Bændablaðið - 20.05.2020, Blaðsíða 34

Bændablaðið | Miðvikudagur 20. maí 202034
Hótel Lækur hefur misst viðskiptavini sína og sækir nú á mið Íslendinga:
Eru með margar perlur Suðurlands innan seilingar
Ferðaþjónustubændur á Íslandi
eru nú sem óðast að undirbúa þá
einstöku tíma sem fram undan
eru í ferðaþjónustunni. Flestir
þurfa að breyta algjörlega um
kúrs og ná í viðskiptavini meðal
landa sinna í sumar. Hótel Lækur
á Rangárvöllum, rétt ofan við
Gunnarsholt, hefur frá stofnun árið
2011 sótt viðskiptavini sína að nánast
öllu leyti út fyrir landsteinana, en
til að halda sjó í sumar á tímum
kórónuveirufaraldurs er lagt á
ráðin með markaðssetningu á
svæðinu fyrir Íslendinga. Margar
af einstökum náttúruperlum
landsins eru innan seilingar frá
Hróarslæk, sem hótelið kennir sig
við.
„Ég var sjálfur í námi, var að vinna
sem bókari og í ýmsu öðru áður, en svo
fyrir rúmum tveimur árum síðan þá
ákveðum við Sif, kona mín, að flytja
í sveitina og koma inn í reksturinn,“
segir Sturla Norðdahl. „Núna sjáum
við að mestu um daglegan rekstur á
hótelinu.“
Hefðbundnum bóndabæ
breytt í hótel
Hótelið hefur byggst upp í nokkrum
áföngum, en áður var þar hefðbundinn
bóndabær og blandaður búskapur.
„Foreldra mína, þau Gunnar
Norðdahl og Emilíu Sturludóttur,
langaði til að flytja í sveitina en þau
áttu sumarbústað hér í nágrenninu
og þekktu til staðarins. Þau voru í
verslunarrekstri í borginni og langaði
til að söðla um,“ segir Sturla um
forsögu þess að fjölskyldan sest að
þarna á bökkum Hróarslækjar.
„Pabbi ólst upp í sveit og mamma
er mikil hestakona, þannig að þetta
var ekkert óeðlileg ákvörðun hjá
þeim, að taka sig upp úr borginni,“
bætir hann við.
Fyrst var tekið til við að breyta
bæjarhúsinu og útihúsi í það sem
núna er aðalbygging hótelsins. Það
var árið 2011. Í upphafi átti þetta bara
að vera lítið gistiheimili með fáein
herbergi, en síðan uxu hugmyndirnar
á framkvæmdastigunum. Síðar komu
svo gulu gistihúsin. „Já, herbergjunum
fjölgaði jafnt og þétt og nú eru
herbergin 21 og gulu húsin fjögur að
auki. Þá bættist veitingastaður líka
við á leiðinni. Við erum með svolítinn
hobbí-búskap með kindur og hesta
og notum lambakjötið okkar fyrir
veitingastaðinn.
Hér eru 24 ær sem gefa okkur um
40 lömb á ári. Við höfum ekki lagt
í að bjóða upp á hrossakjöt enn þá,
enda er fólk frá ákveðnum löndum
mjög viðkvæmt fyrir hrossakjötsáti
og því betra að fara varlega í
þeim efnum. Þetta eru mikilvægir
viðskiptavinahópar.
Við leggjum mikið upp úr því að
fá hráefni úr nágrenninu, notum mikið
lax og silung til dæmis líka, auk okkar
eigin afurða.“
Heppileg tímasetning
að opna hótel
„Já, það má segja að það gat ekki
verið heppilegri tími – það þurfti
bara að opna dyrnar og ferðamennirnir
streymdu inn,“ segir Sturla um
tímasetningu foreldra hans á því
að opna hótel á stað þar sem háttar
til eins og við Hróarslæk. „Þau
voru eitthvað að vandræðast með
markaðssetninguna á hótelinu –
hvað ætti að leggja áherslu á – en
það reyndust óþarfa áhyggjur og þetta
hefur nánast selt sig sjálft. Við höfum
frá upphafi verið nánast eingöngu með
erlenda ferðamenn – kannski nálægt
99 prósentum,“ segir hann.
