mánaðamót apríl-maí.
Þannig að samdráttur vegna COVID-
19 hefur ekki haft nein bein áhrif á
okkar rekstur enn þá. Bókunarstaðan
fyrir maí var ágæt og mun betri en í
fyrra. Það hvarf þó allt saman vegna
faraldursins og við ákváðum þá að
hafa lokað út maí, enda dýrt að halda
hótelinu opnu.“
Útkoman í sumar veltur mikið
á veðrinu
Varðandi væntingar fyrir
komandi sumar segir
Keran að þar þurfi alfarið
að treysta á að Íslendingar
verði duglegir að ferðast um
landið. Við séum öll vön því
að elta sólina og fara þangað
sem veðrið er best hverju
sinni. Það sé mjög ólíkt
ferðamáta útlendinga sem séu
búnir að panta allt fyrirfram
og láti veðrið ekki á sig fá þó
það blási og rigni. Útkoman í
sumar velti því mjög á veðr-
inu en veðrið í fyrrasumar hafi
verið einstaklega gott.
„Vonum bara að við fáum gott
veður í sumar, bæði vegna ferða-
manna og ekki síður vegna geðheilsu
fólks.“
Besta sumarið til þessa var 2016
„Við toppuðum sumarið 2016 með
metfjölda ferðamanna. Síðan hefur
verið jafnt og þétt samdráttur í
seldum gistinóttum. Á móti kemur
aukning í matsölu. Það er bæði
fólk á svæðinu sem hefur verið
duglegt að koma til okkar og fólk
sem er á ferðinni og gistir annars
staðar á svæðinu hefur gjarnan
komið við í Breiðavík að fá sér
að borða. Það segir manni að það
hefur ekki orðið fækkun á ferða-
mönnum inn á svæðið, heldur
eru fleiri möguleikar í boði varð-
andi gistingu en áður var. Maður
sér þetta líka á umferðartölum
frá vegagerðinni að umferðin
á leiðinni út á Látrabjarg er síst
minni en áður.“
Fjölmargir áhugaverðir staðir
Keran segir að ef fólk hafi áhuga á að
koma vestur, þá sé kjörið að kaupa
nýjustu bók Ferðafélags Íslands sem
er uppfull af fróðleik um áhugaverða
staði í gamla Rauðasandshreppi sem
nú tilheyrir Vesturbyggð. Á þessu
svæði má finna mjög fjölbreytta nátt-
úru og hvergi á landinu er að finna jafn
mikið af hvítum sandi og í fjölmörgum
víkum sem þarna er að finna. Þá er
Látrabjarg einstakt á heimsvísu og er
iðandi af bjargfugli, m.a. lunda, sem
sem auðvelt er að komast í návígi við.
Keran segir að auðvelt ætti að
vera að fá gistingu á svæðinu. Þar er
Hótel Breiðavík auk þess sem boðið
er upp á gistingu í Örlygshöfn og í
Hænuvík.
Opna í júní en leggja
áherslu á að fólk fari varlega
vegna COVID-19
„Við erum að skoða stöðuna
varðandi opnun hótelsins í júní.
Ég er nú samt þannig þenkjandi að
við eigum að fara varlega í að létta
á höftum vegna COVID-19 og að
opna landið fyrir ferðamönnum. Við
megum alls ekki fá niðursveiflu í
þetta aftur og skelfilegt ef slíkt
gerðist. Þó ég hafi mína lífsafkomu
af að þjónusta ferðamenn, þá vil ég
samt hafa meira lokað en minna.
Það er betra að allt sé í lagi þegar
þetta er opnað, en enn meira högg ef
sjúkdómurinn fer aftur að grassera.
Það má bara ekki gerast,“ segir
Keran ST. Ólason. /HKr.
Frá Breiðavík. Myndir / HKr.
Keran ST. Ólason, ferðaþjónustubóndi í Breiðavík. Hann bendir þeim sem
hug hafa á að ferðast til Vestfjarða að kaupa nýjustu bók Ferðafélags Íslands.
Birna Mjöll Atladóttir hótelstjóri.
Það er stutt að fara að skoða fuglana
í Látrabjargi fyrir gesti sem koma til
Breiðavíkur.
ÍSLAND ER LAND ÞITT
Ferðamálafélag Hríseyjar:
Vill ókeypis í ferjuna einn mánuð í sumar
Ferðamálafélag Hríseyjar hefur
sent Akureyrarbæ bréf þar sem
fram kemur að rekstraraðilar í
ferðaþjónustu í eynni hafi áhyggj-
ur af komandi sumri.
Hafin er vinna við að búa til
skemmtilegar pakkaferðir til
Hríseyjar með góðum afslætti fyrir
fólk sem kýs að nota ferðaávísun,
sem ríkisstjórnin ætlar að gefa út
í Hrísey.
Til að styðja við átak eyjarskeggja
og renna styrkari stoðum undir
atvinnulífið í eynni fer ferðamála-
félagið þess á leit við Akureyrarbæ
að hann styrki félagið með því að
greiða fargjöld í Hríseyjarferjuna
fyrir alla í einn mánuð í sumar.
„Slík ráðstöfun myndi skila miklu
til eyjarinnar og yrði gott mark-
aðsátak sem hægt væri að ráðast í
vegna aðstæðna í þjóðfélaginu. Við
erum þess fullviss að margir íbúar á
Norðurlandi sem ekki hafa komið í
Hrísey myndu nýta sér þetta tilboð
og einnig aðrir landsmenn,“ segir í
erindi Ferðamálafélagsins. /MÞÞ
Hríseyjarferjan Sævar á leið út í eyju. Mynd / HKr.
Lely Center Ísland
Reykjavík: Krókháls 5f – Sími 414 0000 – www.vbl.is
Akureyri: Óðinsnes 2 – Sími 464 8600
STÝRISENDAR í flestar
gerðir dráttarvéla
Regnsett sem er fóðrað með slitsterku og
endingargóðu Jersey efni. Efnið er teygjanlegt sem
auðveldar hreyngu. Hetta með smellum.
Endurskinsborðar á öxl og hálsi. Buxurnar eru með
teygju í mitti og vasa að framan með ipa.
Stærðir: XS - 3XL.
Efni: 100% pólýúretan með jersey fóðri, 170 g/m².
Litir: Blátt og svart.
Regnsett fyrir útileguna
Verð: kr. 12.390,-
KH Vinnuföt • Nethyl 2a • 110 Reykjavík • Sími: 577 1000 • info@khvinnufot.is • www.khvinnufot.is
Bændablaðið
Auglýsingasíminn er 56-30-300