Íþróttablaðið - 01.04.1994, Blaðsíða 28

Ólafur Guðvarðarson í Snerpu.
SNERPA — sportvörur, heitir
íþróttavöruverslun sem opnaði á
Klapparstígfyrirnokkrum mánuðum.
Verslunin selur nánast eingöngu
körfuboltavörur en eigandi hennar,
Ólafur Guðvarðarson, er með CON-
VERSE umboðið. Ólafur á margra ára
reynslu að baki í verslun með íþrótta-
vörur en hann segir að Converse sé
einn stærsti framleiðandinn í körfu-
boltaskóm í heiminum.
í SNERPU verða fótboltaskór og
SNERPA
hlaupaskór einnig fáanlegir og lík-
lega vörur frá öðrum íþróttavöru-
framleiðendum. Nýir Converse
hlaupaskór koma á markaðinn næsta
haust auk þess sem stöðugt er verið
að þróa fullkomnari körfuboltaskó.
Þess má að lokum geta að Larry John-
son og Kevin Johnson, sem leika í
NBA deildinni, eru báðir á samningi
hjá Converse en þekktustu körfu-
boltamennirnir sem hafa leikið í
Converse eru líklega Magic Johnson,
Larry Bird og Doctor J.
FER GM PIG FIÐRINGCIR
Þegar þú sérð aðra leggja afstað með skíðin
sín og tilhlökkunarglampa í augum?
NÁÐG TÖKQMÁSKÍÐA-
ÍÞRÓTTINNI í SGMAR
Skíðaskólinn í Kerlingarljöllum er
í sumar starfræktur frá 22. júní til
24. ágúst.
Fyrst eru þrjú 4 daga unglinga-
námskeið sem hefjast 22. júní,
25. júní og 28. júní. Fjórða
unglinganámskeiðið verður um
miðjan ágúst.
Sérstakar fjölskylduferðir verða
3.-8.júlíog 1.-5. ágúst. Börn á
aldrinum 4-7 ára fá þá fría
kennslu. Auðvitað getur svo
fjölskyldufólk jafnt sem aðrir
komið á almennu námskeiðin
sem hefjast á sunnudögum og
flesta miðvikudaga, að
ógleymdum skíðahelgunum frá
föstudögum til sunnudags, en sú
fyrsta hefst 1. júlí. Ekki má
gleyma snjóbrettanámskeiðinu 17.-21. ágúst en líka verður
kennt meðferð snjóbretta á unglinganámskeiðunum.
Frá og með 1. júlí verður Norðurleið hf. með daglegar ferðir
norður og suður um Kjöl með viðkomu í Kerlingarfjöllum, svo
að hægt er að skella sér í fjöllin hvenær sem er!
iiámskeiðsgjöldin hafa ekkert hækkað frá þvíí fyrra — jafnvel
lækkað!
Allar nánari upplýsingar um skólann er að finna í
kynningarbæklingi sem fæst hjá Ferðaskrifstofu íslands, sími
623300 og umboðsmönnum
víða um land.
SKÍÐASKÓUNN
í KERLINGARFJÖLLUM
ISLANDS
vlíb
SKÍÐADROTTNINGIN
ítalska skíðadrottningin MANUELA DI CENTA vann til fimm
verðlauna á Ólympíuleikunum í Lillehammer og sló öllum öðr-
um við.
Að kvöldi dags, þegar MANUELA DI CENTA hafði unnið til
fimmtu gullverðlauna sinna í Lillehammer, frétti hún að ítalskt
tímarit hefði birt myndir af henni topplausri á forsíðunni. Henni
þótti það sárt því myndirnar höfðu verið teknar þegar hún var í
sólbaði ásamt fjölskyldu sinni á Ítalíu. Tímaritið gróf upp mynd-
irnar í kjölfar þeirrar athygli sem hún fékk á Ólympíuleikunum.
Di Centa, sem er 31 árs, hefur þurft að berjast fyrir tilverurétti
sínum hjá ítalska skíðasambandinu. Eftir að hafa keppt fyrir þjóð
sína í fjögur ár hætti hún í landsliðinu árið 1984 og sagðist ekki
nenna að keppa fyrir þjóð sem sýndi kvenfólki í íþróttum enga
athygli. Hún fékk slælega þjálfun og sagðist ekki nenna að
standa í þessari vitleysu. Þremur árum síðar var skipt um for-
ystu skíðasambandsins og Di Centa tók fram skíðin að nýju. Þá
var Stefania Belmondo orðin stjarna á Ítalíu og Di Centa þurfti að
vinna sig upp að nýju. Á leikunum í Albertville fyrir tveimur
árum vann Belmondo til þrennra verðlauna en Di Centa fór
tómhent heim. Þar leitaði hún sér læknishjálpar og lagðist inn á
spítala því hún sagðist hafa verið gjörsamlega kraftlaus á Ól-
ympíuleikunum. Hún hugsaði fyrst og fremst um að lifa veikind-
in af en læknarnir gáfu henni lyf sem hún þarf að taka daglega til
þess að geta lifað eðlilegu lífi það sem eftir er ævinnar.
Eftir Ólympíuleikana í Lillehammer, þar sem Di Centa sló í
gegn, var hún yfir sig kát. Belmondo hlaut „aðeins" tvenn brons-
verðlaun og Di Centa sagðist vera glöð yfir því að geta sýnt fram
á að konur, sem eru ekki eins vaxnar og karlmenn, gætu líka
unnið til verðlauna." Di Centa var ákveðinn brautryðjandi fyrir
konur í íþróttum á ftalíu og er fegin að hafa lagt sitt af mörkum til
þess að opna augu almennings fyrir kvennaíþróttum.