Íþróttablaðið - 01.04.1994, Blaðsíða 48
séu dálítið smeykar við þig á vellin-
um?
„Nei, mér finnst það ekki en hins
vegar held ég að það sé ekki bara
strákunum sem finnist það sérstakt að
hafa kvenmann í dómarahlutverk-
inu, heldur líka stelpunum. Maður
spilaði náttúrlega á móti þeim sum-
um. Það gæti kannski átt þátt í því.
Það getur verið að af því að maður er
að ryðja brautina þá sé maður
ákveðnari en maður þyrfti í raun að
vera. Mér finnst hins vegar miklu
betra að dæma hjá stelpunum, þær
eru kurteisari. Það koma karlrembur
inn á milli í karlaliðunum en maður
lætur það sem vind um eyru þjóta.
Þeir mega vera í sínum karlrembu-
heimi."
— Hvaðkemurþútilmeðaðhafa
fyrir stafni í Þýskalandi, auk dóm-
gæslunnar?
„Ég kem fyrst til með að rifja upp
þýskuna og geri sfðan ráð fyrir að fara
í framhaldsnám í lögfræði."
- PS
TRAPPATONIBESTUR
LOTHAR MATTHÁUS, fyrirliði þýska
landsliðsins, hefur fengið nýtt hlutverk með
landsliðinu. Hann er farinn að leika sem „lib-
ero“ (aftasti maður í vörn) og líkar það vel.
Núna segist hana spila meira með augunum
en áður. Mattháus, sem er 174 sm og 71 kg,
var spurður að því í franska tímaritinu Onze
hver væri besti þjálfari sem hann hefur haft.
Kappinn svaraði án þess að hika: „Trappa-
toni hjá Inter. Hann á tvo maka — konuna og
fótboltann. Trappatoni er ótrúlega sterkur
persónuleiki og stóð ávallt dyggilega við
bakið á mér. Þegar ég kom til Inter afhenti
hann mér strax treyju númer 10. Ég sagðist
ekki eiga rétt á treyjunni þar sem ég væri
útlendingur og að auki nýr í liðinu. Trappa-
toni gerði mér það strax ljóst að þótt ég væri
hvorki Platini né Maradona ætti ég að gegna
lykilhlutverki í liði Inter. Hann lét mig strax
axla mikla ábyrgð.“
Þegar Mattháus var spurður að því hvaða
lið hann teldi líklegt, auk Þjóðverja, til þess
að verða heimsmeistari svaraði hann:
Lothar Mattháus.
„Brasilía hefur feiknasterku liði á að skipa
og líka Ítalía, Argentína og Spánn.“
Samningi Mattháus við Bayern líkur í júlí
þetta ár og sagði hann að hann hefði þegar
fengið tilboð frá Japan og Sviss en hann væri
ekki búinn að gera upp við sig hvar hann
Með því að sippa reglulega er hægt
að komast í góða æfingu.
SIPPUBANDIÐ
LEYNIRÁSÉR
DAN O’BRIAN, heimsmeistari í tugþraut í
fyrra, er einn fjölmargra íþróttamanna sem
hafa áttað sig á því hversu góð alhliða æfing
felst í því að sippa. Sumir tengja sippuband
einvörðungu við litlar stelpur úti í porti en
einhver ástæða hlýtur að vera fyrir því að
sippuband hefur verið eitt helsta æfingatæki
boxara frá upphafi íþróttarinnar. Er ekki
kominn tími til að fleiri átti sig á notagildinu
því kostirnir eru ótvíræðir. Sippuband er
ódýrt og það er hægt að sippa næstum alls
staðar.
Til þess að velja lengd á sippubandi, sem
hentar viðkomandi, á að standa á öðrum
fæti á miðju bandinu og eiga höldurnar þá
að ná uppundir báða handakrikana. Æski-
legt er að vera í skóm með þykkum botni og
forðast ber að sippa á hörðu undirlagi. Notið
úlnliði til að sveifla bandinu en ekki hand-
leggina.
Eins og áður sagði felst alhliða æfing í því
að sippa og þeir, sem sippa hratt, brenna
fleiri kaloríum en skíðagöngumenn og hjól-
reiðamenn sem yfirleitt eru taldir erfiða
mest allra íþróttamanna. Vissulega er erfitt
að sippa og óvanir geta ekki sippað nema í
örfáar mínútur í einu en menn finna mun á
sér daglega og þegar þeir geta orðið sippað í
nokkrar mínútur er æskilegt, til þess að
auka fjölhæfnina, að sippa á öðrum fæti
annað slagið, hoppa fram og aftur og til
hliðar. Vanur sippari nær um 130 snúning-
um á mínútu og þeir, sem geta það, hafa náð
góðum tökum á íþróttinni.
Heimsmetið í að sippa er 2.411 snúninga í
einni lotu og er ekki ráðlagt að reyna að slá
það fyrstu vikurnar en viljirðu komast í gott
líkamlegt form fyrir lítinn pening, ná af þér
aukakílóunum og stæla vöðvana, skaltu fjár-
festa í sippubandi.
VINALEGAR KVEÐJUR
NORÐURLANDAÞJÓÐIRNAR hafa verið
iðnar við að senda giósur sín á milli í gegn-
um tíðina og var því síður en svo hætt þótt
Ólympíuleikarnir stæðu yfir í febrúar. Eftir
að Norðmaðurinn Thomas Alsgaard sigraði
í 30 km skíðagöngu og tryggði heimamönn-
um þeirra önnur gullverðlaun og fimmtu
verðlaunin samanlagt mátti lesa eftirfarandi
fyrirsögn í norska Dagblaðinu: „Norðmenn
hafa forystu en Svíar eru á sama stigi og
keppendur frá Fiji!“
HEYRST HEFUR
• ... að ARSENE WENGER, þjálf-
ari franska meistaraliðsins Món-
akó til margra ára, verði næsti
landsliðsþjálfari Frakka í knatt-
spyrnu. Wenger, sem lék sjálfur
aldrei með toppliðum, er virtur
þjálfari og vilja margir að hann
hreppi hnossið.
• ... að HELGI GUÐFINNSSON,
einn efnilegasti körfuboltamaður
landsins, sem er við nám í Banda-
ríkjunum, komi hugsanlega heim
næsta haust og byrji að leika að
nýju með Grindavík.
48