Íþróttablaðið - 01.04.1994, Síða 44

þeir sér, verða kærulausir og hafa ef
til vill ekki sett markmiðið nógu hátt í
upphafi. Trúa því ekki að þeir geti
unnið. Þegar þeir fara síðan yfir strik-
ið, að þeirra mati, eins og að fá
skolla, vakna þeir og halda áfram að
vinna rétt. Öðlast aftur trú á sjálfa sig
því að það hefur gert þá góða.
Við getum því sagt að án trúar á
eigin getu og góðrar sjálfsímyndar
nær enginn langt á íþróttasviðinu.
Líkaminn hlýðir í einu og öllu þeim
boðum sem berast frá huganum,
hvort sem kylfingnum er sjálfrátt eða
ekki. Með hugrænni þjálfun er kylf-
ingurinn að tryggja að eingöngu ber-
ist til líkamans hnitmiðuð og upp-
byggileg boð frá huganum. Því er
mikilvægt að sjálfstraustið sé gott.
Þetta skýrir hvers vegnaokkurgengur
oft svona vel fyrst á vorin. Við leikum
vel fyrstu hringina á sumrin. Þegar
við förum síðan að æfa hækkar skor-
ið og lækkar ekki aftur fyrr en eftir
nokkrar vikur.
Það er vegna þess að við höfum
eytt öllum vetrinum í hugræna þjálf-
un. Horfum á myndbönd af gömlum
mótum, lesum golfblöð, ímyndum
okkur nokkrar holur og högg frá síð-
astliðnu sumri o.s.frv. Síðan, þegar
við getum loksins farið að leika golf,
þá hættum við að ímynda okkur hlut-
ina og látum nægja að sveifla kylf-
unni.
Þegar við æfum hugræna þjálfun
búum við til í huganum þá fyrirmynd
sem við viljum stefna að. Hver hefur
ekki tekið eftir góðum kylfingi þegar
hann gengur fyrir aftan kúluna,
stöðvar þar smástund, gengur síðan
að kúlunni og leikur henni. Til hvers
er hann að þessu? Hvað er hann að
gera?
Þegar kylfingur gengur fyrir aftan
kúlu sína er kúlan oftast á milli hans
og flaggstangarinnar. Hann stöðvar
þar stutta stund og hugsar út næsta
högg. Þá er hann einnig um leið að
gefa líkamanum fyrirmæli um
hvernig hann vilji að höggið verði.
Nick Faldo hefur örugglega stundað hugræna þjálfun um margra ára skeið
því hann er einn fremsti kylfingur heims.
Þetta er fullkomin æfingasveifla.
Alveg eins og hann vill að hún verði.
Það versta, sem kylfingur gerir, er
að ganga beint að kúlu sinni og leika
henni án þess í raun að vita hvað
hann vill nákvæmlega. Eftir höggið er
hann kannski óánægður því kúlan fór
ekki á réttan stað. Því er nauðsynlegt
að vera búinn að hugsa höggið vel út
og vita hvað við viljum áður en við
sláum.
Jack Nicklaus fullyrðir að hans
góða árangur megi þakka einbeiting-
i ar- og úthugsunaræfingum. Mikil-
| vægt er að geta dregið athyglina frá
umhverfinu til þess að komast í gott
einbeitingarástand. Þegar kylfingum
hefur tekist það eiga þeir að setja
höggið á svið í huganum, alveg frá
því að þeir ganga að kúlunni og þar
til hún stöðvast á réttum stað.
Við getum nýtt okkur þessa þekk-
ingu bæði við æfingar og í keppni.
Þegar kylfingnum gengur vel er
mjög gott ef hann leitast við að muna
eftir atvikinu, hvernig honum leið og
hvernig hann bar sig að. Ef hann er að
leika á sínum heimavelli þá getur
hann hugsað sér holuna þegar hon-
um gekk mjög vel á henni.