Bændablaðið - 20.05.2020, Blaðsíða 12

Bændablaðið | Miðvikudagur 20. maí 202012
FRÉTTIR
Lely Center Ísland
Reykjavík: Krókháls 5f – Sími 414 0000 – www.vbl.is
Akureyri: Óðinsnes 2 – Sími 464 8600
DRIFSKÖFT
OG DRIFSKAFTAEFNI
Vetrarsól er umboðsaðili
Sláttuvélar
& sláttuorf
Snjóblásarar
Askalind 4 | Kópavogi | Sími 564 1864 | vetrarsol.is
Gulltryggð gæði
40 ár
á Íslandi
Sláttutraktorar
Verkefnið Risakusa á teikniborðinu í Eyjafjarðarsveit:
Á að minna á mikilvægi mjólkurfram-
leiðslunnar í sveitinni fyrir landið allt
„Þetta er spennandi verkefni sem
á að undirstrika hversu mikil­
væg Eyjafjarðarsveit er fyrir
mjólkur framleiðslu í landinu,“
segir Finnur Yngvi Kristinsson,
sveitarstjóri í Eyjafjarðarsveit,
um verkefni sem manna á milli
nefnist Risakusa.
Til stendur að útbúa heljarinn­
ar stóra kú og koma henni fyrir á
góðum stað í sveitarfélaginu. Með
þeim hætti verður til nýtt kennileiti
í sveitinni og risakusan mun minna
gesti og gangandi á hversu stór hluti
þeirrar mjólkur sem framleidd­
ur er á Íslandi á uppruna sinni í
Eyjafjarðarsveit.
Búið að semja við listamann
Finnur segir að samið hafi verið við
listamanninn og eldsmiðinn Beate
Stormo, sem jafnframt er bóndi í
Kristnesi, um að hanna og smíða
listaverkið sem til framtíðar fær
að njóta sín vel á fallegum stað í
sveitinni.
„Staðsetning og stærð hefur að
svo stöddu ekki verið ákveðin, en
framgangur verkefnisins ræðst af
því hvort styrkir fáist til að vinna
að því,“ segir hann. Ferðamálafélag
Eyjafjarðarsveitar stjórnar verk­
efninu en sveitarfélagið liðkar fyrir
því á ýmsa lund svo sem að veita
aðstoð við að finna góða staðsetn­
ingu og vinna að aðgengis málum
sem henni tengjast.
Minni útgáfur við heimreiðar
Finnur segir að verkefnið sé
líka spennandi að því leyti
að það tengist ýmsum öðrum
verkefnum sem í gangi eru um
þessar mundir eins og Matarstíg
Helga magra, Sveitir Norðurlands
sem og matvælaframleiðslu og
ferðaþjónustu í Eyjafjarðarsveit.
„Á það er stefnt að þeir sem
stunda framleiðslu af einhverju
tagi á búum sínum, hvort heldur
sem hún tengist skepnum eða rækt­
un, geti eflt verkefnið og um leið
ánægju ferðamanna um sveitina
með því að setja minni útgáfur
listaverksins við heimreiðar sínar
en aðlaga það að eigin framleiðslu,“
segir Finnur og nefnir í því sam­
bandi t.d. kálfa, kindur paprikur,
hænur og hvað eina sem verið er
að fást við heima á býlunum.
Smíðað úr gömlu
landbúnaðargóssi
María Pálsdóttir, sem sæti á í stjórn
Ferðamálafélags Eyafjarðar, segist í
mörg ár hafa velt fyrir sér listaverki
sem hefði aðdráttarafl fyrir svæðið.
Félagið hafi komið inn í það dæmi
og nú er búið að semja við Beate um
smíði listaverksins. Sótt hafi verið
um styrki og bíði menn spenntir eftir
svörum.
„Vonandi getum við vígt risalista­
verkið í tengslum við Handverks­
hátíðina á Hrafnagilsskóla 2021,“
segir María
Hugmyndin er að sögn Maríu
að skúlptúrinn verði smíðaður úr
gömlum heyvinnuvélum og öðru
endurnýtanlegu landbúnaðargóssi.
Sveitarfélagið mun leggja til
stað undir skúlptúrinn og útbúa
bílastæði og nestisaðstöðu og ef
til vill salerni.
„Og allir munu vilja berja kus­
una augum og taka mynd af sér
með henni,“ segir hún. „Það er
mikill hugur í ferðaþjónustufólki í
Eyjafjarðarsveit og við hlökkum til
að taka á móti öllum íslensku ferða­
mönnunum í sumar.“ /MÞÞ
Til stendur að hanna og smíða risastóra kú í Eyjafjarðarsveit og koma fyrir á góðum stað. Það er gert til að minna
á hversu sveitarfélagið er mikilvægt þegar kemur að mjólkurframleiðslu hér á landi. Mynd / Karl Frímannsson
Ný og glæsileg slökkviliðsstöð
tekin í gagnið á Blönduósi
Formleg afhending nýrrar
slökkvistöðvar á Blönduósi fór
fram föstudaginn 8. maí. Bruna­
varnir Austur­Hún vetninga
(BAH), sem er byggðar samlag
Blönduósbæjar og Húna vatns­
hrepps um brunavarnir í sveitar­
félögunum, festi kaup á hús næðinu
sem stendur stakt að Efstubraut 2
en þar var áður lager fyrirtækisins
Léttitækni. Húsnæðið var byggt
2007 og er 486 fm.
