Íþróttablaðið - 01.04.1994, Qupperneq 45

Þess vegna eiga kylfingar sínar eft-
irlætisholur og sínar slæmu holur.
Þegar kylfingurinn stendur á teignum
og lítur yfir holuna rifjast upp fyrir
honum minningar um holuna. Ef þær
eru góðar er líklegt að hann leiki
hana vel því á teignum rifjar hann
upp góðu höggin sem hann hefur
slegið á holunni. Honum líður vel og
hugur hans er fullur af góðum minn-
ingum. Hann treystir sjálfum sér og
trúir því að hann geti leikið holuna
vel því hann hefur leikið hana vel
áður.
En dæmið snýst líka við ef hann á
slæmar minningar um holuna. Hann
byrjar á teignum, hræddur ög óör-
uggur, og telur sér trú um að hann
muni leika hana illa og leikur hana
sennilega illa því sjálfsöryggið og
hugarfarið er ekki rétt í byrjun, Hann
rifjar upp atvik f huganum frá fyrri
reynslu. Það getur einnig verið skýr-
ingin á því hvers vegna kylfingar eiga
sínaeftirlætisvelli. Þeirfara með réttu
hugarfari út á völl því þeir eru fullir
sjálfstrausts um að þeim gangi vel.
Góð æfing til að nota á æfinga-
brautinni er að slá nokkrar kúlur með
lokuð augun þannig að kylfingurinn
fái tilfinningu fyrir hvernig eigi að slá
rétt, þ.e.a.s. vera afslappaður og
hvernig það eigi að sveifla kylfunni.
Hann þarf þá heldur ekki að hafa
áhyggjur af því hvert kúlan fer því
hún skiptir ekki máli. Þetta er góð
tilbreyting sem getur hjálpað mikið.
Mikilvægt er að líta á golfleikinn
sem íþrótt sem á að hafa gaman af.
Ef kylfingnum gengur illa, þetta er
greinilega ekki dagurinn hans, er um
að gera að njóta þess að vera í golfi.
Þetta er góð útivera þar sem kylfing-
urinn færgóða hreyfingu. Hann er úti
í náttúrunni með vinum/kunningjum
sínum. Þá á hann að reyna að gleyma
leiknum (hvað hann leikur illa) og
njóta útiverunnar og félagsskaparins.
Þeir, sem hafa rannsakað áhrif
hugrænnar þjálfunar á íþróttamenn,
álykta margir að persónuleiki íþrótta-
manna sé tvíklofinn, annars vegar í
ytra sjálf, sem er með sffelldar tilskip-
anirog aðfinnslur Ifktog kennari sem
tekur vinnuna með sér heim og hættir
aldrei að leiðbeina, og hins vegar
innra sjálf sem vinnur verkið.
Þeir hafa komist að því að íþrótta-
menn ná sínum besta árangri þegar
þeir gefa ytra sjálfinu frí.
íþróttasálfræðingar álykta að
þegar kylfingurinn leikur sitt besta
golf sé eins og hann viti ekki
sér. Hann þarf ekkert að hafa
fyrir hringnum. Hann hugsar
þá ekki um hvernig hann eigi
að leika heldur er líkt og leikið
sé í gegnum hann. Hver hefur
ekki upplifað þessa tilfinningu?
Það er eins og þú þurfir ekkert að
hafa fyrir því að sveifla kylfunni og
kúlan fer þangað sem þú vilt að hún
fari. Samt ertu ekki viss, hvað þú
gerðir öðruvísi núna en í gær þegar
þú lékst illa. Eftil vill er þetta skýring-
in.
Lykiliinn virðist því vera að koma í
veg fyrir að afskiptasemi ytra sjálfs-
ins setji innra sjálfið úr jafnvægi.
Kylfingurinn verður því að leitast
við að halda ytra sjálfinu í skefjum.
Það er hægt að beita vissum tækni-
brögðum til að auðvelda íþrótta-
manninum að ná stjórn á hugar-
ástandi sínu. íþróttamaðurinn getur
einbeitt sér að andardrættinum og að
því að telja andartökin. Einnig er það
talin góð leið að syngja meðan á leik
stendur. Söngurinn virðist slá ytra
sjálfið út af laginu en ekki trufla innra
sjálfið.
Það sem skiptir máli í golfi, fyrir þá
sem vilja ná góðum árangri, er rétt
hugarfar.
Þessi brögð, til þess að þagga niður
í ytra sjálfinu, geta verið svolítið trufl-
andi en þau henta vel til að venja sig
af þeim ávana að reyna að hafa vit
fyriroggrípafram í fyrir eðlislægri og
áreynslulausri hæfni innra sjálfsinstil
að stjórna líkamanum.
Sá sigrar sem hefur bestu einbeit-
inguna hverju sinni en ekki besti
kylfingurinn.
Oft hefur verið sagt að keppni byrji
ekki fyrr en á 15. holu.
Hvað er átt við með því? Eftir því
sem nær dregur sfðustu holu þá verð-
urhverthöggmikilvægara. Ekkertmá
fara úrskeiðis því kylfingurinn á ekki
margar holur til að bæta fyrir mistök-
in. Því verður kylfingurinn að vera í
góðu jafnvægi, bæði líkamlega og
andlega, til að eiga möguleika á að
gera sitt besta á síðustu holunum.
Þegar kylfingur leikur vel og á eftir
nokkrar holur freistast hann oft til að
hugsa sér skorið eftir 18 holur. Hann
hugsar: Ég get lækkað mig í forgjöf
því ég leik svo vel núna o.s.frv.
Kylfingurinn vill þá oftbreytasinni
venju og fara að haga sér öðruvísi en
venjulega. Tekur járn á 15. teig í stað-
inn fyrir trékylfu eins og hann er van-
ur o.s.frv. Hann fer að leika völlinn
öðruvísi en hann var búinn að hugsa
sér í upphafi.
Því er áríðandi að vera búinn að
setja sér raunsætt markmið um skor á
vellinum þegar kylfingurinn leikur
samkvæmt eðlilegri getu. Það er
hættulegt að reyna leika of vel og
sætta sig ekki við skor sem er í raun í
lagi. Það er einnig hættulegt að
breyta venju sinni, einungis vegna
þess að þaðeru nokkrar holureftirog
kylfingurinn er á góðu skori.
Það gæti leitt til þess að kylfingur-
inn truflast og eyðileggur það hugar-
ástand og þá einbeitingu sem hann
var búin að koma sér í. Kylfingurinn á
að reyna leika eðlilega og eins og
hann er vanur.
Jón Karlsson er íþróttakennari að
mennt og golfkennari hjá Golfklúbbi
Oddfellowa.
45