Reksturinn á Hótel Læk hefur
gengið vel síðustu ár sem þau þakka
ekki síst góðum umsögnum og eink-
unnum á ýmsum ferðaþjónustuvefjum.
Til dæmis eru þau með 9,6 í einkunn
á hotels.com og eru afar vel metin
á Tripadvisor meðal sambærilegra
sveitahótela.
Skipulagðar ferðir
Auk þess að vera með hótelreksturinn
er boðið upp á skipulagðar ferðir út frá
Hróarslæk. „Já, við erum í samvinnu
við leiðsögumenn og ferðaskrifstofur
– og bjóðum upp á ferðir héðan í
samvinnu við þá aðila. Hóparnir eru
frekar litlir, þannig séð, og ferðirnar
eru mest jöklaferðir, snjósleðar,
ofurjeppar og hellar. Við leggjum
talsvert upp úr norðurljósaferðum fyrir
ákveðna hópa, enda hentar þetta svæði
vel til að skoða þau með víðernin hér
og fjarri ljósmenguninni. Svo myndar
fjallgarðurinn fallega umfjörð, en það
er kostur að vera ekki alveg ofan í
þeim.“
„Í byrjun maí setti Sturla tilboð á
gistingu á Hótel Læk inn á Facebook-
síðu hótelsins, í því markmiði
að kynna Íslendingum fyrir
þessum ferðaþjónustumöguleika á
Suðurlandi. „Já, það liggur fyrir að
Kerrur og gjafabúnaður HATTAT T4100 með 113 hestafla Perkins mótor.Vendigír við stýri, vökvadrifin kúpling
Verð frá: 5.850.000 + vsk
VALLARBRAUT.IS
Trönuhrauni 5
S-8411200 & 8417300
ÞETTA ER LÍKA DRÁTTARVÉL !!!!!!!
ERUM MEÐ 16 TONNA
KANE HARDOX
MALARVAGNA
OG 30 FETA
RÚLLUVAGNA Á
LEIÐINNI TIL LANDSINS
ÞETTA ER HATTAT DRÁTTARVÉL
CORVUS er fjórhjóladrifin dráttarvél með YANMAR dísilvél
HST skiftingu, sturtanlegum palli og vönduðu húsi með miðstöð.
Verð frá: 3.284.000 + vsk
ÍSLAND ER LAND ÞITT
Náttúruperlur í næsta nágrenni
Hótel Lækur er á Rangárvöllum í Rangárþingi Ytra og vel í
sveit sett fyrir Íslendinga sem vilja kynnast áhugaverðum
stöðum á Suðurlandinu; hvort heldur í sögulegu samhengi
eða vegna náttúrufegurðar.
Að sögn Sturlu hafa erlendir
gestir hótelsins mest sótt í eft-
irfarandi ferðir út frá hótelinu:
• Gullni hringurinn
• Suðurstrandavegur
• Landmannalaugar
• Þórsmörk
• Vestmannaeyjar
• Þjórsárdalur
• Fjallabaksleið syðri
Annað sem gæti vakið áhuga
Íslendinga:
• Njáluslóðir
og sögusetrið á Hvolsvelli
• Seljalandsfoss
• Skógafoss
og Skógasafn
• Seljavallalaug
• Hekla
• Keldur
Sturla Norðdahl og Sif Ólafsdóttir í hlaðinu á Hótel Læk.
Sauðburður á Hróarslæk, hér er horft yfir sveitahótelið og Hekla er í baksýn.
Hótel Lækur á Rangárvöllum. Mynd / Úr einkasafni
Á Keldum er einstök torfhúsaheild, í um sex kílómetra fjarlægð frá Hróarslæk.