„Bætt aðstaða slökkviliða, bæði
til viðbragða, þjálfunar og fræðslu
er fyrsta skrefið í þá átt að stór­
bæta brunavarnir. Slökkviliðið
hefur búið við þröngan kost á
núverandi slökkvistöð liðsins að
Norðurlandsvegi 2 en það húsnæði
var byggt 1975 og einungis 223
fm. Má því segja að langþráð og
þörf uppbygging aðstöðu liðsins
sé í augsýn. Slökkviliðið hefur ekki
haft nægt rými eða aðstöðu sem
skyldi til að sinna þjálfun og þeim
fjölbreyttu verkefnum sem liðið
þarf að sinna. Leigja hefur þurft
aukahúsnæði síðastliðin ár fyrir
tankbíl liðsins vegna plássleysis
en það er mjög slæmt gagnvart
viðbragðstíma liðsins í útköllum,“
segir Ingvar Sigurðsson slökkvi­
liðsstjóri.
Í nýju húsnæði verður hægt
að hafa allar bifreiðar og búnað
liðsins undir sama þaki, ásamt því
að útbúa kennsluaðstöðu, bún­
ingsklefa, sauna afeitrunarklefa,
þvottaaðstöðu, skrifstofur, stjórn­
stöð og ýmis aðstöðurými. Í til­
efni af afhendingunni kom hluti
slökkviliðsmanna BAH saman og
skoðaði húsnæðið með tveggja
metra regluna í heiðri. Í ljósi
aðstæðna er ekki hægt að boða til
viðburðar svo íbúar geti skoðað
húsnæðið að svo stöddu en tæki­
færi gefst vonandi þegar fram líða
stundir og breytingum húsnæðinu
jafnvel lokið. /MHH
Mikil ánægja er hjá slökkviliðsmönnum BAH með nýja húsið og alla aðstöðu í húsinu, sem verður eins og best
verður á kosið þegar öllum framkvæmdum er lokið. Myndir / BAH
Ingvar slökkviliðsstjóri tekur hér
við lyklunum að nýja húsnæðinu af
Jakobi Jónssyni, framkvæmdastjóra
og eiganda Létttæknis, sem seldi
slökkviliðinu húsnæðið.
Grýtubakkahreppur:
Jákvæð viðbrögð við
Viðspyrnusjóði
„Viðbrögðin eru mjög jákvæð
og þegar hafa borist nokkrar
umsóknir en ég á von á fleirum,“
segir Þröstur Friðfinnsson, sveit­
arstjóri í Grýtubakkahreppi.
Viðspyrnusjóður sveitarfélagsins
í samstarfi við Sænes ehf. var
stofnaður til að aðstoða ferða­
þjónustufyrirtæki í hreppnum
vegna þess ástands sem skapaðist
af völdum Covid­faraldursins.
Sveitarstjórn Grýtubakkahrepps
hefur á umliðnum vikum rætt ítrekað
um stöðuna og mögulegar leiðir til
að aðstoða ferðaþjónustufyrirtæki í
hreppnum í þeirri von að þau kom­
ist heilu og höldnu í gegnum niður­
sveifluna. Afrakstur þeirrar umræðu
er stofnun viðspyrnusjóðs í samstarfi
við Sænes ehf. Viðspyrnusjóðurinn
hefur að sögn Þrastar tvíþætt hlut­
verk, að styðja við ferðaþjónustu­
fyrirtæki með beinum hætti og síðan
að kynna sveitarfélagið þegar farald­
ur er að baki, bæði sem spennandi
ferðamannastað og sem góðan
búsetu kost.
Betri staða en mörg
önnur sveitarfélög búa við
Þröstur segir að Grýtubakkahreppur
sé að mörgu leyti í betri stöðu en sum
önnur sveitarfélög landsins. Lítið
sem ekkert atvinnuleysi er í sveitar­
félaginu og önnur hjól atvinnulífsins
en ferðaþjónustan snúast þokkalega.
Þannig gerðu tveir bátar út á grá­
sleppu og gengur ljómandi vel, hvor
um sig fékk um 70 tonn.
Þröstur segir að ferðaþjónustu­
aðilar í Grýtubakka hreppi fylli vart
tuginn og flest fyrirtækjanna séu
lítil. Hjá þeim sé allt stopp eins og
annars staðar og mikið um afbók­
anir.
Hann segir vinnu sveitarstjórn­
ar miða að því að samfélagið allt,
fólk og fyrirtæki komi sem sterk­
ast í gegnum afleiðingar heims­
faraldursins og að það muni eflast
fremur en hitt. „Sveitarstjórn mun
áfram ræða stöðuna og fram undan
eru vonandi skemmtilegri tímar þar
sem daglegt líf færist smátt og smátt
í fyrra horf,“ segir hann. /MÞÞ
2,2%
5,2%
9,1%
5,8%
19,0%
21,9%
41,9%
0,0%
5,0%
10,0%
15,0%
20,0%
25,0%
30,0%
35,0%
40,0%
45,0%
Mannlíf Viðskiptablaðið DV Stundin Morgunblaðið Fréttablaðið Bændablaðið
Prentmiðlar - meðallestur á landsbyggðinni